Te Kura Taumata o Panguru

Ngā Kitenga Arotake Report

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi. 

2 Te Horopaki

E tū ana Te Kura Taumata o Panguru ki te hapori iti o Panguru i te Tai Tokerau, ki te pūtake o ngā maunga o Panguru me Papata. E poipoi ana te kura i ngā ākonga, mai i ngā tau 1 ki te 13, ā, nō nā noa nei i hono atu ai ki Ngā Kura ā Iwi o Aotearoa. Ka whai pānga nui te kura ki te hapori, ā, kua roa nei ngā whakatupuranga o ngā whānau maha i tūhono ai ki te kura. 

3 Te Aronga o te Aromātai 

He pēhea rawa te whakaatu mai a ngā uri i tā rātou whai tukuihotanga me tā rātou whakaaweawe?

Ka kitea ki ngā uri tō rātou ngākau titikaha ki te whakapuaki me te whakatinana i tō rātou ūkaipōtanga. 

4 Ngā Whakaaturanga 

Ko te tikanga, te whakapono me te mātauranga tuku iho e pou here katoa ana i ngā whakaakoranga me ngā akoranga i te kura. Ka kitea te whanaungatanga ki ngā taunekeneke a ngā tuākana me ngā tēina. Ka whai pānga matua Te Au Warawara ki te kura, ā, ka tū hei kaitiaki o tō rātou taiao pā tata. E whakaratohia ana ngā whai wāhitanga mō ngā uri ki te tiaki i te taiao, ki te ārahi i ngā pōwhiri, i ngā karakia, me ā rātou ake nei mātauranga. Ka whakatauira mātātoa ngā kaiako i te reo Māori, ā, ka whakamahi i te tangongitanga o ngā rautaki e hāpai ana i te whakamahinga a ngā uri i te reo. Ko ētahi o aua rautaki, ko te toro atu ki ngā wheako reo matatini, me te whakamahi i ngā hangarau matihiko e whakatinanahia ana ki te hōtaka akoranga, hei āta whakatairanga i te whakahirahiratanga o tō rātou ūkaipō. Ka whai wāhi nui, ka ako hoki ngā uri ki tētahi wāhi e ū ana i te manaaki, te whakaute, me te noho ngātahi. 

I tohu ngā putanga o Te Taumata Mātauranga ā-Motu kua Taea o te tau 2023 i te 89% o ngā ākonga o te Tau 11 i whakatutuki ai i te Taumata 1, ā, ko te 62% kē te tatauranga ā-motu. I te tau 2023, o ngā ākonga i wehe i te kura, e 67% o rātou i whiwhi i te Taumata 2. E 50% o ngā ākonga Tau 13 i tutuki i te Taumata 3, ā, e 30% o rātou i whiwhi i te Tiwhikete Whakauru Whare Wānanga. I ngā Tau 1 ki te 10, e whakawhiti haere ana te kura, mai i tētahi aronga aromatawai hei kura ara reo Pākehā, ki te aromatawai me te pūrongo i te reo matatini me te pāngarau hei kura i raro i te maru o Ngā Kura ā Iwi o Aotearoa. I tēnei wā, e whakatinana haere ana ngā kaiārahi me ngā kaiako i ngā taputapu aromatawai ara reo Māori e tika ana, kia rite ai mō te tau 2025. 

Kei te mātātoa te whakakanohi me te hāpai o Te Poumarumaru me ngā kaiārahi o te kura i ngā uri, ngā whānau, me te kura. E whakatairanga ana te tauākī taketake me te tirohanga a te kura i tētahi taiao ako e hāpai ai i ngā uri ki te eke angitu me te tū hei puna mātauranga. Ka arotahi te tumuaki ki te whakatū i ngā raukura o te kura hei tūāhuatanga tonu o te tauatanga, otirā, hei whakatairanga i te ahu whakamua o te kaupapa ki anamata. Kawea mai ai e ngā mema o te poari te tangongitanga o ngā mōhiotanga me ngā pūkenga ki ō rātou tūranga me ā rātou kawenga mahi. Ka whai mōhiohio ngā whakataunga, ā, ka āta whakaarohia, ka whakautea hoki ngā tirohanga o ngā uri, ngā whānau, me te hapori. Ka toro atu Te Poumarumaru ki te ārahitanga o Te Whakarōpūtanga Kaitiaki Kura o Aotearoa me Ngā Kura ā Iwi o Aotearoa, ki te whakatupu i tō rātou mōhiotanga me tō rātou māramatanga ki ngā tūranga kāwana. Ko te whakawhirinakitanga, te ngākau pono, me te mākohakoha kei te pūtake o ngā hononga ki waenga i ngā mema o Te Poumarumaru me ngā kaiārahi ngaio. E ākina ana, e hāpaitia ana hoki te whai tonu a ngā kaiako i ngā tohu mātauranga tāura. He pai te tautoko o ngā poumarumaru i ngā kaiārahi o te kura, hei āta whakatau i te whakatinanatanga o ngā putanga e whai hua ana ki ngā uri. 

Ngā Whakaritenga Matua ka whai ake

He whitiwhiti kē te kounga o ngā whakaakoranga. Ahakoa te tini o ngā whakaritenga papai e tohua ana, kāhore i te riterite aua whakaritenga puta noa i te kura. I ngā akomanga i kitea ai e Te Tari Arotake Mātauranga ngā whakaritenga papai, i whakamahi ngā kaiako i te tangongitanga o ngā rautaki whakaako e whai pūtake ana, ā, i te mauritau, i te ngana nui, i te ārahi hoki ngā uri i ā rātou ake akoranga. He mea nui kia aroturuki ngā kaiārahi whakaako i te kounga o ngā whakaritenga ā-akomanga, kia riterite ai puta noa i te kura. Ka whai hua ngā uri katoa mā te riterite o ngā mahi whakaako. 

Me titiro wawe ki ētahi o ngā pūnaha. Me āta titiro ki ngā take e pā ana ki te rongoā. I te wā o te arotake, i te ngaro te rēhita rongoā, ka whakahoki poka noa i ngā rongoā, ā, tē taea e ngā uri te whakapā atu. Kua tae ki te wā kia aro matua ki aua whakaritenga hei āta whakatau i te hauora me te haumaru o ngā uri. 

5 Te Whakatau a Te Poumarumaru ki ngā Wāhanga Tautukunga

I mua i te aromātai, i whakatutukihia e te poari kaitiaki me te tumuaki he Tauāki Kupu Tūturu a Te Poumarumaru me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga: 

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• ngā rēhita a ngā kaiako
• te tukanga whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• te whakatutukitanga o ngā kaupapa here o te kura i ngā tikanga o te Children's Act 2014.

Hei whakatutuki i ngā herenga ā-ture, me tahuri rātou ki te:

• āta whakatau i te whakatakotoranga o ngā whakaritenga o te hauora me te haumaru e hono atu ai ki te tuhi haere me te putu i ngā ritenga rongoā katoa e tika ana. 
  [s127 (18) Te Ture Mātauranga me te Whakangungu 2020] 

6 Te Taunakitanga

E taunaki ana Te Tari Arotake Mātauranga me te tumuaki kia whakamahia tonuhia ngā whakaritenga aromātai o roto, hei whakatairanga tonu i ngā putanga e whai hua ana ki ngā uri. 

Tiwana Hibbs
Toka ā Nuku 
Te Uepū ā-Motu – Māori Review Services

07 Haratua, 2025

7 Ngā kōrero e pā ana ki te kura 

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi. 

2 Context 

Te Kura Taumata o Panguru is in the small Northland settlement of Panguru and sits beneath the maunga Panguru Papata. The kura caters for students from Years 1 to 13 and has recently affiliated to Ngā Kura ā-Iwi o Aotearoa. The kura is an important part of the community, many of whom have long-standing and inter-generational connections with the school. 

3 Evaluation Focus

How well do uri show they are culturally autonomous and influential?

Uri show confidence in expressing and demonstrating their ūkaipōtanga.

4 Findings

Tikanga, whakapono and mātauranga tukuiho underpin teaching and learning within the kura. Whanaungatanga is evident through tuākana, taina interactions. Te Au Warawara is an integral aspect of the kura to act as guardians of their surrounding environment. Uri are provided with opportunities to care for the taiao, to lead in pōhiri, karakia as well as their own knowledge base. Kaiako actively model te reo Māori and use a range of strategies that support uri use of the language. These include engaging literacy experiences and the use of digital technologies being implemented in the learning programme to unpack the importance of their ūkaipo. Uri participate and learn in a caring, respectful and a collaborative environment.

The 2023 National Certificates in Educational Achievement (NCEA) results indicate that 89% of Year 11 students achieved Level 1 which is above the National results for Level 1 at 62%. 67% of students left school with at least a Level 2 qualification in 2023. The results recorded for students at the end of 2023 in Year 13 showed that 50% achieved Level 3 and 30% gained University Entrance. In Years 1 to 10, the school has been transitioning its assessment approach from that of an English medium school to assessing and reporting against te reo matatini and pāngarau as a kura affiliated to Ngā Kura ā-Iwi. Leaders and teachers are currently in the process of implementing appropriate Māori medium assessment tools in readiness for 2025.

The poumarumaru and kura leaders actively represent and serve uri, whānau and the kura. The kura mission and vision promotes a learning environment for uri to achieve their full potential and act as the repositories of knowledge. The tumuaki has a focus on recruiting raukura of the kura as succession planning to promote the kaupapa leading into the future. Members of the board of trustees bring a diverse range of knowledge and skills to their collective roles and responsibilities. Decision making is well informed and uri, whānau and community views are considered and respected. The poumarumaru seek support and guidance from the New Zealand Schools Trustees Association and Ngā Kura ā-Iwi to grow their knowledge and understanding of governance roles. Relationships between members of the poumarumaru and professional leaders are based on trust, integrity and openness. Kaiako are encouraged and supported to continue onto post graduate academic studies. Poumarumaru provide good support to kura leaders to ensure positive outcomes for uri are realised. 

Key Next Steps

The quality of teaching is variable. While there are many examples of good practice this is not consistent across the kura. In classrooms where ERO observed good practice, kaiako used a range of purposeful teaching strategies, and uri were settled, engaged and leading their own learning. It is important for the leaders of learning to monitor the quality of classroom practices for schoolwide consistency. All uri benefit from consistent teaching practices.

Some systems require urgent attention. Matters relating to medication lack attention. During the review, the medication register was misplaced, and the medication storage was vaguely placed and inaccessible to uri. It is timely that these practices are prioritised to further ensure the health and safety of uri. 

5 Te Poumarumaru Assurance on Legal Requirements

Before the evaluation, the board of trustees and tumuaki completed the ERO Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the evaluation, ERO checked at the following items because they have a potentially high impact on student safety and wellbeing:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance
• school policies in relation to meeting the requirements of the Children’s Act 2014.

Actions for Compliance 

To meet compliance requirements, they must: 

• ensure they have health and safety practices that links to recording and storage of all medication practices as required.
  [Section 127 (18) Education and Training Act 2020]

6 Recommendation

ERO and the tumuaki recommend continuing to utilise internal evaluation practices to further promote positive outcomes for uri.

Tiwana Hibbs 
Toka ā Nuku - Director
Te Uepū ā-Motu – Māori Review Services

07 May 2025

7 Information about the kura