TKKM o Te Rawhiti Roa

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū me ngā iwi. 

2 Te Horopaki 

E whakarato ana Te Kura Kaupapa Māori o Te Rāwhiti Roa i te mātauranga ki ngā ākonga o ngā tau 1 ki te 15, nā runga i ngā tikanga whakaaro o Te Aho Matua. I roto i ngā tau tata kua pahure ake nei, kāhore i te pai ngā tūāhuatanga o te kura, ki tā ngā pūrongo a Te Tari Arotake Mātauranga. I whakakorengia te poari o te kura e te Tāhuhu o te Mātauranga, whai muri i te Pūrongo Arotake a Te Tari Arotake Mātauranga i te Pipiri o te tau 2018, ā, i whakatū kē i te wawaotanga. I whakatūngia tētahi Kaikōmihana hei hāpai i te whakatutukitanga o ngā tūāhuatanga e whakamōrearea ana i te whakahaeretanga o te kura, hei hāpai ake hoki i ngā putanga mātauranga ki ngā ākonga. Nō te tau 2022 tētahi tumuaki i whakatūngia ai, ā, koia nei te wā tuatahi kua tū hei tumuaki. Nō te Hakihea o te tau 2022 tētahi poari kaitiaki i whakatūngia ai. Nō te Paenga-whāwhā o te tau 2023 te Tāhuhu o te Mātauranga i tango i tā rātou wawaotanga. I taua wā, i mahi Te Tari Arotake Mātauranga ki te taha o te Kaikōmihana me ngā kaiārahi o te kura ki te aroturuki me te tautoko i te ahu whakamua i whakatutukihia ai. 

3 Te Aronga o te Aromātai 

He pēhea rawa te whakatutukitanga me te whakatinanatanga o ngā ākonga i ngā tūmanako me ngā wawata o ō rātou whānau?

E oke ana ngā ākonga i nāianei ki te whakatutuki me te whakatinana i ngā tūmanako me ngā wawata o ō rātou whānau, o rātou anō tonu. 

4 Ngā Whakaaturanga 

Te Ira Tangata 

Ka kitea ki ngā ākonga te tākare ki te ako ki tētahi taiao e ahu mai ana i ngā tikanga Māori me Te Aho Matua. Kei te whakarato te whānau i tētahi taiao e hāpai ana i ngā ākonga ki te whakamana i tō rātou tuakiri, ki te whakawhanake i ō rātou ake ngākau titikaha, ā, ki te whakaatu hoki i te papai o te kiritau. E hāpaitia ana tā rātou tautāwhi atu i te motuhake o ō rātou whakaaro me tō rātou tū. Kei te kaha haere ngā mātāpono o te manaaki, te aroha, te whai koha, me te whanaungatanga hei tūāpapa o ngā hononga me ngā taunekeneke. Kua whakapakari ake te whānau i tō rātou māramatanga ki te whakatinanatanga o Te Aho Matua. Ka kōrero rātou mō te papai ake o te taiao me ngā hononga o te kura. Whakamaharatia ai ngā ākonga i te wā karakia o ia rā, mō te āhua o te whanonga e tūmanakohia ana. I nāianei, he kaha ake te manaaki me te hāpai o ngā tuākana i ngā tēina. Ka kitea ki ngā ākonga tō rātou pārekareka, i a rātou e mahi ana, e tākaro ana hoki ki te waenga i a rātou anō. 

Te Reo

E whanake ana ngā ākonga ki te whakaaro me te kōrero mā te reo Māori. Kei te mārama rātou i ngā wawata me ngā tūmanako o te whānau, te hapū, me te iwi mō te whakarauoratanga o te reo o Ngā Puhi. Nā ngā mahere a ngā kaiako, ka whakaakona ngā tamariki ki te reo me ngā tikanga Māori mā te tangongitanga o ngā rauemi e hāngai pū ana ki ngā kaupapa. Ka whakamahi rātou i te whānuitanga o ngā tūmomo rautaki e akiaki ana i te whakamahinga o te reo Māori. Ka kitea, ka rangona te reo Māori puta noa i te kura, i ngā waiata, i ngā pae matihiko, me ngā toi ataata. He mātau te whakamahinga a ngā ākonga i te reo ki ngā horopaki ōkawa me ngā horopaki ōpaki. Ka whakapuaki rātou i ō rātou whakaaro mā ngā whakatau, ngā hākinakina, me ngā whakawhitinga kōrero. Kua whakatūngia e te kura tētahi kaiārahi i te reo, ā, ko tāna he whakawhanake, he whakapakari hoki i ngā āheinga reo o ngā kaimahi. E whakarato ana ngā kaiako i tētahi taiao ako reo e akiaki ana i te kōrero, te whakarongo, te pānui, me te tuhituhi. He ngākau titikaha ō ngā ākonga ki te whakawhiti kōrero mā te reo Māori, ā, ka kitea tō rātou manawa whakahī i a rātou e kōrero Māori ana. 

Ngā Iwi

Ka whakawhanake ngā ākonga i tō rātou manawa whakahī mō tō rātou whānau, tō rātou hapū, me tō rātou iwi, mā te tangongitanga o ngā wheako ako. Whai muri i te pūrongo o mua a Te Tari Arotake Mātauranga, kua whakapakarihia e te kura ngā hononga ki ngā hapū me te iwi o te takiwā. E whai wāhi mātātoa ana te whānau ki ngā whakahaeretanga me ngā whakataunga o te kura. Kua whakatairanga ake te kura i tōna tūnga ki te hapori whānui. Ka whakatū rātou i ngā kaupapa pērā i te whakaaturanga toi kōrekoreko mō Matariki, ā, he whai wāhitanga mō te whānau ki te whakanui me te whakahōnore i te taha auaha me ngā whakatutukitanga o ngā ākonga. Ka whakapuaki ngā ākonga i tō rātou mōhiotanga ki te taha o ō rātou whānau, hei whakaatu i ā rātou mahi angitu. 

Te Ao

Kei te mātātoa te whakatewhatewha me te tūhura o ngā ākonga i te ao Māori me te ao whānui. Ka whanake haere tō rātou māramatanga ki te ao Māori, ā, he manawa whakahī tō ō rātou whānau ki taua tūāhuatanga. Ka tautoko ngā kaimahi i ngā ākonga ki te whakawhanake i ngā kōkiritanga pūtaiao ka riro whakawhiwhinga, pērā i a Tai Timu, Tai Rimu. Ka whakamahia ngā rauhanga me ngā pūkenga o te hapori hei whakatairanga ake i ngā wheako ako o ngā ākonga. Ka whakaritea ngā whai wāhitanga mō ngā raukura ki te hāpai i te eke angitu o ngā ākonga. Ka whakarato ngā kaiārahi me ngā kaimahi o te kura i te tangongitanga o ngā wheako ako i te kura, i te hapori, puta noa hoki i te motu me te ao, hei painga mō ā rātou ākonga. Ko tō ngā ākonga wawata kia tūhura rātou, kia whai wāhi atu rātou ki ētahi atu horopaki. E whanake ana te pākiki o ngā ākonga ki te ako, ā, ka whakapuaki rātou i tō rātou ngākau nuitanga ki te ako, ki te taha o te whānau me te ao whānui. 

Āhuatanga Ako

E āta whakaarohia ana, e āta whakamaheretia ana hoki te ako a ngā ākonga. Ka arahina ngā mahere ki ngā mātāpono o Te Aho Matua, ā, ka whai wāhi hoki ngā kaupapa ā-kura, pērā i te Manu Kōrero, i ngā hākinakina, me te kapa haka. Ka whakaaweawetia te āhua o te whakamahere, o ngā kaupapa whakamahere hoki ki te kōrero e meatia ana, “Ko te ākonga te pūtake.”  Ka tautoko te rōpū whakaako i te ahu whakamua o ia ākonga. Kei te māramahia e rātou ngā hua o te whai wāhi mātātoa atu a ngā ākonga ki te tangongitanga o ngā taumahi e whai pānga ana ki a rātou, ki ō rātou huarahi hoki ki anamata. Ka whakaaro huritao ngā kaiako ki te whai huatanga o ā rātou whakaritenga, hei tautuhi i ngā putanga papai me ngā wāhanga hei panoni, hei whakapai ake rānei. Ka kitea ki ngā paetae ākonga o te tau 2022, ko te nuinga o ngā ākonga kei te taumata, kei runga ake rānei i te taumata e tūmanakohia ana e te kura i roto i te kōrero me te tuhituhi. Ahakoa kāhore i te pērā te teitei o ngā paetae i roto i te pāngarau, i tohu tonuhia te eke o ngā ākonga katoa mā te taumata kotahi, ki tua atu rānei. Kei te pai te ahu whakamua o te nuinga o ngā ākonga, mā roto mai i tētahi taiao e āta poipoi ana i te angitu. Ka whai wāhi mātātoa ngā ākonga ki ngā akoranga, ā, he tokomaha o rātou e whiwhi ana i ngā hua me ngā whakatutukitanga e wawatatia ana e ō rātou whānau. 

Wharekura

E poipoia ana te angitu o ngā ākonga - ā-mātauranga, ā-hākinakina, ā-ahurea hoki. Ka whakataetae, ka whai wāhi hoki rātou ki te tangongitanga o ngā mahi me ngā kaupapa i te hapori me te motu. Kei te aro tika te nuinga o ngā ākonga o ngā tau 11 ki te 13 kia riro i a rātou ngā whiwhinga e tika ana mō ngā Taumata 1 ki te 3 o Te Taumata Mātauranga ā-Motu kua Taea. Ko ngā ākonga ka tautuhia hei hāpai ake, ka hui tahi te kaiako, te ākonga, me tōna whānau i ia te wā ki te aroturuki me te kōrero tahi i te ahu whakamua. Kua whai wāhi atu ētahi ākonga ki te ako ki tāwāhi, nā te whiwhi karahipi, whiwhi tohu hoki. He ngākau titikaha ō ngā ākonga ki te āta whakatewhatewha me te āta tūhura i te ao Māori me te ao whānui kia whai hua ai. 

Te ārahitanga me te whakahaeretanga

E mahi ngātahi ana te rōpū ārahi hou ki te whakatairanga i te ahurea ngaio ki te kura. Kua whakatakotohia e rātou ngā paerewa ngaio me ngā tūmanako mō ngā kaiako, ngā ākonga, me te whānau, ā, e whakatauira ana rātou i aua pūmanawa me aua pūkenga. He tūāhuatanga e whai pānga pai ana ki te whānau katoa me te ahurea o te kura. He kaha te whakawhirinakitanga ki waenga i te rōpū ārahi. Kei te mārama, kei te auau hoki ngā whakawhitinga kōrero, ā, e whakahāngaitia ana ngā pūnaha whakahaere. Ka whakamōhio haere ngā kaiārahi i te poari i ia te wā, mō te taetae atu a ngā ākonga ki te kura, mō tā rātou ahu whakamua, me ngā whakatutukitanga. E rongo ana ngā ākonga i te angitu i roto i ā rātou akoranga, ā, ka whakapuaki i tēnā ki te taha o ō rātou whānau.

Ngā Whakaritenga Matua ka whai ake

Me whakamahine ake i te whakamahere rautaki me te whakamahere ā-tau. Kei te whai māramatanga te poari hou nō nā noa nei i whakatūngia ai, ki ō rātou tūranga kāwana me ā rātou kawenga mahi. E tino tautokona ana rātou e Te Rūnanga Nui o Ngā Kura Kaupapa Māori o Aotearoa. He pai, he ngaio hoki ngā hononga, ā, e arotahi ana ki te whakapai ake i ngā putanga ki ngā ākonga. Ahakoa kua tautuhia e ngā kaitiaki ō rātou whāinga rautaki me ā rātou kaupapa matua, Mā te tumuaki te katoa ō te aroturukitanga, te pūrongo atu hoki i aua tūāhuatanga. Kāhore anō rātou kia whakatakotohia ā-tuhi nei i te hunga ka kawe atu i ngā mahi, i ngā wā rānei ka whakatutukihia ō rātou whāinga. Kei te mahi tonu te poari me te tumuaki ki te whakatika i ngā tātari kaute pūtea i tuku iho ai ki a rātou. Ka whakatairangatia te waiora o ngā ākonga, tā rātou ako hoki, i te wā ka koke whakamua, ka whakatutukihia hoki ngā whakapaitanga e hiahiatia ana i roto i ngā mahere pae tawhiti. 

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei: 

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.

Hei whakatutuki i ngā herenga ā-ture, me tahuri rātou ki te:

• āta whakatau kia whakaritea, kia tātarihia hoki ngā pūrongo kaute ā-tau.
  [Public Finance Act 1989; s152 Te Ture Mātauranga me te Whakangungu 2020]

6 Te Taunakitanga

E taunaki ana Te Tari Arotake Mātauranga kia mahi ngātahi tonu te whānau hei painga mō te whakatairanga tonutanga i ngā putanga ki ngā ākonga. 

Darcy Te Hau
Toka ā Nuku 
Te Uepū-a-Motu – Māori Services

29 Paengawhāwhā, 2024

7 Ngā kōrero e pā ana ki te kura

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi. 

2 Context 

Te Kura Kaupapa Māori o Te Rawhiti Roa provides education for students from Years 1 to 15 based on the philosophy of Te Aho Matua. The kura has had a poor reporting history with ERO in recent years. The Ministry of Education (MOE) dissolved the kura board following ERO’s June 2018 Review Report and an intervention was put in place. A Commissioner was appointed to assist in addressing the risks to the school's operation and to improve educational outcomes for students. A first time tumuaki was appointed in 2022 and a full Board of Trustees was elected in December 2022. MOE removed their intervention in April 2023. ERO worked with the Commissioner and kura leaders during this time to monitor and support the progress being made. 

3 Evaluation Focus

How well do students show they achieve and exemplify the hopes and aspirations of their whānau? 

Students now strive to achieve and embody the hopes and dreams of their whānau and those they have for themselves. 

4 Findings

Te Ira Tangata

Students show an enthusiasm for learning in an environment based on tikanga Māori and Te Aho Matua. Whānau provide an environment where students value their identity, develop self-confidence and display positive self-esteem. They are supported to embrace their unique ways of thinking and being. Increasingly the principles of manaaki, aroha, whai koha and whanaungatanga are the foundation for relationships and interactions. Whānau have grown their understanding of what Te Aho Matua presents in practice. They acknowledge how the kura environment and relationships have improved.  Students are given daily reminders at karakia on expectations regarding behaviour and conduct.  Tuākana are now taking greater care and responsibility for teina. Students show enjoyment as they work and play alongside each other.

Te Reo

Students are developing as thinkers and speakers of te reo Māori. They understand the hopes and aspirations of whānau, hapū and iwi for the revitalisation of te reo o Ngā Puhi. Kaiako planning allows tamariki to be taught in te reo me ngā tikanga Māori through a range of resources specific to the kaupapa. They use a range of strategies to encourage the use of te reo Māori. Te reo Māori is seen and heard throughout the kura in waiata, in digital format and through visual art. Students use the language competently in both formal and informal settings. This includes expressing themselves through whakatau, hākinakina, and through conversation. The kura employs a kaiarahi i te reo, to build and strengthen reo capability among kaimahi. Kaiako provide a language learning environment that prompts kōrero, whakarongo, pānui and tuhituhi. Students confidently communicate in te reo Māori and show pride in doing so.

Ngā Iwi

Students develop pride in their whānau, hapū and iwi through a variety of learning experiences. Since ERO’s previous report the kura has strengthened links with the local hapū and iwi. Whānau are actively involved in kura operations and decision making. The kura has improved its reputation in the wider community. They host events such as the Matariki fluorescence art show providing the opportunity for whānau to acknowledge and honour the creativity and achievements of their students. Students share their knowledge with their whānau to show their success.

Te Ao

Students actively investigate and explore the Māori world and the wider world. They develop understanding of te ao Māori and their whānau are proud of this. Kaimahi support students to develop award winning science initiatives such as Tai Timu, Tai Rimu. Community facilities and expertise are utilised to enhance student learning experiences. Opportunities are created for raukura to contribute to student success. Kura leadership and kaimahi provides a range of learning experiences at kura, in the community, throughout the country and globally for their students. Students aspire to engage in and explore other contexts. Students are developing as inquisitive learners who share this with the whānau and the wider world.

Ahuatanga Ako

Student learning is well considered and planned for. Planning is guided by the principals of Te Aho Matua and include kura wide kaupapa such as Manu Kōrero, hākinakina and kapa haka. “Ko te ākonga te pūtake” influences how and what is planned. The teaching team support the progress of individual students. They understand the benefits of students actively participating in a range of activities that suit them and their future pathway. Teachers reflect on the effectiveness of their practice to identify positive outcomes and areas that could be adapted or improved. Achievement data from 2022 shows that most students are at or above kura expectations in kōrero and tuhituhi. While achievement for pangarau wasn’t as high, all students showed improvement by at least one level. Most students are progressing well in an environment that is increasingly conducive for success. Students actively engage in learning, many enjoying the success and achievement their whānau desire.

Wharekura

Students’ academic, sporting and cultural success is fostered. They compete and participate in a range of activities and events both locally and nationally. Most students in Years 11-13 are well on track to gain the necessary credits for National Certificates of Educational Achievement (NCEA) Levels 1-3. Where students are identified as requiring additional support, the kaiako student and whānau meet regularly to monitor and discuss progress. Some students have enjoyed the opportunity to engage in learning overseas because of scholarships or as recipients of awards. Students can investigate and explore the Māori and wider worlds confidently and successfully.

Leadership and Management

The new leadership team are working collaboratively to create a culture of professionalism in the kura. They have established professional standards and expectations for teachers, students and whānau and are role modelling these attributes and traits. This is having a positive influence on all whānau and the kura culture. There is a high level of trust within the leadership team. Communication is transparent and regular, and management systems are being streamlined. Leaders continue to keep the board updated on student attendance, progress and achievement. Students experience success in their learning and share this with their whānau.

Key Next Steps

Strategic and annual planning could be refined. The newly elected board are growing their understanding of their governance roles and responsibilities. They are well supported by Te Runanganui o Ngā Kura Kaupapa Māori. Relationships are positive and professional, and the focus is on improving outcomes for students. While trustees have identified their strategic goals and priorities it is the tumuaki is monitoring and reporting on these They have not recorded who is responsible and what the timeframes will be for carrying out actions or achieving their goals. The board and tumuaki are also still working to resolve incomplete financial audits that they inherited. Students’ wellbeing and learning is enhanced when desired improvements in long-term planning are progressed and achieved.  

5 Whānau Assurance on Legal Requirement

During the evaluation, ERO checked the following areas:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance
• school policies in relation to meeting the requirements of the Children’s Act 2014.

Actions for Compliance 

To meet compliance requirements they must: 

• ensure that annual accounts are prepared and audited.
  [Public Finance Act 1989 and s152 Education and Training Act 2020]

6 Recommendation

ERO recommends whānau continue to work collaboratively in the interests of continued improvement in student outcomes.

Darcy Te Hau 
Toka-ā-Nuku – Director
Te Uepū ā-Motu – Māori Review Services

29 April 2024

7 Information about the kura