TKKM o Te Hiringa

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kura Kaupapa Māori o Te Hiringa ki Tokoroa. Ka whakarato te whānau i te mātauranga o Te Aho Matua ki ngā ākonga o ngā tau 1 ki te 8. Ka noho ngā ākonga o te kuranui ki raro i te maru o Te Kura Kaupapa Māori o Whakarewa i te Reo ki Tūwharetoa. Kua tuku tono atu te kura ki te tū hei wharekura. Ka tohungia ki te pūrongo ahu whakamua o te tau 2021 ngā tūāhuatanga i whakatutukihia ai.  

3 Te Aronga o te Aromātai

He pēhea rawa te whakaatu mai a ngā ākonga i tā rātou angitu hei ākonga?

Ka aro nui ngā ākonga ki te ako, ā, kei te ahu whakamua rātou i roto i te katoa o ngā horopaki ako.  

4 Ngā Whakaaturanga

Te Reo

Ka ako ngā ākonga o te kura teina ki tētahi taiao e mau ana i te hōhonutanga o te reo Māori. Kua whakatinanahia e ngā kaiārahi me ngā kaiako te hōtaka whakawhiti e whakatere ai i te ahu whakamua o ngā ākonga hou e mau ana i te iti noa o te reo Māori. Ka whakapuakihia e ngā kaiako o te kura teina ngā rautaki e tika ana ki te whakawhānui ake i ngā whakaaro o ngā ākonga me tā rātou kōrero i te reo Māori. Ko ētahi o aua rautaki, ko ngā pātai whānui, ko te whāngai kupu, me te whakatauira i te reo kōrero e tika ana. Ka whai wāhi aua rautaki ki te whakapakari ake i te ngākau titikaha me te mātau o ngā ākonga ki te whakawhitiwhiti kōrero mā te reo Māori. He aronga nahanaha ki te hāpai i te whakapuaki a te ākonga i a ia anō, i a ia e kōrero ana, e waiata ana hoki. Ka kitea te tākare o ngā ākonga, ā, he rangi, he hā hoki ka puta i ngā karakia. He ngākau titikaha ō ngā ākonga ki te whakapuaki i a rātou anō.

Āhuatanga Ako

Kei te whakapakari ngā kaiārahi i te āheinga o ngā kaiako ki te whanake ake i ngā whakaakoranga me ngā akoranga. Ko te whakahāngaitanga o te whakawhanaketanga ngaio o ngā kaiako, me ngā wānanga o Te Aho Matua a te whānau whānui, ka āta kitea ki te hōtaka whakaako me te hōtaka ako. He muramura, he riterite hoki ngā akomanga, ā, he nui hoki ngā rauemi. Ka kitea ki ngā paetae ākonga, te heke iho o ngā putanga ki te kura teina, whai muri i ngā nohonga rāhui o te KOWHEORI-19. Engari, kua tokoiti ake ngā ākonga hei āta hāpai. He aroha, he whakaute hoki te hononga ki waenga i ngā ākonga me ngā kaiako. Ka poipoia ngā taunekeneke a te tuakana me te teina. Kei te harikoa, kei te ngana hoki ngā ākonga ki te ako.

Kuranui

Kua rite pai ngā kaiako o te kuranui ki te kōkiri takitahi i te whakapuakitanga o tētahi hōtaka whai kounga mō ngā tau 9 ki te 13. He nui ngā tūmanako o ngā kaiako, ā, ka whakarato rātou i tētahi taiao ako e hāngai pū ana ki te ākonga. Kua whakatakotohia ngā huarahi whakamahere takitahi mō ia ākonga o ngā reanga ā-tau katoa. He pakari ngā ākonga ki te whakahaere i a rātou anō, ā, ki te kōkiri hoki i ngā whakataunga e pā ana ki ō rātou huarahi mō meāke nei. I whakatutukihia e te kura te ekenga o ngā ākonga 100% i ngā taumata katoa o Te Taumata Mātauranga ā-Motu kua Taea, ā, he tokomaha hoki ngā ākonga i whiwhi i ngā whakamanatanga. Ka aro nui, ka tautoko mārika hoki ngā kaiako i ngā huarahi i whiriwhirihia ai e ngā ākonga. He whai wāhitanga mō ngā ākonga tuākana ki te whai atu i ngā tohu mātauranga mātāmuri, mai i Te Wānanga o Raukawa. Koia nei te rāngai tuatahi o ngā ākonga Tau 13. Ka eke angitu ngā ākonga i roto i te whānuitanga o ngā tūmomo horopaki.

Te ārahitanga

Kua pai ake te ārahitanga ngaio, puta noa i te kura. Nō nā noa nei te rōpū ārahi i whakatōpūngia ai, ā, ka mahi ngātahi rātou mā te aronga ki te whakapai tonu. Ka aroturukitia, ka whakatakotohia, ka pūrongohia hoki te ahu whakamua a ngā ākonga ki te poari me te whānau. Ka tautuhia, ka tautokona hoki ngā matea whakawhanaketanga ngaio o ngā kaiako. Kua pakari ake te ārahitanga mā te kaha ake o te ngākau titikaha me te whakamahinga o te hangarau. Ko ngā wāhanga o te marau hei whakapakari ake, e noho mātua ana. Ko te angitu o ngā ākonga kei te pūtake o ngā whakataunga.

Te kāwana i te kura

Kei te tino māramahia e te poari ō rātou tūranga me ā rātou kawenga mahi. Kua whai hua tā rātou whai wāhi atu ki ngā wānanga e pā ana ki Te Aho Matua, me tā rātou toro atu ki Te Rūnanga Nui o Ngā Kura Kaupapa Māori o Aotearoa. Ko ngā mahere rautaki me ngā taumata ā-tau e whai wāhi atu ana ki te hāngaitanga pai ake ki Te Aho Matua. Arotakengia ai ngā kaupapa here i ia te wā, ā, kua whakatinanahia te tohatoha haere o ngā kawenga mahi. Kua whakapakarihia ngā hononga ki te whānau, te kōhanga reo, me te hapori whānui. Kua pai ake ngā māramatanga o te whānau ki ā rātou kawenga kāwana, ā, kei te whai hua taua tūāhuatanga i roto i te eke angitu o ngā ākonga. Ko ngā whakataunga whai mōhiotanga e whai wāhi atu ana ki te whakapaitanga ake o ngā putanga ki ngā ākonga.  

Ngā Whakaritenga Matua ka whai ake 

Me whakapakari ake i te whakamahinga o te reo Māori hei reo matua o ngā whakaakoranga ki te kuranui. E mōhio ana te rōpū ārahi, he nui ngā wero ki te kimi i te hunga whakaako e matatau ana ki te reo Māori mō ētahi o ngā tino kaupapa marau. Kua whakaurua ngā kaiako ki ngā akoranga o te reo Māori, hei whakapakari ake i ō rātou pūkenga. Ko te tikanga, he tūāhuatanga tēnei ka pakari haere i roto i te wā. I te nuinga o te wā e whakawhitiwhiti whakaaro ana ngā ākonga o te kuranui mā te reo Pākehā i roto i ngā tino kaupapa marau.

E mōhio ana ngā kaiārahi me ngā kaiako o te kura teina, e tika ana kia whakaterea ngā paetae ākonga, whai muri i te KOWHEORI-19. Ko te whakakorenga o Te Waharoa Ararau, he whai wāhitanga mō te kura ki te whakawhanake i ō rātou ake taumata e hāngai ana ki Te Aho Matua me te āhua tonu o te raukura o te kura. Mā tērā, ka hāngai te eke angitu o ngā ākonga ki ō rātou pitomata ake.  

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga, e Te Rūnanga Nui o Ngā Kura Kaupapa Māori o Aotearoa, e te poari hoki o te kura te taunakitanga e whai ake nei, arā, kia:

• mahi tonu ki te taha o Te Rūnanga Nui o Ngā Kura Kaupapa Māori o Aotearoa ki te whakatairanga ake i ngā putanga ākonga i whakahāngaitia ai ki Te Aho Matua.

Rita Walker
Toka ā Nuku Whakakapi
Te Uepū-a-Motu – Māori Services

07 Mahuru, 2022

7 Ngā kōrero e pā ana ki te Kura

Te tūwāhi	Kei Tokoroa
Te tau a te Tāhuhu o te Mātauranga	3100
Te tūmomo kura	He kura tuatahi Tau 1-8
Te tokomaha o ngā ākonga o te kura	155
Ngā hononga ā-iwi	Māori 99%, Iwi kē 1%
Ngā āhuatanga motuhake	Te Aho Matua
Te wā i te kura te rōpū arotake	Pipiri 2022
Te wā o tēnei pūrongo	7 Mahuru 2022
Ngā pūrongo o mua a Te Tari Arotake Mātauranga	Arotake Mātauranga, Mahuru 2021; Arotake Mātauranga, Hakihea 2017; Arotake Mātauranga, Mahuru 2013

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.

2 Context

Te Kura Kaupapa Māori o Te Hiringa is in Tokoroa. The whānau provide a Te Aho Matua education for students in Years 1-8. Kuranui students’ satellite to Te Kura Kaupapa Māori o Whakarewa i Te Reo ki Tūwharetoa. The kura has made application for Wharekura status. A 2021 Progress Report showed progress had been made.

3 Evaluation Focus

How well do students demonstrate success as learners?

Students are focused learners who are progressing in all learning contexts.

4 Findings

Te Reo

Kura teina students learn in a te reo Māori rich environment. Leaders and kaiako have implemented a transition programme to accelerate the progress of new students with limited fluency in te reo Māori. Kura teina kaiako utilise appropriate strategies that extend student thinking and speaking in te reo Māori. This includes open ended questions, prompting and role modelling correct language usage. These strategies contribute to building student confidence and competency to communicate in te reo Māori. There is a deliberate approach to encouraging the use of expression when speaking and singing. Students show enthusiasm and use intonation during karakia. Students are confident to express themselves.

Āhuatanga Ako

Leaders are building kaiako capability to improve teaching and learning. Targeted professional development for kaiako and whānau wide Te Aho Matua wānanga are reflected in the teaching and learning programme. Classrooms are bright, organised and well resourced. Student achievement data shows a decrease in overall results in the kura teina following COVID-19 lockdowns. However, there are fewer students requiring extra support. Relationships between students and kaiako are loving and mutually respectful. Tuakana teina interactions are nurtured. Students appear happy and are engaged learners.

Kuranui

Kaiako in the kuranui are well placed to independently deliver a quality programme for Years 9-13. Kaiako have high expectations and provide a student-centred learning environment. Individual pathway planning is in place for all year levels. Students confidently manage themselves and their intended future pathway decisions. The kura achieved a 100% pass rate at all levels students participated in for National Certificates of Educational Achievement (NCEA), with many students gaining endorsements. Kaiako are highly responsive to and supportive of student chosen pathways. Senior students have the opportunity to gain tertiary qualifications from Te Wānanga o Raukawa. This is the first cohort of Year 13 students. Students achieve success in a wide range of contexts.

Leadership

Professional leadership, kura wide, has improved. The newly formed leadership team works collaboratively with an improvement focus. Student progress is monitored, recorded, and reported to the board and whānau. Kaiako professional development needs are identified and supported. Greater confidence and use of technology has strengthened leadership. Curriculum areas that require strengthening are also prioritised. Student success is at the centre of decision making. 

Governance

The board have a good understanding of their roles and responsibilities. They have benefitted from participation in Te Aho Matua wānanga and engagement with Te Runanga Nui. Strategic planning and annual targets are contributing to improved alignment to Te Aho Matua. Policies are regularly reviewed, and delegated responsibilities have been implemented. Relationships with the whānau, the kōhanga reo and wider community have been strengthened. The whānau have improved understandings of their governance responsibilities and this is having a positive effect on student success. Informed decisions lead to improved outcomes for students.      

Key Next Steps

The use of te reo Māori as the principal language of instruction in kuranui requires further strengthening.  The leadership team are aware of the many challenges recruiting fluent speakers of te reo Māori for specialist subjects. Kaiako are enrolled in te reo Māori classes to build capability. This should improve with time. Students in kuranui communicate predominantly in English in specialist subjects.

Leaders and kaiako in the kura teina recognise the need to accelerate student achievement post COVID-19. The discontinuation of Te Waharoa Ararau provides the kura with the opportunity to develop their own benchmarks that align with Te Aho Matua and the kura graduate profile. Students will achieve success that reflects their individual potential.

5 Assurance on Legal Requirements

During the evaluation, ERO checked at the following areas:

• emotional safety of students (including prevention of bullying and sexual harassment)

• physical safety of students

• teacher registration

• processes for appointing staff

• stand-downs, suspensions, expulsions, and exclusions

• attendance

• school policies in relation to meeting the requirements of the Children’s Act 2014.

6 Recommendation

ERO, Te Runanga Nui and the kura board developed the following recommendation:

• continue to work with Te Runanga Nui to improve student outcomes aligned to Te Aho Matua.

Rita Walker
Acting Toka-ā-Nuku – Director
Te Uepū ā-Motu – Māori Review Services

7 September 2022

7 Information about the Kura

Location	Tokoroa
Ministry of Education profile number	3100
Kura type	Full Primary Years 1-8
Kura roll	155
Ethnic composition	Māori 99%, Other 1%
Special features	Te Aho Matua
Review team on site	June 2022
Date of this report	7 September 2022
Most recent ERO report(s)	Education Review, September 2021; Education Review, December 2017; Education Review, September 2013