Review 22 May 2024
Latest1 He Kupu Arataki
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.
2 Te Horopaki
Ko Puke Huia me Ngā Puke Haua ngā maunga
Ko Taukahawai te awa
Ko Ngāti Kaharau me Ngāti Hau ngā hapū
Ko Ngātokimatawhaorua te waka
Ko Ngāpuhi te iwi
E tū ana Te Kura o Ōmanaia ki Hokianga, ā, e whakarato ana i te mātauranga kaupapa Māori ki ngā uri o ngā tau 1 ki te 8. Whai muri i te arotake a Te Tari Arotake Mātauranga i te tau 2019, kua whakawhitihia te kura, mai i te kura reo rua, ki te wāhanga 156 o te Ture Mātauranga, me te kaupapa o Ngā Kura ā Iwi. Mai i taua whakawhitinga, kua aro nui te whānau o te kura ki te whakapūmau i te Ōmanaiatanga ki te pūtake o ngā tūāhuatanga katoa o te kura.
3 Te Aronga o te Aromātai
He pēhea rawa te whakapuaki mai a ngā uri i tō rātou Ōmanaiatanga?
E tino tautokona ana ngā uri kia whanake tō rātou māramatanga ki ngā uara me ngā mātāpono o Ōmanaia.
4 Ngā Whakaaturanga
E ako ana ngā uri ki tētahi taiao e whakapūmau ana i ngā uara me ngā whakapono o te aroha, o te manaakitanga, me te whanaungatanga. He aronga pūmau ki te poipoi i te pitomata o ia uri. Ka ākona, ka māramahia e rātou tā rātou whai wāhi atu ki te whakaū i ngā uara o tō rātou kura. Ka whakarato ngā kaiako i tētahi taiao e hāpai ana i te tū manawa whakahī o ngā uri, nā tō rātou tuakiritanga Ōmanaia, nā te whai oranga hei Māori, nā te eke angitu hei Māori. Ka hāpai ngā kaiako i ngā uri ki te taunekeneke tika hei tuakana, hei teina. Ka whakaū rātou i ngā tino tūmanako mō ngā uri, ā, ka whakamihi, ka whakanui hoki i ngā uri. E whanake ana ngā uri i ngā pūkenga me te ngākau titikaha ki te whakapūmau i ngā hononga mau roa ki te taha o ētahi atu. Tīmata ai ia rā ki te karakia, ā, ka mātakitaki hoki rātou i te tū o ētahi ki te ārahi me te hautū i ō rātou hoa. E mōhiotia ana, e ākona tonuhia ana hoki te mana whenua e ngā uri. Ka kitea tō rātou whakaute mō ō rātou hononga hei ākonga i roto i Ōmanaia. Ka toro atu ngā uri i ō rātou hononga ā-whakapapa mā ngā akoranga i whakamaheretia ai mō te reo matatini me te wā mihimihi. E rongo ana ngā uri i te papai o te whai hononga ki ētahi atu.
E hāpai ana te ārahitanga i te whakawhirinakitanga me te mahi ngātahi, ki ngā wāhanga katoa o te hapori o Te Kura o Ōmanaia. Kei Te Poumarumaru ngā mema hou e kawe ana i te tangongitanga o ngā wheako me ngā pūkenga e whai hua ana ki ō rātou tūranga. Ka tae atu rātou ki ngā huihuinga o Ngā Kura ā Iwi o Aotearoa, ā, ka toro atu hoki rātou ki Te Whakarōpūtanga Kaitiaki Kura o Aotearoa ki te whakapakari i ō rātou āheinga kāwana. Kua roa nei te tumuaki e mahi ana ki te kura, ā, nā te tautoko hoki o Te Poumarumaru hou, kua waihangatia e ia te mahere rautaki ā-kura. He tino aronga ki te whakapai ake i ngā putanga ki ngā uri, ki ngā whānau, me ngā kaimahi, ā, e ū ana ki te whakapakari ake i te māramatanga o ngā uri ki te Ōmanaiatanga. Ko te aronga matua o tēnei wā, ko te whakatū i tētahi wharekura hei poipoi i ngā uri o ngā tau 9 me te 10, ā, he wawata tēnei nō te whānau, e kōkirihia ana hoki e rātou.
Ahakoa e hāngai ana ngā kaupapa here me ngā tukanga o te kura ki tēnei wā, ahakoa e whai pūtake ana hoki, kei te whāia e te poari ētahi atu kaupapa here hou me ētahi atu angamahi hou. E hāpaitia ana ngā uri mā ngā mahi ārahi, mahi kāwana hoki e arotahi ana ki tō rātou waiora me tō rātou tuakiri ā-ahurea.
Ngā Whakaritenga Matua ka whai ake
I tautuhia e te tumuaki, ko te huringa tupu ngaio tētahi āhuatanga hei whakapai ake. E tautoko ana te aromātai a Te Tari Arotake Mātauranga i taua aronga. Kua tīmata noa te whakatinanatanga o ngā huringa tupu ngaio e arotahi ana ki te whakatairanga tonutanga a te tumuaki me ngā kaiako. Kua whakatakotohia ngā whāinga ngaio, ā, kua tuhia ngā whakaaro huritao hei aroturuki i te ahu whakamua. Engari, kāhore i te riterite te kounga o aua tūāhuatanga. Ka whai hua ngā uri i te wā e arotahi ana ngā kaiako ki te whakapakari ake i ō rātou āheinga ngaio, ā, e mōhio ana hoki rātou ki ngā whakaritenga papai o te wā.
Ko tētahi whakaritenga matua ka whai ake, ko te whakapiki ake i te mātau ki te reo Māori, inarā i te reo Māori o ngā uri hou o te kura. Ko te kore matatau ki te reo tētahi tūāhuatanga kua whai pānga ki ngā paetae ākonga, ā, ki tā ngā hōtuku, kāhore ngā tamariki katoa e eke ana ki ō rātou tino pūmanawa. I tohua ki ngā hōtuku ā-kura i te mutunga o te tau 2023, i te 35% noa o ngā uri e eke ana ki te taumata e hiahiatia ana mō te reo matatini, me te 46% e eke ana ki te taumata e hiahiatia ana i roto i te pāngarau. Nā te tātari i ngā hōtuku mā te wā noho anō hoki o te ākonga ki te kura, i whakataungia e pērā ana te iti o ngā ōrau nā te tokomaha o ngā uri e whakawhiti ana ki te kura, mai i ngā kura auraki reo Pākehā.
Hei urupare i ngā hōtuku paetae, e tautoko ana te poari i te whakawhanaketanga ngaio mō ngā kaiako i roto i te reo matatini. Kua whakawhanakehia hoki e te tumuaki tētahi rauemi reo Māori e hāpai ana i te whānau ki te whakapakari ake i te reo Māori i roto i te kāinga. Kua tae ki te wā kia mahi ngātahi ngā kaiārahi, ngā kaitiaki, me te whānau o te kura ki te āta whakatakoto i ngā tūmanako me te aro atu ki te whakatairanga ake i te whakaako me te ako i te reo Māori. Me whai wāhi hoki ki tēnā, ko te whakawhanaketanga o tētahi mahere pae tawhiti, hei āta whakatau i te aronga matua ki te reo Māori, me te āta whakatō, te āta whakapūmau hoki i te reo kia whanake ai te ngākau titikaha me te matatau o ngā uri ki te kōrero i te reo Māori.
5 Te Whakatau ki ngā Wāhanga Tautukunga
I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:
- te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
- te haumaru ā-tinana o ngā ākonga
- te rēhitatanga o ngā kaiako
- ngā tukanga ki te whakatū kaimahi
- te whakaunu, te aukati, te pana me te whakarerenga
- te tae ā-tinana atu a ngā ākonga ki te kura
- ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.
6 Te Taunakitanga
Kia whakawhanakehia e te tumuaki me Te Poumarumaru tētahi mahere pae tawhiti mō te tupu tonu me te whakawhanaketanga tonu o te reo Māori.
Darcy Te Hau
Toka ā Nuku
Te Uepū-a-Motu – Māori Services
22 Haratua 2024
7 Ngā kōrero e pā ana ki te kura
Te tūwāhi Kei Ōmanaia, ki te Tai TokerauTe tau a te Tāhuhu o te Mātauranga 1060Te tūmomo kuraHe kura tuatahi (Tau 1-8)Te tokomaha o ngā ākonga o te kura70Ngā hononga ā-iwiMāori 61, Pākehā 9Ngā āhuatanga motuhakeNgā Kura ā Iwi Te wā i te kura te rōpū arotakePoutū-te-rangi 2024 Te wā o tēnei pūrongo 22 Haratua 2024Ngā pūrongo o mua aTe Tari Arotake Mātauranga Arotake Mātauranga, Hui-tanguru 2019; Arotake Mātauranga, Haratua 2016; Arotake Mātauranga, Pipiri 2013
1 Introduction
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.
2 Context
Ko Puke Huia me Ngā Puke Haua ngā maunga
Ko Taukahawai te awa
Ko Ngāti Kaharau me Ngāti Hau ngā hapū
Ko Ngatokimatawhaorua te waka
Ko Ngāpuhi te iwi
Te Kura o Ōmanaia is in Hokianga and provides kaupapa Māori education for uri in Years 1-8. Since the ERO 2019 review, the kura transitioned from a Bilingual School to section 156 of the Education Act under the kaupapa of Ngā Kura ā-Iwi. Since the transition, the kura whānau have been committed to placing Ōmanaiatanga at the forefront of all aspects of the kura.
3 Evaluation Focus
How well do uri express their Ōmanaiatanga?
Uri are well supported to develop their understanding of Ōmanaia values and principles.
4 Findings
Uri learn in an environment that upholds the values and beliefs of aroha, manaakitanga and whanaungatanga. There is a strong commitment to nurture the potential of each uri. They learn about and understand their contribution to maintaining the values of their kura. Kaiako provide an environment where uri can be proud of their identity as Ōmanaia, live as Māori and develop success as Māori. Kaiako support uri to interact appropriately as tuakana and taina. They maintain strong expectations for uri, and praise and acknowledge uri accordingly. Uri develop skills and confidence to form enduring relationships with others. They begin each day with karakia and observe how others take responsibility to lead and guide their peers. Uri know and continue to learn about mana whenua. They show respect for those connections as learners within Ōmanaia. Uri extend their whakapapa connections through planned learning in te reo Matatini and wā mihimihi. Uri experience positive connections with others.
Leadership builds relational trust and collaboration at all levels of the Ōmanaia kura community. Members of the poumarumaru are new and bring a range of useful experiences and skills to their roles. They attend Ngā Kura ā-Iwi conferences and seek assistance from the New Zealand Trustees Association to build their governance capabilities. With support from the new poumarumaru, the long serving tumuaki designed the kura strategic plan. It has a strong focus on improving outcomes for uri, whānau and staff, and is dedicated to strengthening uri understanding of Ōmanaiatanga. The current major focus is the establishment of a Wharekura to cater to Years 9 and 10 uri, an aspiration held and driven by whānau.
Although the kura policies and procedures are up to date and fit for purpose, the board is currently going through the process of onboarding new policies and frameworks. Uri are supported through leadership and governance practices that focuses on their wellbeing and cultural identity.
Key Next Steps
The tumuaki identified that the professional growth cycle was an area for improvement. The ERO evaluation affirms this. Improvement focused professional growth cycles are in the early stages of implementation for the tumuaki and kaiako. Professional goals have been set and reflections have been documented to monitor progress. However, the quality of these is variable. Uri benefit from kaiako who are focused on strengthening their professional capability and are up to date with current best practice.
Raising the competency of te reo especially for new uri to the kura, is a key next step. A lack of fluency has impacted on student achievement data which shows that not all children are achieving to the best of their potential. Kura data reported at the end of 2023 shows that only 35% of uri were achieving at the expected level for literacy and 46% were achieving at the expected level for numeracy. The analysis, based on time in school data, indicates that the low percentages are due to the high number of uri transitioning to the kura from English medium schools.
In response to the achievement data, the board is supporting professional development for kaiako in literacy. The tumuaki also developed a reo Māori resource that supports whānau to build te reo Māori in the home. It is timely for kura leaders, trustees and whānau to work together to establish clear expectations and work toward enhancing the teaching and learning of te reo Māori. This should include developing a long-term plan to ensure te reo Maori is prioritised, embedded, and sustained so that uri develop as confident and competent speakers of te reo.
5 Poumarumaru Assurance on Legal Requirements
During the evaluation, ERO checked the following areas:
- emotional safety of students (including prevention of bullying and sexual harassment)
- physical safety of students
- teacher registration
- processes for appointing staff
- stand-downs, suspensions, expulsions and exclusions
- attendance
- school policies in relation to meeting the requirements of the Children’s Act 2014.
6 Recommendation
The tumuaki and board of trustees develop a long-term plan for the continued growth and development of te reo Māori.
Darcy Te Hau
Toka-ā-Nuku – Director
Te Uepū ā-Motu – Māori Review Services
22 May 2024