Te Rangi Aniwaniwa

Ngā Kitenga Arotake Report

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi. 

2 Te Horopaki 

‘Ko Te Rangi Āniwaniwa te maunga
Ko Rangaunu te moana taku kōpere e āniwaniwa i te rangi, tāwhana kau ana i runga i ngā
maramara a Muriwhenua
Ko Kahukura e āniwaniwa i te rangi, tutuki noa ki ngā tai māpunapuna o Rangaunu
Ko Te Rangi Āniwaniwa te kura nei hei whakanuia, whakahua ngā tūhonohonotanga katoa mai i a Ranginui rāua ko Papatuanuku, tae noa atu ki a tātou ngā tāngata’

E tū ana a Te Rangi Āniwaniwa ki Awanui, i Kaitāia. E whakarato ana te kura i te mātauranga rumaki reo Māori mō ngā tamariki o ngā tau 1 ki te 15. Kei te tūāpapa o te kura, ko ngā tikanga whakaaro o Te Aho Matua, me te reo, ngā tikanga hoki o Muriwhenua. 

3 Te Aronga o te Aromātai 

He pēhea rawa te whakaatu mai a ngā tamariki i tō rātou manawa whakahī, he pēhea rawa hoki te eke angitu mā te Muriwhenuatanga?

Ka kitea ki ngā tamariki te kaha o tō rātou manawa whakahī, ā, e eke angitu ana rātou ā-ahurea, ā-mātauranga hoki hei uri o Muriwhenua. 

4 Ngā Whakaaturanga 

Te Ira Tangata

‘He kākano i ruia mai i Rangiātea, e kore ia e ngaro’

E whakamana ana ngā tamariki i tō rātou tuakiri hei uri o Muriwhenua. Kei te pakari tā rātou ārahi i roto i te akomanga me te hapori. Ka whai wāhi tākare atu ngā tamariki ki ngā akoranga e tūhonohono ana i a rātou ki tō rātou tūrangawaewae me tō rātou taiao. Ka patapatai rātou kia whai māramatanga ki ngā kōrero tuku iho, kia puta ai rātou hei tino puna o ngā kōrero tuku iho e pā ana ki a Muriwhenua. Ka whakarato ngā kaimahi me ngā mātanga ā-iwi i te hōhonutanga o ngā wheako mō ngā tamariki, hei whakapakari i tō rātou māramatanga ki ngā kōrero me ngā mātauranga a ngā iwi e tuku iho ana ā-whakatupuranga nei ki a rātou. He manawa whakahī ō ngā tamariki hei kaitiaki o ā rātou taonga tuku iho. 

Te Reo Māori 

‘Tōku reo, tōku ohooho. Tōku reo, tōku māpihi maurea
Tōku reo, tōku whakakai marihi’

Ka kitea ki ngā tamariki te tākare ki te ako me te whakamahi i te reo Māori. Ko Manawa Rahi te whakapūmautanga ā-kura e āta whakatau ai i te oranga tonutanga me te whakamanatanga hoki o te reo Māori, ā, ka hāpai i ngā tamariki ki te ārahi mā te ngākau titikaha me te manawa whakahī mō tō rātou Māoritanga. Ka āta whakaakona te reo Māori i roto i te hōtaka akoranga. E hāpai ana ngā waiata, ngā karakia, me ngā pūrākau i te whakawhanaketanga reo o ngā tamariki. Tae atu ai ngā whānau me ngā tamariki ki ngā kura reo i ia te wā, kia āta rongo ai rātou i ngā puna kōrero o te rohe, me te whakapūmau anō hoki i te reo ake o ngā iwi. Kei te hokihoki mai ngā raukura ki te kura hei kaimahi, ā, ka whakamāoriori rātou ko ngā pakeke me ngā whānau i te whakamahinga o te reo Māori, puta noa i ia rā. E tino tautokona ana ngā tamariki kia tupu tā rātou kōrero, tō rātou māramatanga hoki ki te reo o Muriwhenua. 

Ngā Iwi

‘Te piko o te māhuri, tērā te tupu o te rākau’

Ka kitea ki ngā tamariki ngā hononga papai, hononga tauutuutu hoki ki ngā whānau, ngā hapū, me ngā iwi, mā ngā tikanga ā-ahurea i āta whakatōngia ai. Kei te tūāpapa o te marautanga, ko ngā tikanga me ngā whakapapa o te takiwā, ā, ka poipoi i te hōhonutanga o ngā hononga me te kawe ngātahi i ngā whakaritenga kia angitu ai ngā tamariki. Ka whai pānga matua ngā wheako ā-ahurea, ā-hītori, ā-tōrangapū hoki ki tō rātou hapori, ā, ka whai wāhi atu, ka ārahi anō hoki ngā tamariki me ngā whānau i roto i aua tūāhuatanga. Ka whakatairangatia tēnā i ō rātou hononga me tō rātou mōhiotanga ki ngā hītori o Muriwhenua. Ka hāngai pū ngā wawata o ngā whānau me ngā iwi ki te whakatupu i ngā tamariki ngākau titikaha e whakapūmau ai i tō rātou reo, ā rātou tikanga, me ō rātou whakapapa, me te tū hoki hei kawau mārō mō Te Whakaputanga, mō Te Tiriti o Waitangi, me te hīkoi whenua. E whakamanahia ana te eke angitu o ngā tamariki i roto i te ao Māori, mā tā rātou whai wāhi mātau atu ki ō rātou marae, ō rātou hapū, me ō rātou iwi. 

Te Ao

‘Ka pū te ruha, ka hao te rangatahi’

Ka tūhura ngā tamariki i te Muriwhenuatanga mā te aronga torowhānui e poipoi ana i tō rātou tuakiri me tō rātou manawa whakahī ā-ahurea. Ko te taiao mīharo whakaharahara o Te Hiku o Te Ika e tuitui ana ki ngā whakaakoranga e tūhonohono ai i ngā ākonga ki tō rātou taiao, e akiaki ai hoki i te whakaute mō tō rātou wāhi kāinga hei kaitiaki. Ka uru atu te wharekura ki ngā wheako i te whare wānanga, ā, he whai wāhitanga hoki ki te toro atu ki ngā mahinga wheako e whakawhanake ai i ngā pūkenga waiwai mō te pae tawhiti. I tua atu i te marautanga, ka tū pakari ngā tamariki hei pūkenga i roto i te manu kōrero, te waka ama, me te kapa haka, ā, ka uru atu ki ngā whakataetae ā-rohe, ā-motu hoki. Ka whakanui, ka whakamana hoki te whānau i ngā mātauranga ā-rohe e riro ana i ā rātou tamariki mā ngā whai wāhitanga ako ki te kura me te hapori. E puāwai mai ana ngā mātauranga hōhonu o ngā tamariki ki te ahurea, ā, kua rite rātou ki te ārahi i te ao Māori, ā, ki tua atu hoki. 

Āhuatanga Ako

‘Tamariki wāwāhi tahā, aratakina ki te mātāpuna o te mōhio, o te ora, o te maungārongo’

Ko te tūturu o ngā kaupapa marau me ngā wheako ako e āta whakatau ana i te kaha whai wāhi atu a ngā ākonga. Ka poipoi ngā kaiako i tētahi taiao e whakakoia ana, e whakakotahi ana hoki, ā, ka toro atu ngā tamariki ki te tangongitanga o ngā wheako ako. He pai te hanganga o ngā mahere ā-kura, ā, ka whakawhiti kōrero ngātahi i ngā whakaakoranga me ngā akoranga e whakatairanga ana i te angitu o ngā ākonga. Kei te tino mōhio ngā kaiako ki ngā tamariki, ā, ka whakariterite i ngā akoranga nahanaha kia āta whai wāhi mai ai te katoa. Ka āta aroturukitia te ahu whakamua, ka whakahāngaitia te tautoko mō ngā tamariki hei āta hāpai ake. Ko ngā mōhiohio paetae mātauranga e tohu ana mō ngā tamariki o ngā tau 1 ki te 8, kei te tutuki i te tino nuinga o rātou ngā tūmanako ā-mātauranga. Ka tīmata ngā tamariki o te wharekura i te huarahi o Te Taumata Mātauranga ā-Motu kua Taea i te Tau 9 me te Tau 10. I roto i ngā tau e toru kua pahure ake nei, kei te takiwā o te 90-100% te angitu o ngā tamariki e whai ana i ngā taumata 1 ki te 3 o Te Taumata Mātauranga ā-Motu kua Taea. E tohu ana ngā paetae Taumata 1 o Te Taumata Mātauranga ā-Motu kua Taea mō reo matatini me te pāngarau i te tau 2023 me te tau 2024, i te eke pai o ngā tamariki, ā, 100% te whakatutukitanga. Kei te ngākau titikaha, kei te pakari, kei te angitu hoki ngā tamariki hei ākonga. 

Whānau Whakahaere me te Ārahitanga 

‘Kia ū ki te reo, kia tino rawe ngā kaimahi,
kia tutuki ngā whāinga mātauranga, kia mahitahi me te whānau’

Ka whakawhanake ngātahi, ka whai hoki te ārahitanga i te tirohanga me te tauākī taketake a te kura. E whakapūmau ana, e whakatauira ana hoki te tumuaki i ngā uara o te kura me ngā mātāpono o Te Aho Matua. Kua āta tautuhia ngā tūranga o te ārahitanga me ngā kawenga mahi i roto i te kura, ā, ka hāpaitia te tupu o ngā kaimahi i roto i ngā tūranga hou. Ko te tuari i te ārahitanga, ko ngā whakataunga e ahu mai ana i ngā raraunga, e hāpai katoa ana i te taiao e aro nui ana ki te ākonga. Aroturukitia ai i ia te wā, ko ngā whakaakoranga, ko ngā akoranga, ko te whai wāhi atu me te waiora e ngā pou ārahi. Ka mahi ngātahi ngā kaimahi ki te whakapakari i tētahi pūnaha tautoko e tohu ana i te teitei o ngā tūmanako me ngā putanga. Ka hāpai te ārahitanga i te whakawhanake tonutanga o ngā kaimahi i ō rātou mōhiotanga me ō rātou pūkenga ki te marau mā ngā whakawhitinga kōrero me te tautoko ngaio i ia te wā. Ka poipoia mātātoa nei te whakatinanatanga o te ahurea me te ārahitanga e kōkirihia ai e ngā tamariki mā te kaupapa o Kāhui Kahurangi, arā, ko ngā tamariki i whakatūngia ai hei māngai mō rātou. Ka whai wāhi atu rātou ki te waihanga i ngā kōkiritanga, ka ārahi, ka whakamahere hoki i ngā wānanga, ā, ka āta kitea te ahunga mai o tō rātou reo me ō rātou pūkenga ārahi e kaha ahu mai ana i tō rātou tuakiri me tō rātou tūrangawaewae. Ka whakamanahia ngā tamariki kia mātātoa tō rātou tū hei kaihāpai, hei kaiārahi hoki, ā, ka whakamanahia te tangata kia tupu, kia whai wāhi nui, kia puāwai. 

‘Whāia te tino rangatiratanga’

E arahina ana te poari me ngā whānau o Te Rangi Āniwaniwa e ngā pou e whā e hāngai ana ki tā rātou tirohanga ki ngā tikanga, ki te Muriwhenuatanga, ki te oranga, me ngā tamariki. E whakaatu ana te poari i tētahi tūnga kāwana mātātoa e hāngai pū ana ki ngā tamariki, ā, ka āta whakatau rātou i te hāpaitanga o ngā whakataunga whakahaere i te ako me te waiora. Mā roto mai i te poari, ko ngā māngai o ngā whānau, ko te tumuaki, me ngā kōtuitanga ā-iwi. Ko tō rātou tautōhito e āta whakapūmau ana i tō rātou ū ki te ahurea; ko te nahanaha o ā rātou whakataunga e whai pānga tika ana ki ngā mātāpono o Te Aho Matua, ā, e āta whakaarohia ana, e āta whakatinanahia ana hoki ngā wawata o te whānau o te kura. Kua aro pū te poari ki te hapahapai ā-rawa nei i ō rātou whāinga rautaki e tautoko ana i te waiora o ngā tamariki me tā rātou angitu i roto i te mātauranga. Ka whai wāhi ki ā rātou whakaritenga kāwana, ko te whakatutukitanga o ngā herenga ā-ture mā ngā tukanga pakari o te arotake whaiaro. Ka āta whāia ngā paetae a ngā tamariki me tā rātou taetae atu ki te kura, mā ngā whāinga i whakatakotohia ai mō te kura. E whai hua ana ngā tamariki nā ngā whakataunga i āta whakaaro nuitia ai kia whakatinana ngā tamariki i ō rātou tino pūmanawa. 

Ngā Whakaritenga Matua ka whai ake

I tautuhia e te kura, e tika ana kia whakapūmautia ngā tukanga arotake whaiaro, ā, ko ētahi wāhanga nui whakaharahara, ko te whakawhanake tonutanga mō te tauatanga. E tautoko ana tēnei aromātai i ngā wāhanga i tautuhia ai e te kura hei whakapai ake, ā, me āta whakatinana hoki i ngā akoako hōneatanga ohotata. Ko te whakaū ki te arotake whaiaro ka whakatairanga ake i ngā tino painga mō ngā tamariki. 

5 Te Whakatau a te Poari ki ngā Wāhanga Tautukunga

I mua atu i te aromātai i whakatutukihia e te poari me te tumuaki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga me te tiwhiketetanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura

6 Te Taunakitanga

E taunaki ana Te Tari Arotake Mātauranga kia whakapūmau tonuhia e te kura ngā tukanga arotake whaiaro, ā, me āta whai atu anō hoki i ngā mahi ki te whakatutuki i te whakaritenga matua. 

Tiwana Hibbs
Toka ā Nuku - Director
Te Uepū ā-Motu – Māori Review Services

7 Whiringa-ā-nuku, 2025

7 Ngā kōrero e pā ana ki te  Kura

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi. 

2 Context 

‘Ko Te Rangi Āniwaniwa te maunga
Ko Rangaunu te moana taku kōpere e āniwaniwa i te rangi, tawhana kau ana i runga i ngā
maramara a Muriwhenua
Ko Kahukura e āniwaniwa i te rangi, tutuki noa ki ngā tai māpunapuna o Rangaunu
Ko Te Rangi Āniwaniwa te kura nei hei whakanuia, whakahua ngā tūhonohonotanga katoa mai i a Ranginui rāua ko Papatuanuku, tae noa atu ki a tātou ngā tangata’

Te Rangi Aniwaniwa is located in Awanui, Kaitaia. They provide Māori immersion education for tamariki in Years 1–15. The kura is founded on the philosophies of Te Aho Matua and the reo and tikanga of Muriwhenua.

3 Evaluation Focus

How well do tamariki exhibit personal pride and achieve success through Muriwhenuatanga? 

Tamariki show strong personal pride and achieve cultural and academic success as uri of Muriwhenua. 

4 Findings

Te Ira Tangata

‘He kākano i ruia mai i Rangātea, e kore ia e ngaro’

Tamariki value identity as uri of Muriwhenua. They confidently lead in the classroom and in the community. Tamariki enthusiastically participate in learning that connects them to their tūrangawaewae and taiao. They use questioning for clarification of kōrero tuku iho to emerge as repositories of Muriwhenua kōrero tuku iho. Kaimahi and tribal experts provide tamariki with rich experiences that strengthens their understanding of tribal stories through intergenerational transmission of knowledge. Tamariki are proud guardians of their heritage.

Te Reo Māori

‘Tōku reo, tōku ohooho.  Tōku reo, tōku māpihi maurea
Tōku reo, tōku whakakai marihi’

Tamariki demonstrate an eager attitude to learning and using te reo Māori. Manawa rahi, a kura-wide commitment ensures te reo Māori remains a living and empowering force, enabling tamariki to lead with confidence and take pride in their Māoritanga. Explicit teaching of te reo Māori is incorporated into the learning programme. Waiata, karakia, and purākau support tamariki in developing their reo. Whānau and tamariki regularly attend kura reo exposing them to puna kōrero of the rohe and reinforcing the distinct tribal nuances. Raukura are returning to the kura as kaimahi who, along with pakeke and whānau normalise the use of te reo Māori in day-to-day life. Tamariki are well supported to grow their use and understanding of te reo o Muriwhenua.

Ngā Iwi

‘Te piko o te mahuri, tērā te tupu o te rākau’

Tamariki display positive, reciprocal relationships with whānau, hapū, and iwi through deeply embedded cultural practices. The marautanga is grounded in local tikanga and whakapapa fostering deep connections and shared responsibility for tamariki success. Cultural, historical, and political experiences are an integral part of their hapori with tamariki and whānau contributing and leading in these areas. This enhances their connection and knowledge of Muriwhenua history. Whānau and iwi aspirations are centred on growing confident tamariki who uphold their reo, tikanga, and whakapapa who champion Te Whakaputanga, Te Tiriti o Waitangi and hīkoi whenua. Tamariki are empowered to succeed in te ao Māori as competent contributors to their marae, hapū, and iwi.   

Te Ao

‘Ka pū te ruha, ka hao te rangatahi’

Tamariki explore Muriwhenuatanga through a holistic approach that fosters their identity and cultural pride. The unique landscapes of Te Hiku o Te Ika are integrated into teaching, connecting students to their taiao, encouraging respect for their surroundings as kaitiaki. Wharekura participate in experiences at whare wānanga and have opportunities to participate in work experience developing essential skills for their future. Beyond the curriculum, tamariki are proud exponents of manu kōrero, waka ama, and kapa haka, participating in local and national competitions. Whānau acknowledge and value the localised knowledge their tamariki gain through the opportunities to learn at kura and within the hapori. Tamariki are emerging as culturally rich and prepared to lead in both te ao Māori and beyond. 

Āhuatanga Ako

‘Tamariki wāwāhi tahā, aratakina ki te mātāpuna o te mōhio, o te ora, o te maungārongo’

Authentic curriculum content and learning experiences ensure high level of student engagement. Kaiako foster an affirming, inclusive environment where tamariki engage in a variety of learning experiences. Kura wide planning is well structured with collaborative discussions for teaching and learning taking place that promotes tamariki success. Kaiako know tamariki well and prepare deliberate lessons for full engagement and participation. Progress is closely monitored, with targeted support for tamariki requiring further assistance. Academic achievement information for tamariki from Years 1–8 shows that the significant majority are meeting curriculum expectations. Tamariki in the Wharekura begin their National Certificate of Educational Achievement (NCEA) journey in Years 9 and 10. Over the last three years, tamariki undertaking NCEA Levels 1-3 have a success rate between 90-100%. The 2023 and 2024 NCEA Level 1 results for literacy and numeracy show tamariki achieving very well with 100% achievement rates. Tamariki are confident, capable and successful learners. 

Whānau Whakahaere and Leadership

‘Kia ū ki te reo, kia tino rawe ngā kaimahi, 
kia tūtuki ngā whāinga mātauranga, kia mahitahi me te whānau’

Leadership collaboratively develops and pursues the kura vision and mission. The tumuaki upholds and models the values of the kura and mātāpono of Te Aho Matua. Leadership roles and responsibilities within the kura have been clearly defined with kaimahi supported to grow into new roles. This distributed leadership approach and data-informed decision-making creates a responsive environment. Teaching, learning, engagement and wellbeing are regularly monitored by pou ārahi. Kaimahi work collaboratively to build a support system that shows high expectations and outcomes. Leadership support kaimahi to continue to develop their knowledge and skills in marau through regular discussions and professional support. Cultural expression and tamariki-led leadership are actively fostered with the kāhui Kahurangi, elected tamariki representatives providing tamariki voice. They are involved in designing initiatives, leading and planning wānanga, showing their voice and leadership are grounded in who they are and where they come from. Tamariki are empowered as active contributors and leaders, resulting in a mana-enhancing culture where everyone is equipped to grow, contribute, and thrive.

‘Whāia te tino rangatiratanga’

Te Rangi Āniwaniwa poari and whānau are guided by their four pou that align to their vision of tikanga, Muriwhenuatanga, oranga and tamariki. The poari exhibits a proactive, tamariki-centred governance role ensuring operational decisions support both learning and wellbeing. The poari comprises of elected whānau representatives, tumuaki, and iwi partners. Their collective experience ensures they are culturally grounded; their strategic decision-making reflects the principles of Te Aho Matua, and the aspirations of the kura whānau are considered and implemented. The poari has prioritised resourcing their strategic objectives that supports tamariki wellbeing and academic success. Their governance practices include compliance with regulations through robust self-review processes. Tamariki achievement and attendance is well tracked with achievement goals set kura wide. Tamariki benefit from decision-making that is well considered to realise tamariki full potential.  

Key Next Steps

The kura identified the need to sustain self-review processes, with on-going developments for succession planning as areas of importance. This evaluation supports kura identified areas of improvement with a further need to effectively implement emergency evacuation drills. Sustained self-review enhances positive outcomes for tamariki.

5 Whānau Assurance on Legal Requirement

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on tamariki achievement:

• emotional safety of tamariki (including prevention of bullying and sexual harassment)
• physical safety of tamariki
• teacher registration
• processes for appointing staff
• stand-downs, suspensions, expulsions and exclusions
• attendance.

6 Recommendation

ERO recommend that the kura continues to sustain self-review processes and take all measures to ensure the key next step is addressed.

Tiwana Hibbs 
Toka ā Nuku - Director
Te Uepū ā-Motu – Māori Review Services

7 October 2025

7 Information about the Kura