Review 10 January 2019
LatestNgā Whakaaturanga
E tū ana Te Kura Kaupapa Māori o Whangaroa ki Matauri. He pakari te whakapuaki o ngā ākonga i ō rātou mana, me ō rātou rangatiratanga. He pakari ngā ākonga – ā-tinana, ā-wairua, ā-whatumanawa hoki. Ka kitea ki ngā ākonga tō rātou manawa whakahī mō ō rātou whānau, ō rātou hapū, me tō rātou iwi. Kua āta whakaritea ngā mahi e pā ana ki te arotake whaiaro. Ka mahi ngātahi ngā kaiārahi ki te whakapai ake i ngā putanga ki ngā ākonga.
Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Whangaroa i roto i ngā tau e toru, arā, ko Te Rākeitanga.
1 Te Horopaki
Tāwhaki ki muri, Tāwhaki ki mua, Tāwhaki ki Whangaroa, Matehunuenue te teitei o Tāwhaki ki te tihi o Manono, Tāwhaki ka puāwai.
E tū ana Te Kura Kaupapa Māori o Whangaroa ki Matauri, ki te Tai Tokerau. He kura hiato tēnei e whakarato ana i te mātauranga ki ngā ākonga o ngā tau 1 ki te 15. E whai ana te whānau i te tikanga whakaaro o Te Aho Matua. Ko te aronga nui ki te tūhonohono ki te whānau, ngā kaumātua, me te marae e noho pūmau ana ki ngā whakahaeretanga o te kura. He puna reo anō hoki ki te kura, ā, ka whakawhiti mai ngā tamariki i te puna reo ki te kura.
2 Te Tino Uaratanga
He pēhea rawa te whakapuaki o ngā ākonga i ō rātou mana me ō rātou rangatiratanga?
He pakari te whakapuaki o ngā ākonga i ō rātou mana, me ō rātou rangatiratanga.
Te Ira Tangata
He pakari ngā ākonga - ā-wairua, ā-whatumanawa hoki. E poipoi ana te whānau i ngā ākonga kia tiaki rātou i ētahi atu tāngata, ahakoa ko wai. Ka whakarato rātou i ngā huarahi e pakeke ai ngā ākonga hei kaiārahi o āpōpō mō te iwi. Ka tuku ki ngā ākonga ngā kawenga hei ārahi i ngā karakia me ētahi atu whakaritenga e pā ana ki ngā tikanga me ngā kawa i te kura. E whakapono ana te whānau, ka whai atu ngā ākonga ki te pūmautanga o ngā paepae me ngā marae o tō rātou iwi. E ako ana ngā ākonga i ngā tino kaupapa me ngā hītori e pā ana ki te rohe o Whangaroa. Ka toro atu ki ngā karakia, ngā waiata, me ngā mōteatea hei whakatairanga ake i tō rātou māramatanga ki tō rātou iwi me ō rātou hapū. He ngākau titikaha ō ngā ākonga, ā, ka kitea hoki te pakari o ō rātou kiritau.
Te Reo
E whai wāhi atu ana ngā ākonga ki ngā akoranga e whakanui ana i te reo ake o te Tai Tokerau. Ka ako hoki rātou i ngā kupu ake o Whangaroa me Muriwhenua. E whakatauira ana ngā pakeke me ngā kaumātua i te reo tūturu ki ngā ākonga. Ka whakamahi te whānau me ngā kaimahi i te whānuitanga o ngā tūmomo rautaki e whakaū ana i te whakamahinga o te reo Māori, tae atu hoki ki tētahi kaupapa here e hāngai pū ana ki te reo. E whakatairanga ana te puna reo i ngā ngākau titikaha o ngā ākonga e hou atu ana ki te kura. He akomanga rumaki reo ake e hāpai ana i a rātou o ngā ākonga e hou mai ana ki te kura me te itiiti noa o te reo Māori. E whanake ana ngā ākonga ki te kōrero i te reo Māori.
Ngā Iwi
Ka kitea ki ngā ākonga ō rātou manawa whakahī mō ō rātou whānau, ō rātou hapū, me tō rātou iwi. Ka taea e rātou te whakapuaki ō rātou māramatanga ki ngā tikanga me ngā kawa e hāngai pū ana ki tō rātou iwi. E whakawhanake ana te whānau i tētahi marautanga ā-kura e ahu mai ana i te reo, te taiao, me ngā kōrero tuku iho o Whangaroa. Ko te aronga matua o taua marau, ko te āta whakarite i te whai hononga tonu o ngā ākonga ki tō rātou tūrangawaewae, ā, kia tū pakari rātou nā aua mātauranga. Ka tautoko ngā ākonga me te whānau i ngā kaupapa a ngā hapū, te iwi, me ngā marae. Ka taetae atu ngā ākonga ki ngā whakatau me ētahi atu o ngā kaupapa i te marae hei whakatairanga ake i tō rātou māramatanga ki ō rātou tūranga me ā rātou kawenga mahi hei tangata whenua. E mau tūhonohono ana te here o ngā ihomatua o ngā ākonga ki ō rātou mātua tūpuna, me ngā tūmanako, ngā wawata hoki o te whānau, te hapū, me te iwi.
Te Ao
E whakaratohia ana ki ngā ākonga ngā whai wāhitanga kia mātātoa tā rātou tūhura, tā rātou whakatewhatewha anō hoki i tō rātou ao. Ka toro atu rātou ki wāhi kē atu, puta noa i te motu, hei hāpai i te whānui o ngā tūmomo kaupapa ā-iwi. Ka whakamahi ngā ākonga i ō rātou mōhiotanga ki te pāngarau, te pūtaiao, me te hangarau hei hīraurau i ngā hopanga matatini. Ka hāpai te whānau i ngā ākonga ki te ako i ngā take e whai pānga ana ki te taiao. Ka tūhono ngā ākonga ki ngā atua Māori me tō rātou whai pānga nui ki te taiao māoriori. E whakawhanake ana ngā ākonga i tō rātou māramatanga ki te āhua o tā rātou whai wāhi atu ki ngā whakaritenga whakauka. Ki tā te ākonga titiro, he kaitiaki rātou o te taiao e noho nei rātou. E whanake ana te māramatanga o ngā ākonga ki ngā tini āhuatanga matatini o te ao whānui.
Āhuatanga Ako
He mātātoa te whai wāhi atu a ngā ākonga ki ngā akoranga. E whai kiko ana ngā mahere o te marau. Ka whai wāhi atu ngā ākonga me ō rātou whānau ki ngā mahere ako. Ko ngā mātauranga o te takiwā nei e whai wāhi atu ana ki tēnā e whakanuia ana ki ngā akoranga a ngā ākonga. He whai wāhitanga mō ngā ākonga ki te mahi auaha me te whakaaro pohewa. Ka whakaemihia, ka tātarihia hoki ngā hōtuku paetae o te kura tuatahi. He tautoko anō e whakaratohia mō ngā ākonga kāhore anō kia eke ki ngā taumata e hiahiatia ana. Ka aromātai ngā kaiako i ā rātou whakaritenga, ā, ka aroturuki hoki rātou i te ahu whakamua a ngā ākonga. Ka whai rātou i tētahi aronga rautaki ki te tuku i ngā rauemi ki ngā hōtaka akoranga, hei āta whakatairanga ake i te whai huatanga me ngā putanga ki ngā ākonga. Kei te harikoa, kei te whakaaweawetia hoki ngā ākonga ki te ako.
Kua āta whakaarohia te hōtaka akoranga mō te rōpū iti o ngā ākonga ki ngā tau 9 ki te 11 o te wharekura, ā, e whakamaheretia ana hei whakatairanga ake i ngā putanga e whai hua ai, tae atu hoki ki ō rātou wawata hei huarahi umanga mō rātou i tā rātou putanga i te kura hei raukura. Kotahi te ākonga o te tau 11 kua uru atu ki te Taumata 1 o Te Taumata Mātauranga ā-Motu kua Taea, ā, he whai wāhitanga anō hoki mō ngā ākonga o ngā tau 9 ki te 10 ki te whakatutuki haere i ētahi o ngā whakawhiwhinga hei āhuatanga tonu o tā rātou hōtaka akoranga. Ka arumia, ka aroturukitia te ahu whakamua o ngā ākonga i roto i te wharekura.
Ngā wāhanga i tāutuhia ai e te kura hei whakawhanake ake
Kua oti i te whānau o te kura tētahi tuhinga hukihuki o tā rātou mātauranga ā-hapori e pā ana ki te Whangaroatanga. Kua kohikohia e rātou te whānuitanga o ngā tūmomo mātauranga e pā ana ki a Whangaroa, mai i ngā kuia me ngā kaumātua o te wāhi nei. Kia oti te whakaemi me te whakatakoto haere o aua mōhiohio, ka whakatakotohia hei tūāpapa whakaioio e whakatairanga ake ai i te ako a ngā ākonga.
Ahakoa ko Te Aho Matua te tikanga whakaaro o te kura, kāhore anō kia tau te māramatanga ngātahi o te whānau ki te noho pūmautanga e tika ana hei āta whakaū tonu i te pakari o te tikanga whakaaro ki te kura. Ka whakawhanake te whānau i tētahi rautaki e whakapiki ake ai i tō rātou māramatanga ngātahi ki Te Aho Matua.
Ko te whakapiki ake i te tatauranga o ngā ākonga ki te kura tētahi whāinga rautaki a te kura. E whakapono ana te whānau ko tētahi rautaki e whai hua ai, ko te whakawhānui ake i tā rātou whakapuaki i te kaupapa o Te Aho Matua, puta noa i te hapori. E whai whakaaro ana te whānau ki ētahi atu rautaki hoki, ka whakarahi ake ai i te whakaurutanga mai ki te kura.
3 Te Arotake Whaiaro me te Ārahitanga
Kua āta whakaritea ngā mahi arotake whaiaro ki te kura, ā, e hāpai ana i te whakapai tonutanga. Ko ngā kaupapa matua rautaki me ngā mahere e whai pānga ana hoki ki ēnei, e āta whakatakoto ana i te tino aronga ki te whānau. Ka aroturukitia, ka arotakengia hoki ngā pūnaha matua me ngā tukanga matua, i ngā wā e tika ana. Ka whakaratohia te whakawhanaketanga ngaio ki ngā kaimahi katoa, hei whakapakari ake i ngā whakaritenga whakaako, ā, hei whakapai ake hoki i ngā putanga ki ngā ākonga. Ko te Whangaroatanga tā rātou aronga mō te pae tawhiti o te kura.
Ka mahi ngātahi ngā kaiārahi hei painga mō ngā ākonga me te whānau. Ka whai whakaaro rātou ki ngā huarahi e pai ake ai ngā putanga ki ngā ākonga, ā, ka toro atu, ka whakarongo atu hoki ki te reo o te whānau, ka kōkiri hoki i ngā wānanga e tuitui kotahi ana i ngā wawata, ā, e ārahi ana hoki i te ahu whakamua o te kura. Ka whai wāhi matua te tumuaki ki te ārahi i ngā akoranga i te kura, mā te tautoko o ētahi atu o ngā kaimahi matua. Kei te tino mārama ki te poari kaitiaki tō rātou tūranga ki te titiro whānui ki ngā take kāwana, me te āta whakarite i te tautoko e tika ana mō te tumuaki, kia āhei ai ia ki te kawe i āna mahi mō te whakahaeretanga o te kura i ia rā.
4 Te Whakatau a te Whānau ki ngā Wāhanga Tautukunga
I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
- ngā whakahaere a te poari
- te marautanga
- ngā whakahaere mō te hauora, te haumaru, me te oranga tinana
- ngā whakahaere o ngā kaimahi
- ngā whakahaere o te pūtea
- ngā whakahaere o ngā rawa me ngā taonga.
I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:
- te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
- te haumaru ā-tinana o ngā ākonga
- te rēhitatanga o ngā kaiako
- ngā tukanga ki te whakatū kaimahi
- te whakaunu, te aukati, te pana me te whakarerenga
- te tae ā-tinana atu a ngā ākonga ki te kura.
5 Te Taunakitanga
E taunaki ana Te Tari Arotake Mātauranga kia:
- whakaū tonu, kia whakapai tonu hoki te whānau, te poari kaitiaki, me ngā kaimahi i ā rātou whakaritenga, i runga anō i ngā mātāpono o Te Aho Matua, inarā, i roto i ngā wāhanga i tāutuhia ai i te wā o te arotake, hei āhuatanga ki te whakawhanake ake.
Te Whakarāpopototanga
E tū ana Te Kura Kaupapa Māori o Whangaroa ki Matauri. He pakari te whakapuaki o ngā ākonga i ō rātou mana, me ō rātou rangatiratanga. He pakari ngā ākonga – ā-tinana, ā-wairua, ā-whatumanawa hoki. Ka kitea ki ngā ākonga tō rātou manawa whakahī mō ō rātou whānau, ō rātou hapū, me tō rātou iwi. Kua āta whakaritea ngā mahi e pā ana ki te arotake whaiaro. Ka mahi ngātahi ngā kaiārahi ki te whakapai ake i ngā putanga ki ngā ākonga.
Hei ā hea Te Tari Arotake Mātauranga arotake anō ai i te kura?
Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Whangaroa i roto i ngā tau e toru, arā, ko Te Rākeitanga.
Charles Rolleston Toka ā-nuku
10 Kohitātea, 2019
Ngā Kōrero e pā ana ki te kura
Te tūwāhi
Kei Matauri
Te tau a te Tāhuhu o te Mātauranga
3106
Te tūmomo kura
He kura hiato (Tau 1 – 15)
Te tokomaha o ngā ākonga o te kura
34
Te ira tangata
Kōtiro 18
Tama tāne 16
Ngā hononga ā-iwi
Māori
100%
Ngā āhuatanga motuhake
Te Aho Matua
Te wā i te kura te rōpū arotake
5 Whiringa-ā-rangi 2018
Te rā o tēnei pūrongo
10 Kohitātea, 2019
Ngā pūrongo o mua a Te Tari Arotake Mātauranga
Arotake Mātauranga Te Aho Matua
Arotake Mātauranga Te Aho Matua
Arotake Mātauranga Te Aho Matua
Whiringa-ā-rangi 2015
Poutū-te-rangi 2012
Kohi-tātea 2008
Findings
Te Kura Kaupapa Māori o Whangaroa is located in Matauri Bay. Students confidently display their mana and rangatiratanga. Students are physically, spiritually and emotionally confident. Students exhibit personal pride in their whānau, hapū and iwi. Self review practices are well established. Leaders work collaboratively to improve outcomes for students.
The next ERO review of Te Kura Kaupapa Māori o Whangaroa will be in three years – Te Rākeitanga – Expansive Evaluation.
1 Context
Tāwhaki ki muri, Tāwhaki ki mua, Tāwhaki ki Whangaroa, Matehunuenue te teitei o Tāwhaki ki te tihi o Manono, Tāwhaki ka puāwai.
Te Kura Kaupapa Māori o Whangaroa is located in Matauri Bay, Northland. It is a composite kura that provides education for students from Years 1 to 15. The whānau follow the philosophy of Te Aho Matua. A strong emphasis on partnerships with whānau, kaumātua and the local marae remains central to the operations of the kura. There is a puna reo onsite from which children transition into the kura.
2 Te Tino Uaratanga
How well do students display their mana and rangatiratanga?
Students confidently display their mana and rangatiratanga.
Te Ira Tangata
Students are spiritually and emotionally confident. The whānau nurture students to care for others no matter who they are. They provide opportunities for the students to develop as future leaders for the iwi. Students are trusted to lead karakia and other aspects related to the tikanga and kawa of the kura. The whānau believe that students will contribute to the sustainability of the paepae and marae in their iwi. Students learn about significant kaupapa and history from the local area of Whangaroa. They use karakia, waiata and mōteatea to enhance their understanding of their iwi and hapū. Students are confident and display positive self-esteem.
Te Reo
Students engage in learning where the dialect of Te Taitokerau is a priority. They also learn vocabulary that is specific to Whangaroa and the Far North. Pakeke and kaumātua are authentic language models for students. The whānau and kaiako use a range of strategies to consolidate the use of te reo Māori including a specific language policy. The puna reo raises language confidence for students enrolled at the kura. There is a late immersion class to support students who enrol at the kura with little or no knowledge of te reo Māori. The whānau have a plan in place to implement te reo Māori in their homes. Students are developing as speakers of te reo Māori.
Ngā Iwi
Students exhibit personal pride in their whānau, hapū and iwi. They are able to demonstrate their understanding of iwi-specific tikanga and kawa. Whānau have been developing a kura curriculum based on the language, environment and histories of Whangaroa. This is to ensure that students remain connected and confident in their cultural roots. Students and whānau support hapū, iwi and marae kaupapa. Students attend whakatau and other marae activities which enhance their understanding of their roles and responsibilities as tangata whenua. Students are secure in the knowledge of their ancestral links and the hopes and aspirations for whānau, hapū and iwi.
Te Ao
Students are provided opportunities to actively explore and investigate their world. They venture out to support a variety of iwi-based kaupapa across the country. Students use maths, science and technological knowledge to work out complex problems. Whānau support students to learn about environmental issues. Students make links to atua Māori and the influence they have on the natural world. Students are developing an understanding of the role they play to contribute to sustainable practices. Students see themselves as kaitiaki of the environment in which they live. Students are developing an understanding of the complexities of the wider world.
Āhuatanga Ako
Students are actively engaged in learning. Curriculum planning is detailed. Students and their whānau have input into learning plans. Local knowledge influences what is valued learning for students. Students are provided opportunities to be creative and imaginative. Achievement data is collected and analysed in the kura tuatahi. Additional support is in place for those students who are not yet progressing at the desired levels. Kaiako evaluate their practice and monitor student progress. They have a strategic approach to resourcing learning programmes to maximise efficiency and student outcomes. Students are happy and inspired learners.
The learning programme for the small group of Year 9 to 11 students in the wharekura is well considered and planned to promote successful outcomes including their career aspirations beyond graduation. There is one Year 11 student who is enrolled in NCEA Level 1 while Year 9 to 10 students have opportunities to work towards completing some credits as part of their learning programme. Student progress in the wharekura is tracked and monitored.
Kura-identified areas of development
The kura whānau has completed a draft local curriculum based on Whangaroatanga. They have collected a vast amount of information about Whangaroa from local kuia and kaumātua. Once this is collated and organised, it will provide a strong foundation to enhance student learning.
While Te Aho Matua is the foundation philosophy for the kura, the whānau do not yet have a shared understanding of the commitment required to ensure that philosophy remains strong within the kura. The whānau will develop a strategy to increase their collective understanding of Te Aho Matua.
Increasing the number of students attending the kura is a strategic objective of the kura. The whānau believe that one strategy would be to share the kaupapa of Te Aho Matua more widely within the community. Whānau are considering other strategies as well to encourage enrolments.
3 Self Review and Leadership
Self review practices in the kura are well established in the kura and support ongoing improvement. Strategic priorities and associated plans provide clear direction for whānau. Key systems and processes are monitored and reviewed as required. Professional development for all staff is provided to strengthen teaching practice and improve outcomes for students. Whangaroatanga is their focus for the future of the kura.
Leaders work collaboratively for the benefit of students and whānau. They consider ways to improve outcomes for students, seek and listen to the voice of the whānau, and facilitate wānanga to draw together aspirations and guide kura direction. The tumuaki has a critical role in leading learning in the kura with support from other key staff members. The board of trustees is very clear about their role to oversee governance matters and ensure the tumuaki is well supported to carry her responsibilities for the day to day management of the kura.
4 Whānau assurance on legal requirements
Before the review, the board of trustees and tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
- board administration
- curriculum
- management of health, safety and welfare
- personnel management
- financial management
- asset management.
During the review, ERO checked the following items because they have a potentially high impact on student achievement:
- emotional safety of students (including prevention of bullying and sexual harassment)
- physical safety of students
- teacher registration
- processes for appointing staff
- stand-downs, suspensions, expulsions and exclusions
- attendance.
5 Recommendation
ERO recommends:
- that the whānau, board of trustees and staff continue to consolidate and improve their practices in line with the principles of Te Aho Matua, in particular the areas for development identified during the course of this review.
Conclusion
Te Kura Kaupapa Māori o Whangaroa is located in Matauri Bay. Students confidently display their mana and rangatiratanga. Students are physically, spiritually and emotionally confident. Students exhibit personal pride in their whānau, hapū and iwi. Self review practices are well established. Leaders work collaboratively to improve outcomes for students.
When is ERO likely to review the kura again?
The next ERO review of Te Kura Kaupapa Māori o Whangaroa will be in three years – Te Rākeitanga – Expansive Evaluation.
Charles Rolleston Toka ā-nuku
10 January 2019
Information about the Kura
Location
Matauri Bay
Ministry of Education profile number
3106
Kura type
Composite (Year1-15)
Kura roll
34
Gender composition
Girls 18
Boys 16
Ethnic composition
Māori
100%
Special features
Te Aho Matua
Review team on site
5 November 2018
Date of this report
10 January 2019
Most recent ERO report(s)
Te Aho Matua Review
Te Aho Matua Review
Te Aho Matua Review
November 2015
March 2012
January 2008