Te Kura o Waioweka

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū pā tata atu ana Te Kura o Waioweka ki Ōpōtiki. E whakarato ana te kura i te mātauranga rumaki reo Māori mō ngā uri o ngā tau 1 ki te 8. Nō Ngāti Ira, nō Te Whakatōhea ngā whānau. Ko tō rātou wawata, kia whakatinanahia e rātou te whakataukī a tō rātou tupuna e mea ana, ‘Manaaki te tangata ahakoa ko wai.’  Ko tētahi atu wawata mō meāke nei, kia whakaratohia e te whānau te huarahi e hāpai ai i ngā uri ki te whai tonu i te mātauranga, mā te whakatūnga o tētahi wharekura.

3 Te Aronga o te Aromātai

He pēhea rawa te whakaatu mai a ngā uri i tō rātou mātau ā-tinana, ā-tangata, ā-whatumanawa hoki, hei uri o Ngāti Ira?

He ngākau titikaha ō ngā uri ki te whakapuaki i a rātou anō – ā-ahurea, ā-tinana, ā-tangata, ā-whatumanawa hoki - hei uri manawa whakahī o Ngāti Ira.

4 Ngā Whakaaturanga

E rumakina ana ngā uri ki te reo me ngā tikanga o Ngāti Ira me Te Whakatōhea. Ka whai pānga matua te reo Māori me ngā tikanga a Ngāti Ira ki ngā akoranga katoa. Kei te tākare te whai wāhi atu a ngā uri ki ngā wheako ako hōhonu o te reo ki te kura, ā, ki tua atu hoki. Ka rongo rātou i te tangongitanga o ngā tauira reo papai, mā ngā horopaki ōkawa me ngā horopaki ōpaki. E hāpai ana ngā kaumātua me ngā raukura i te whāngai ā-whakatupuranga atu i te reo o Ngāti Ira, i ngā mātauranga, ā, i ngā kōrero tuku iho hoki. E whanake ana ngā uri ki te kōrero i te reo Māori me te kōkiri hoki i te reo Māori hei reo ora, hei reo kōrerorero.

E whakatinanahia ana ngā wawata o te whānau kia whanake ngā uri hei kaiārahi tūmāia o Ngāti Ira. E akiaki ana, e tautoko ana i ngā uri ki te whakatinana i ngā uara o Ngāti Ira, pērā i te ‘Kimihia te mātauranga.’ Ka whakarato ngā kaimahi i ngā wheako tūturu e whakapūmau ana i tō rātou tuakiri hei uri o Ngāti Ira. Ka tautoko ngā kaimahi ihumanea, kei te tino mōhio hoki rātou ki ngā uri, ā, ka whakarato i ngā whai wāhitanga mō ngā uri ki te ārahi. Whakatutuki ai ngā tuākana me ngā tēina i ia te wā, i ngā tūranga ārahi i te kura me te hapori, ā, he pakari hoki. Ka tūmāia ngā uri ki te whakatinana i ngā pūmanawa i tautuhia ai e te whānau hei tino pūmanawa ki te whakapiki ake me te whakatairanga ake i ngā whānau, ngā hapū, me ngā iwi.

Ka poipoia te ako a ngā uri me tō rātou whakawhanaketanga torowhānui, ā, ka whai pānga katoa ki te ‘Orangatonutanga.’  Ka whai wāhi atu rātou ki tētahi taiao e whāngai ana i tō rātou waiora torowhānui. Kua tuitui i ngā tirohanga, ngā hītori, me ngā whakapono a te hapori ki ngā hōtaka akoranga. Ka whakatinana, ka whakapuaki hoki ngā uri i te Ngāti Iratanga, mā ngā wheako ako hōhonu, tae atu ki ērā i te marae, i a rātou e whai wāhi atu ana ki ngā huihuinga whakahirahira a te hapū me te iwi. Kei te kaha te tuakiri o ngā uri hei whakahekenga o Ngāti Ira.

E whanake ana ngā uri hei kaitiaki o tō rātou whenua, ā rātou tikanga, me tō rātou iwi. Ka whakarato ngā kaimahi i te whānuitanga o ngā tūmomo wheako ako i āta whakaarohia ai, ā, e arotahi ana ki te whakawhanake i ngā mōhiotanga me ngā māramatanga ki te Ngāti Iratanga me te Whakatōheatanga. Nā taua tūāhuatanga, ka whakatinana mātātoa, ka whakatauira hoki ngā uri i ngā mātāpono o te kaitiakitanga. Ka whakanuia aua mātāpono e te whānau, ā, ka whai pānga ki ērā, ko te ako me te whakatinanatanga o ngā uri i ngā tikanga e pā ana ki te hāhi Ringatū.

Ka ako ngā uri i te nuku o te whenua, mā roto mai i ngā mōteatea. Ka tautuhi ngā mōteatea i ngā tohu whenua e noho whakahirahira ana ki a Ngāti Ira. Nā taua tūāhuatanga, e whakatairangatia ana te aronga toi whenuatanga o ngā uri. Ko te kapa haka te tūāpapa mō ngā uri ki te whakanui me te whakapuaki i ō rātou mōhiotanga ki te Ngāti Iratanga me te Whakatōheatanga. Waihoki, ka whakapuaki māhorahora nei ngā uri i ngā waiata e tohu ana i tō rātou mōhiotanga, i tō rātou manawa whakahī hoki, me tō rātou taha auaha. Ka whakatinana mātātoa, ka whakatauira hoki ngā uri i ngā mātāpono o te kaitiakitanga e whakanuia ana e te whānau, te hapū, me te iwi.

Ki tā ngā putanga paetae a te kura i pūrongotia ai i te mutunga o te tau 2021, i eke te nuinga o ngā uri ki te taumata i tūmanakohia ai e te kura, ki tua atu rānei, i roto i te kōrero me te tuhituhi. Kāhore i te pērā rawa te eke angitu o ngā putanga mō te pānui me te pāngarau, ā, kei te takiwā o te haurua o ngā ākonga e whakatutuki ana i te tūmanako. I kitea e ngā kaiārahi ngā hapanga, i te wā i tātari rātou i ngā whakaaturanga o Te Reo Matatini. I tūhura ngā kaiārahi i ngā take pea i pēnei ai. I whakamahi rātou i aua whakaaturanga, me tā rātou tātari whānui i ngā putanga paetae, ki te whakatinana i te whāinga mō te whakapaitanga ake o ngā putanga a ngā uri o ngā tau 4 ki te 7, i roto i te reo matatini me te pāngarau hei te tau 2022.

Nō nā noa nei Te Poumarumaru i whakatūngia ai, ā, he whānui ō rātou pūkenga. E mōhio ana rātou me pēhea te toro atu ki te tautoko e tika ana, hei hāpai i tā rātou ako i ā rātou kawenga, hei whakapakari ake hoki i ō rātou āheinga. Hui ai ngā kaiārahi me ngā kaimahi i ia te wā, ki te whakaaro huritao ki ā rātou whakaritenga whakaako, me te whakawhiti kōrero mō te hauora, te haumaru, me te waiora o ngā uri. Ka ako, ka whanake hoki ngā uri ki tētahi taiao e āhuru ana i te taha whatumanawa me te taha tinana o ngā uri.

Ngā Whakaritenga Matua ka whai ake 

Kua tautuhia e ngā kaiārahi o te kura, ko te arotake whaiaro me te aromātai o roto ētahi āhuatanga hei whakapakari ake. Koia nei hoki te whakataunga ki tā Te Tari Arotake Mātauranga aromātai. E mōhio ana ngā kaiārahi, e tika ana kia arotake, kia whakamana hoki rātou i te tūtohinga, i ngā kaupapa here, ngā tukanga, me te marau ā-kura. Kua noho mātua rā tēnei aronga. Hei āhuatanga o te whakahou ake i te marau ā-kura, ka whai whakaaro ngā kaiārahi me ngā kaiako ki te āta whakahua ake i te āhua tonu o tā rātou whakatinanatanga i te mātauranga whai umanga mā ngā uri o ngā tau 7 me te 8.

Kua tautuhia e ngā kaiārahi o te kura me whakapakari ake i ngā whakaritenga e pā ana ki te aromatawai me te whakaōrite. Ko te whakapakari ake i te āheinga o ngā kaiako ki te whakamahi i ngā mōhiohio aromatawai me te aromatawai arataki kia whai hua ai, ka hāpai anō hoki i a rātou ki te tautuhi i ngā whakaritenga matua ka whai ake mō te whakaako me te ako. Ko te aroturuki ake i te ahu whakamua o ia uri, ka whakamanawa ake hoki i te kaiako mō te ahu whakamua o ngā uri katoa, mā te huarahi e tika ana kia eke angitu ai rātou. Me whakamahi ake hoki ngā kaiārahi i ngā mōhiohio paetae, kia whakatinanahia ai ngā taumata ā-tau e arotahi ai ki te whakatere i te ahu whakamua me ngā paetae a ngā uri e tika ana kia kōkirihia.

Kei te whai wāhi atu ngā kaiārahi me ngā kaiako ki te whakawhanaketanga ngaio me te ako ngaio e tika ana ki te whakapakari ake i ngā whakaritenga. Heoi, i tāutuhia e te tumuaki me ngā kaiako, me whakatakoto i tētahi pūnaha pakari e āta whakapūmau ana i te tino whakatinanatanga o te huringa taiāwhio o te tupu ngaio. Ka whai wāhi ki taua tūāhuatanga, ko te whakatakotoranga i tētahi kirimini ā-tau e pā ana ki te whakahaeretanga o te āhua mahi a te tumuaki. Ka whai hua ngā uri i te wā e tino tautokona ana, e whakahoungia ana hoki i ia te wā, ko ngā mōhiotanga ngaio me ngā whakaritenga ngaio a ngā kaiako me ngā kaiārahi.

Ko te whakapai ake i ngā māramatanga e pā ana ki te arotake whaiaro, me te whakamahi nahanaha i te aromātai o roto kia whai hua ai, ka hāpai i te noho mōhio o ngā kaiārahi ki te whai huatanga o te marau me ngā whakaritenga whakaako, ki te tautoko i te ahu whakamua me ngā paetae a ngā uri. Ka tautuhi hoki i ngā wāhanga o te whakaako me te ako hei whakapai ake, kia tutuki i ngā uri katoa ngā wawata o te whānau mō rātou.

5 Te Whakatau a Te Poumarumaru ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.

6 Te Taunakitanga

I whakawhanakehia e Te Tari Arotake Mātauranga me te tumuaki te taunakitanga e whai ake nei, arā, kia:

• toro atu ngā kaiārahi me ngā kaiako ki ngā mātanga o waho, hei whakapai ake i ngā whakaritenga aromatawai, hei hāpai hoki i ngā whakaritenga whai hua mō te arotake whaiaro me te aromātai o roto.  

Darcy Te Hau
Toka ā Nuku
Te Uepū-a-Motu – Māori Services

14 Huitanguru, 2023

7 Ngā kōrero e pā ana ki te Kura

Te tūwāhi	Kei Ōpōtiki
Te tau a te Tāhuhu o te Mātauranga	2061
Te tūmomo kura	Kura ā Iwi
Te tokomaha o ngā ākonga o te kura	57
Ngā hononga ā-iwi	Māori 57
Ngā āhuatanga motuhake	Ngā Kura ā Iwi
Te wā i te kura te rōpū arotake	Whiringa-ā-nuku 2022
Te wā o tēnei pūrongo	14 Huitanguru, 2023
Ngā pūrongo o mua a Te Tari Arotake Mātauranga	Arotake Mātauranga, Kohi-tātea 2018; Arotake Mātauranga, Whiringa-ā-rangi 2013; Arotake Mātauranga, Paenga-whāwhā 2011

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.

2 Context

Te Kura o Waioweka is located near Opotiki. The kura offers te reo Māori immersion education for uri from Years 1-8. Whānau affiliate to Ngāti Ira and Te Whakatōhea. They aspire to embody their tupuna whakataukī, ‘Manaaki te tangata ahakoa ko wai’. A future aspiration for whānau is to provide a pathway for uri to continue their secondary learning through the establishment of a wharekura.

3 Evaluation Focus

How well do uri demonstrate they are physically, socially, and emotionally intelligent uri of Ngāti Ira?

Uri confidently express themselves culturally, physically, socially, and emotionally as proud descendants of Ngāti Ira.

4 Findings

Uri are immersed in te reo and tikanga of Ngāti Ira and Te Whakatōhea. Te reo Māori and tikanga of Ngāti Ira is integral to all learning. Uri enthusiastically engage in authentic rich language learning experiences in and beyond the kura. They are exposed to a variety of positive language models in both formal and informal settings. Kaumātua and raukura support the intergenerational transmission of te reo of Ngāti Ira, knowledge and stories. Uri are developing as speakers of te reo Māori who champion te reo Māori as a living and thriving language.

Whānau aspirations for uri to develop as confident leaders of Ngāti Ira are being realised. Uri are encouraged and supported to embody Ngāti Ira values such as ‘Kimihia te mātauranga’. Kaimahi provide authentic experiences that reinforce their identity as Ngāti Ira. Intuitive and supportive kaimahi know uri well and provide opportunities for them to lead. Tuakana and teina regularly and confidently carry out leadership roles in the kura and the community. Uri confidently exemplify the identified attributes whānau value to uplift and enhance whānau, hapū and iwi.

Uri learning and holistic development is fostered and encompasses ‘Orangatonutanga’. They experience a nurturing environment conducive to their holistic wellbeing. Local perspectives, histories and beliefs are incorporated into learning programmes. Uri live and express Ngāti Iratanga through rich learning experiences, including those at the marae where they participate in events significant to hapū and iwi. Uri are secure in their identity as Ngāti Ira.

Uri are developing as kaitiaki of their whenua, tikanga and iwi. Kaimahi provide a range of considered learning experiences that focus on developing knowledge and understandings of Ngāti Iratanga and Whakatōheatanga. Consequently, uri actively practice and role model the principles of kaitiakitanga. These are valued by whānau and include uri learning and practicing the protocols of the Ringatū faith.

Uri learn about the lay of the whenua through mōteatea they recite. Mōteatea identify landmarks of significance to Ngāti Ira. As a result, uri’ sense of belonging is enhanced. Kapahaka provides a platform for uri to celebrate and express their knowledge of Ngāti Iratanga and Whakatōheatanga.  Furthermore, uri spontaneously break out into waiata that demonstrates their knowledge and shows pride as well as creative expression. Uri actively practice and role model the principles of kaitiakitanga valued by whānau hapū and iwi.

The kura reported achievement outcomes for the end of 2021 showed most uri achieved at or above kura expectations in kōrero and tuhituhi. Outcomes in pānui and pāngarau were not as successful, with approximately half of the student's meeting expectation. Leaders' analysis of Te Reo Matatini findings identified discrepancies. Leaders explored why this might have occurred. They used these findings and their overall analysis of achievement outcomes to inform the goal of improving outcomes in literacy and numeracy for uri in Years 4-7 for 2022.

The newly elected poumarumaru bring a range of skills to their role. They know where they can seek support to assist them in learning about their responsibilities and to build capability. Leaders and kaimahi meet regularly to reflect on their teaching practices and discuss uri health, safety and wellbeing. Uri learn and develop in a safe emotional and physical environment.

Key Next Steps

Kura leaders have identified that self-review and internal evaluation require strengthening. ERO’s evaluation confirms this. Leaders know they need to review and ratify the tūtohinga, policies and procedures and the marau-a-kura. These have been prioritised. As part of the refresh of the marau-a-kura, leaders and kaiako will consider expressing more deliberately how they will implement careers education for uri in Years 7 and 8.

Kura leaders have identified that assessment and moderation practices require strengthening. Building kaiako capability to use assessment information, and formative assessment practices, effectively should assist them to identify key next steps for teaching and learning. Monitoring the progress of individual uri better will give kaiako more confidence that all uri progress at the rate necessary for them to achieve success. Leaders also need to use achievement information better to inform annual targets that focus on accelerating the progress and achievement of those uri that require this. 

Leaders and kaiako engage in appropriate professional development and learning that builds practice. However As identified by tumuaki and kaiako, they need a more rigorous system to be assured the professional growth cycle is fully implemented. This also includes having an annual performance management agreement in place for the tumuaki. Uri benefit from kaiako and leaders’ professional knowledge and practice being well supported and up to date.

Improving understandings of self review and using systematic internal evaluation effectively should assist leaders to know how well the curriculum and teaching practices support uri progress and achievement. And, where further improvements are needed to teaching and learning so all uri achieve the aspirations the whānau hold for them.

5 Poumarumaru Assurance on Legal Requirements

During the evaluation, ERO checked at the following areas:

• emotional safety of students (including prevention of bullying and sexual harassment)

• physical safety of students

• teacher registration

• processes for appointing staff

• stand-downs, suspensions, expulsions, and exclusions

• attendance

• school policies in relation to meeting the requirements of the Children’s Act 2014.

6 Recommendation

ERO and the tumuaki developed the following recommendation:

• leaders and kaiako seek external expertise to further improve assessment practice and support effective self review and internal evaluation practices.

Darcy Te Hau
Toka-ā-Nuku – Director
Te Uepū ā-Motu – Māori Review Services

14 February 2023

7 Information about the Kura

Location	Ōpōtiki
Ministry of Education profile number	2061
Kura type	Kura-ā-iwi
Kura roll	57
Ethnic composition	Māori 57
Special features	Ngā Kura-ā-Iwi
Review team on site	October 2022
Date of this report	14 February 2023
Most recent ERO report(s)	Education Review, January 2018; Education Review, November 2013; Education Review, April 2011