Review 4 February 2025
LatestNgā Kitenga Arotake Report
1 He Kupu Arataki
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.
2 Te Horopaki
E tū pā tata ana Te Wharekura o Maniapoto ki te marae o Ōpārure, ki Te Rohe Pōtae. Kei raro te kura i te maru o te iwi o Ngāti Maniapoto, ā, ko Ngāti Kinohaku te hapū o te wāhi nei. E poipoi ana te kura i ngā piiori i ngā tau 1 ki te 13, ā, kua tūhono atu ki te whakatōpūtanga o Ngā Kura ā Iwi o Aotearoa.
3 Te Aronga o te Aromātai
He pēhea rawa te whakaatu mai a ngā piiori i tō rātou tū takitahi ā-hinengaro, ā-mātauranga hoki?
He pai te whai wāhi atu a ngā piiori ki ngā taumahi me ngā wheako i te kura, ā, e whakawhanake ana rātou i ngā pūkenga hei ākonga e taea ana te kōkiri i a ia anō.
4 Ngā Whakaaturanga
E whakatairanga ana te marau ā-kura i te whakawhanaketanga o ngā piiori i ngā pūkenga mātauranga me ngā pūkenga hinengaro. Ko te mātauranga, te tikanga, me te reo hoki o Maniapoto e pou here ana i ngā whakaakoranga me ngā akoranga. Ka hāngai ngā wheako ako ki ngā mōteatea, ngā pepeha, te Kīngitanga, me ngā uara o te Paimārire. Ka whakaratohia ki ngā piiori ngā whai wāhitanga ki te ārahi i ngā pōwhiri, ngā karakia, me ō rātou ake mōhiotanga. Kei te hihiri te taiao ako, ā, ka whai pānga hoki ki ngā ngākau nuitanga o ngā piiori. He pai te whakarite i te kura teina, kua tuituia ngā mahere, ā, he tino pakari te hōtaka reo matatini e hāpai ana i ngā pūkenga whakapū o ngā piiori. Ka kitea te whanaungatanga, nā te mauritau o ngā piiori, nā ngā pūkenga whakahoahoa i roto i ngā taunekeneke ki waenga i ngā tuākana me ngā tēina. Kei te whai wāhi mātātoa ngā piiori hei ākonga.
He tokomaha ngā piiori i ngā reanga tuākana e rongo ana i te angitu ā-mātauranga. Ka tohu ngā putanga o Te Taumata Mātauranga ā-Motu kua Taea mō te tau 2023, i te 71% o ngā ākonga o te Tau 11 i whiwhi i te Taumata 1, me te 71% hoki o ngā ākonga o te Tau 12 i whiwhi i te Taumata 2. He tokoiti ake ngā piiori i whiwhi i te Taumata 3, arā, ko te 57% o te Tau 13.
E pou here ana ngā whakataukī a Maniapoto i te tirohanga me te tauākī taketake o te kura. Ko tō te whānau wawata, kia rumakina ngā piiori ki te ao Māori. E hiahia ana rātou kia ngākau titikaha ngā piiori ki tō rātou tuakiri hei uri o Maniapoto, ā, kia puāwai rātou ki te ao whānui, kia whakatutukihia hoki tō rātou mana motuhake. Ka whakamōhiotia ngā whakataunga a Te Poumarumaru ki ngā pūrongo auau, tae atu hoki ki ngā pūrongo paetae ākonga e whā o te tau e whakamahia ai e rātou hei whakamōhio i ngā mahere rautaki me te tahua pūtea. Kei ngā mema o Te Poumarumaru te tangongitanga o ngā pūkenga me ngā wheako e whai pānga ana ki ō rātou tūranga. Ka whakaakona ngā mema hou hei whakatupu i ō rātou pūkenga. Ka uru atu rātou ki ngā whai wāhitanga whakawhanaketanga ako e kōkirihia ana e Ngā Kura ā Iwi o Aotearoa me Te Whakarōpūtanga Kaitiaki Kura o Aotearoa. Ka aro matua ki te hauora me te waiora o ngā piiori.
Ngā Whakaritenga Matua ka whai ake
Me whakapakari ake i te aromātai o roto. He mea nui kia mōhio ngā kaiārahi ki tēnā e whai hua ana ki te whakapai ake i ngā putanga ki ngā piiori, me te whai pānga anō hoki o ā rātou whakataunga. Me whakawhanake ngā whānau me ngā kaimahi i te māramatanga ngātahi ki te marau ā-kura me te aronga rautaki. Me whakahaere i tētahi tukanga aromātai o roto hei whakatau i te tika o ngā whakaritenga aromatawai. I tēnei wā, kei te ngoikore te aromatawai, te whakaemi, me te aroturuki i te ahu whakamua me ngā paetae o ngā piiori, tae noa atu ki te tau 10. Waihoki, me whakatutuki te kura i ngā taunakitanga i whakatakotohia ai ki te NZQA Managing National Assessment (MNA) Report, inarā i ērā e pā ana ki te whiwhi i ngā whiwhinga pāngarau i ngā tau 11 me te 12. Ka whakatairangatia ngā putanga ki ngā piiori i te wā e whai pūtake ana ngā aromatawai, ā, e mōhio ana ngā kaiako ki ngā whakaritenga whakaako, whakaritenga ako hoki ka whai ake.
He kaha rawa te ahurea matakana ki te kura. Tērā ētahi raruraru i roto i te noho tahi, ā, kei te whakatutuki haere ngā kaiārahi o te kura i ētahi tino take, tae atu ki ngā āwangawanga me ngā amuamu kua puta i ngā kaimahi me ngā whānau. Ko te tukanga mō te whakahaere i aua tūāhuatanga i tēnei wā, kāhore e whai hua ana, ā, kei te noho tāwēwē tonu, kei te haere tonu hoki ngā take. Me whakatutuki i aua tūāhuatanga hei kaupapa matua. Me arotake ngā kaiārahi i te tukanga amuamu ki te taha o te hapori o te kura, kia māramahia, kia whāia hoki e te katoa, ā, kia whakatutukihia ngā take i roto i te wā e tika ana. Ka pai ake ngā putanga ki ngā piiori i te wā ka āta whakatōngia ngā mahi whakawhanaungatanga.
Me whakapai ake i te ārahitanga me te whakahaeretanga o te kura me te marau. Kei te taumaha ngā whakaritenga ki te whakahaere i ngā hononga me te whakawhitiwhiti kōrero ki waenga i Te Poumarumaru, i ngā kaiārahi, i ngā kaimahi, me te whānau. He iti noa ngā whakaaturanga e tohu ana i te tautoko tika i ngā kaimahi, hei ārahi, hei kōkiri hoki i ngā whakarerekētanga ki te Kura Mātāmua. Me whakapai ake i ngā pūnaha whakahaere i te kura me te tari, hei āta whakatau i te whai huatanga o ngā mahi whakahaere ki te kura. Ko tētahi aronga matua, ko te whakatinana i tētahi tukanga pakari ki te whakahaere i ngā take whai taharua, nā te wenewene e pupū ake ana, me ngā hononga tata i te kura me te hapori. Me whakatau, me whakatinana hoki i ngā tūmanako mārama e pā ana ki te āhua o te whakahaere me ngā whakaritenga, hei whakatairanga i te kaha, te raupapatanga, me te tautoko o te taiao, mō ngā akoranga me te waiora o ngā ākonga me ngā kaimahi.
5 Te Whakatau a Te Poumarumaru ki ngā Wāhanga Tautukunga
I mua i te aromātai, i whakatutukihia e te poari kaitiaki me te tumuaki he Tauāki Kupu Tūturu a Te Poumarumaru me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
- ngā whakahaere a te poari
- te marautanga
- ngā whakahaere mō te hauora, te haumaru, me te oranga tinana
- ngā whakahaere o ngā kaimahi
- ngā whakahaere o te pūtea
- ngā whakahaere o ngā rawa.
I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:
- te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
- te haumaru ā-tinana o ngā ākonga
- ngā rēhita a ngā kaiako
- te tukanga whakatū kaimahi
- te whakaunu, te aukati, te pana me te whakarerenga
- te tae ā-tinana atu a ngā ākonga ki te kura
- te whakatutukitanga o ngā kaupapa here o te kura i ngā tikanga o te Children's Act 2014.
6 Te Taunakitanga
I whakawhanakehia e Te Tari Arotake Mātauranga te taunakitanga e whai ake nei, arā, kia:
- whakatinanahia e ngā kaiārahi o te kura tētahi tukanga whai hua e pā ana ki te aromātai o roto e hāpai ai i te papai o ngā putanga ki ngā piiori.
Tiwana Hibbs
Toka ā Nuku
Te Uepū ā-Motu – Māori Review Services
04 Huitanguru, 2025
7 Ngā kōrero e pā ana ki te Kura
Te tūwāhi Kei Te KūitiTe tau a te Tāhuhu o te Mātauranga 1865Te tūmomo kuraHe kura hiato (Tau 1-13)Te tokomaha o ngā ākonga o te kura133Ngā hononga ā-iwiMāori 100%Ngā āhuatanga motuhakeNgā Kura ā-IwiTe wā i te kura te rōpū arotakeWhiringa-ā-nuku 2024Te wā o tēnei pūrongo 4 Huitanguru 2025Ngā pūrongo o mua a Te Tari Arotake Mātauranga Arotake Tāpiri, Whiringa-ā-rangi 2020; Arotake Mātauranga, Pipiri 2017; Arotake Mātauranga, Haratua 20111 Introduction
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi.
2 Context
Te Wharekura o Maniapoto is located close to Te Marae o Ōpārure in the King Country. Ngāti Maniapoto is the iwi that the kura affiliates to and Ngāti Kinohaku is the local hapū. The kura caters for piiori in Years 1 to 13. and affiliates to Ngaa Kura-aa-Iwi (NKAI) collective.
3 Evaluation Focus
How well do piiori demonstrate they are intellectually and academically independent?
Piiori participate well in kura activities and experiences and are developing skills as self-directed learners.
4 Findings
The marau ā-kura promotes piiori development of academic and intellectual capability. Mātauranga, tikanga and te reo of Maniapoto underpin teaching and learning. Learning experiences are based on mōteatea, pēpeha, Kīngitanga, and the values of Paimaarire. Piiori are provided with opportunities to lead in powhiri, karakia as well as their own knowledge base. The learning environment is vibrant and reflects piiori interests. The kura teina is well organised, planning is cohesive, and a strong literacy programme supports piiori foundational skills. Whanaungatanga is evident as piiori are settled, and interactions betweena tuākana teina are socially intelligent. Piiori are actively engaged learners.
Many piiori experience academic success in their senior years. The National Certificates of Educational Achievement (NCEA) results for 2023 show 71% of Year 11 achieved NCEA Level 1 and 71% of Year 12 achieved NCEA Level 2. Fewer piiori achieved NCEA Level 3, 57%, at Year 13.
Maniapoto whakatauki underpin the vision and mission of kura. Whānau aspire for piiori to be immersed in te ao Māori. They want them to be confident in their Maniapoto identity and to thrive in the wider world, fulfilling their self-determination. Poumarumaru decision making is informed by regular reporting, including quarterly student achievement reports which they use to inform strategic planning and budgeting. Poumarumaru members bring a variety of skills and experience to their roles. Newer members are coached to grow their capabilities. They participate in learning development opportunities facilitated by NKAI and the New Zealand School Boards Association. Piiori health and wellbeing is prioritised.
Key Next Steps
Internal evaluation requires strengthening. It is important for leaders to know what makes a difference for improving outcomes for piiori and how effective their decision-making is. Whānau and staff need to develop a shared understanding of the marau ā kura and strategic direction. An internal evaluation process should be undertaken to ascertain the reliability of assessment practices. Currently assessing, collating and monitoring the progress and achievement of piiori up to Year 10 lacks rigour. Furthermore, the kura needs to address the recommendations made in the NZQA Managing National Assessment (MNA) Report, especially in relation to gaining numeracy credits in Years 11 and 12. Outcomes for piiori are enhanced when assessments are fit for purpose and kaiako know the next steps for teaching and learning.
A culture of mistrust prevails in the kura. There are relational problems and kura leaders are dealing with significant issues including concerns and complaints from staff and whānau. The current process for managing these are ineffective and issues remain unresolved and ongoing. These should be addressed as a priority. Leaders need to review the complaints process with the kura community, so it is understood and followed by all and any concerns arising are delt with in a timely fashion. Outcomes for piiori are improved when whanaungatanga practices are embedded.
Leadership and management of the kura and the curriculum require improvement. Relationship management practices and communication between the poumarumaru, leadership, staff and whānau are strained. There is little evidence of staff being effectively supported to guide and lead change in the Kura Mataamua. Administration and management systems require improving to ensure efficient operation of the kura. Implementing a robust process to manage conflicts of interests is a priority due to the discontent occurring, and the close relationships in the kura and its community. Clear expectations for conduct and practice need to be agreed to and implemented to promote a high functioning, orderly and supportive environment conducive to student and staff wellbeing and learning.
5 Te Poumarumaru Assurance on Legal Requirements
Before the evaluation, the board of trustees and tumuaki completed the ERO Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
- board administration
- curriculum
- management of health, safety and welfare
- personnel management
- financial management
- asset management.
During the evaluation, ERO checked at the following items because they have a potentially high impact on student safety and wellbeing:
- emotional safety of students (including prevention of bullying and sexual harassment)
- physical safety of students
- teacher registration
- processes for appointing staff
- stand-downs, suspensions, expulsions and exclusions
- attendance
- school policies in relation to meeting the requirements of the Children’s Act 2014.
6 Recommendation
ERO developed the following recommendation:
- that kura leaders implement an effective process of internal evaluation to contribute to positive outcomes for piiori.
Tiwana Hibbs
Toka ā Nuku - Director
Te Uepū ā-Motu – Māori Review Services
4 February 2025