Te Kura Kaupapa Maori o Taumarunui

Ngā Kitenga Arotake Report

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi. 

2 Te Horopaki 

‘Mai i te mātāpono ki te ara rau, hei raukura mō tōna iwi’

E tū pā tata ana Te Kura Kaupapa Māori o Taumarunui ki ngā tahatika o te awa o Whanganui, ki Taumarunui. E whakarato ana te kura i te mātauranga rumaki reo Māori mō ngā ākonga o ngā tau 1 ki te 8. Ka poipoi hoki rātou i ngā ākonga wharekura o ngā tau 9 ki te 14, i raro i te maru o Te Kura Kaupapa Māori o Whakarewa i Te Reo ki Tūwharetoa. Ka toro atu Te Kura Kaupapa Māori o Taumarunui ki Te Kura Pounamu me Te Kura Kaupapa Māori o Whakarewa i Te Reo ki Tūwharetoa ki te āta whakapuaki i tā rātou hōtaka o Te Taumata Mātauranga ā-Motu kua Taea. Kua tukuna e te kura tētahi tono ki te Tāhuhu o te Mātauranga kia manatokotia tō rātou tū hei wharekura. 

3 Te Aronga o te Aromātai 

He pēhea rawa te whakaatu mai a ngā ākonga i te aroha me te koa ki te ako?

Ka kitea ki ngā ākonga tō rātou tino aroha, tō rātou harikoakoa hoki i roto i ngā tūāhuatanga katoa o te ako. 

4 Ngā Whakaaturanga 

Te Ira Tangata

Ka manaaki, ka whai whakaaro nui, ka mahi ngātahi hoki ngā ākonga. Kua rumakina rātou ki tētahi taiao e whakatairanga ana i te aroha, i te tiakitanga, me te manaakitanga. Ka kitea te atawhai o ngā tuākana ki ō rātou tēina, me tā rātou hāpai i ngā tēina ki te whai wāhi mātātoa ki ngā taumahi ako. Ka tū ngā ākonga ki te ārahi, mā te kawe i ngā mihimihi, i ngā karakia, me te tautoko i ngā tēina. Ka kitea tō rātou tākare, ā, ka ū rātou ki te eke angitu i roto i ā rātou akoranga. Ka waihanga ngā kaiako i ngā whai wāhitanga e whakatairanga ana i te harikoakoa me te katakata, mā ngā kēmu pāhekoheko me ngā whakataetae whakahoahoa. Ka hāpai te whānau me ngā kaimahi i te whai kawenga a ngā ākonga i roto i ā rātou akoranga. He pai te taetae atu ki ngā hui ā-whānau, ā, nā konā ka puta ngā whakawhitinga kōrero pakari e pā ana ki ngā wawata o ngā ākonga, ki te marau, me ngā huarahi o ngā ākonga mō meāke nei. Kei te tākare ngā ākonga, ā, ka kitea tō rātou aroha ki te ako. 

Te Reo

E rumakina ana ngā ākonga ki te reo me ngā tikanga Māori. Ka whai wāhi matua ngā karakia, ngā mihimihi, ngā waiata, me ngā mōteatea ki ngā whakaritenga o ia rā. He pai te whakamahere i ngā akoranga o ngā akomanga, ā, he hōtaka akoranga takitahi tā ia ākonga e tika ana kia hāpai ake. Ka whakamahi ngā kaiako i te tangongitanga o ngā rautaki e hāpai ana i te whakawhanaketanga reo o ngā ākonga. Ka tū rātou hei tino tauira o te reo Māori. Ka aro pū te tirohanga rautaki a te kura ki te kounga o te reo o ngā kaiako, ā, ka arotahi hoki ki te whakangungu reo i roto i te whānau. Ka whakamana nuitia te reo Māori e ngā ākonga, hei reo whakawhitiwhiti whakaaro. 

Ngā Iwi

E ahu mai ana ngā akoranga a ngā ākonga i ngā mōhiotanga o te whānau, o te hapū, me te iwi. Ka whakamahere, ka whakarato hoki ngā kaiako i ngā haerenga auau ki ngā wāhi whakahirahira, hei whakahonohono i ngā ākonga ki ngā hītori me ngā pūrākau a te iwi. Ko te ako i ngā hītori a Te Āti Haunui-a-Pāpārangi, a Ngāti Maniapoto, a Ngāti Tūwharetoa me ngā marae hoki he tūāhuatanga matua o ngā akoranga. Ka whakarato ngā kaiako i te papai o te ārahitanga me te akiaki ki ngā ākonga, kia ū ai ngā taumata teitei i roto i ā rātou taunekeneke ki ētahi atu. Ko te kotahitanga me te ngākau pono ngā uara ka whakatō ki ngā ākonga me te whānau. Ka whai wāhi mātātoa te whānau ki ngā whakahaeretanga o te kura, ā, ka whai hua nui tā rātou hāpai i te marau. Kei te hokihoki mai ngā raukura ki te tautoko i roto i te kāuta, i runga hoki i te paepae. Ka kitea ki ngā ākonga tō rātou manawa whakahī ake mō tō rātou whānau, tō rātou hapū, me tō rātou iwi. 

Te Ao

E mōhio ana ngā ākonga ki tō rātou tū ki te ao Māori me te ao whānui. E mōhio ana rātou ki tō rātou tuakiri, ki tō rātou tūrangawaewae, me tō rātou hononga ā-whakapapa ki te whenua, ki ngā kaimahi, me ō rātou hoa. Ka toro atu ngā kaiako ki ngā mātauranga tuku iho o ngā kuia me ngā koroua. He pai te māramatanga o ngā ākonga ki ngā tikanga me ngā kawa, ā, he ngākau titikaha ō rātou ki te taki i ngā karakia me ngā mōteatea. Ka whakapuaki horopaki ngā kaiako hei whakatairanga ake i ngā hononga o ngā ākonga ki te taiao o tō rātou hapori, ā, hei whakahōhonu hoki i ō rātou mōhiotanga ki ngā hītori Māori o te hapori. Ka whakarato te whānau i ngā kaupapa mō ngā ākonga ki te whai māramatanga ki tō rātou tūnga i te ao whānui, mā te whakawhānui ake i ō rātou whai wāhitanga ako ki tua atu i Taumarunui. He tino māramatanga ō ngā ākonga ki a rātou anō, ki ō rātou hononga anō hoki ki ētahi atu. 

Āhuatanga Ako

Ka whai wāhi mātātoa atu ngā ākonga ki ngā wheako ako me ngā taumahi i whakamaheretia ai. Ka whakatairangatia tō rātou waiora torowhānui ki tētahi taiao i whakahāngai nuitia ai ki te ako. Kua āta whakaritea ngā mahinga auau. Kua whakatakotohia ngā rautaki ka hāpai, ka akiaki hoki i ngā ākonga ki te ārahi i tā rātou ake ako. He ngākau titikaha ō rātou ki te whakahua ake i ō rātou matea ako me ō rātou whāinga, ō rātou ngākau nuitanga hoki mō meāke nei. Kei te manaaki, kei te tākare hoki ngā kaiako i roto i ā rātou taunekeneke ki ngā ākonga. Ka hui tahi ngā kaiako i ia te wā, ā, ka whakaaro huritao rātou ki tēnā e whai hua ana i roto i ngā whakaakoranga me ngā akoranga, me ngā tūāhuatanga hei whakatairanga ake mō meāke nei. Kua arotahi ngā kaiako ki te whakapai ake i te whakaako me te ako o te Pānui me te Pāngarau. Ko ngā hōtuku nō te mutunga o te tau 2023 me te tau 2024 mō te ahu whakamua me ngā paetae i roto i aua wāhanga, e tohu ana i te tokomaha o ngā ākonga o te tau 8 e whakatutuki ana i ngā tūmanako o te kura. Ka whai wāhi nui ngā ākonga ki tētahi hōtaka akoranga e hāngai ana ki ō rātou matea me ō rātou ngākau nuitanga. 

Te Wharekura

Ka kitea ki ngā ākonga tō rātou hiahia ki te eke angitu i te kura me te hapori. Kua whakaritea tētahi mahere mahi kia whai angitu ai ngā whakahaeretanga o te wharekura. He pai te ahu whakamua a ngā tēina o te wharekura i roto i te Pānui me te Pāngarau. Kei te pai te aroturuki i tā rātou ahu whakamua. E puāwai ana ngā tuākana o te wharekura. Kei te harikoa, kei te tūmāia, kei te mauritau hoki rātou ki tō rātou tuakiri. Ka kapo atu rātou i ngā whai wāhitanga ārahi, ā, ka whakatutukihia mā te manawa whakahī. Kei te whakakoro ngā kaiako ki te whakarato i tētahi hōtaka akoranga e aro nui ana ki ngā matea o ia ākonga. Kua whakatakotohia tētahi tukanga e aroturuki ai i te whai huatanga o te hōtaka akoranga, ā, he whakaaturanga e tohu ana i ngā whakapaitanga kua whakatutukihia. E tautokona ana te taha ngaio o ngā kaiako kia whanake tonuhia ō rātou pūkenga. Kua tino tupu te tatauranga ākonga i te wharekura, ā, nā tēnā e tika ana kia piki ake hoki te tatauranga kaimahi. E ako ana ngā ākonga ki tētahi wāhi papai e whakatairanga ana i tō rātou tū hei kaiārahi. 

Te Ārahitanga

E arotahi ana te tumuaki ki te whakapai ake i ngā wāhanga o te marau me ngā whakaritenga whakaako. Kei te mātātoa ia ki te whakapakari ake i ngā pūkenga mā te whakawhanaketanga ngaio e hāngai pū ana ki a rātou. Ka whakaū te tumuaki ki te toro atu ki ngā hōtaka me ngā rauemi e tika ana mō te kura. Kei te pai ngā hononga mahi me ngā whakaritenga ki waenga i ngā kaimahi me te ārahitanga. Ka tino tautoko ngā kaimahi i te tumuaki. Tērā te whai wāhitanga ki te whakawhanake ake i ngā mahi ārahi i te kura kia tohaina ake te āhua o te kawe. Ka whai hua ngā ākonga nā te papai o ngā whakaritenga ārahi. 

Te Whānau Whakahaere

E noho ngākau nui ana te whānau ki te whakaratonga o te mātauranga kaupapa Māori, ā, ka whai wāhi mātātoa rātou ki ngā whakahaeretanga o te kura. Ka kawe mai rātou te tangongitanga o ngā pūkenga me te tautōhito e whai pūtake ana ki ā rātou mahi kāwana. He tokomaha o rātou kua roa nei e whai pānga ana ki te kura, ā, kei te tino ū pūmau rātou katoa ki te kaupapa me te whakatinanatanga o te tirohanga o te kura me ngā wawata o te whānau. Ka aro pū ngā mahere rautaki me ngā mahere ā-tau ki te whakapai tonutanga, ā, ka tautuhi hoki i ngā huarahi e whakatutuki ai i ngā whāinga. Ka whai hua ngā ākonga nā ngā mahi whakahaere a te whānau, me tō rātou whakaū ki te whakarato i te mātauranga kura kaupapa Māori ki tō rātou rohe.

Ngā Whakaritenga Matua ka whai ake

Me whakapakari ake i ngā whakaritenga e pā ana ki te arotake whaiaro me te aromātai o roto. E whakawhanake tonu ana te whānau whakahaere i tō rātou māramatanga ki ō rātou tūranga me ā rātou kawenga mahi. Kāhore ngā kaiārahi o te kura i ū ki tētahi rārangi mahi kia arotakengia ngā kaupapa here me ngā tukanga o te kura i ia te wā. Nā tēnā, kāhore ngā kaupapa here katoa kia whakahoungia ki te wā, kāhore rānei e hāngai ana ki ngā herenga ā-ture o te wā. Kua tīmatahia ngā kaiārahi ki te whakatika i taua tūāhuatanga. Kua whakapuakihia tētahi pūnaha aru hou, ā, i tēnei wā kei te arotake, kei te whakamana hoki rātou i ngā kaupapa here. Ka whakatairangatia te waiora me te haumaru o ngā ākonga, tae atu hoki ki tā rātou ako, i te wā e āta whakatinanahia ana ngā pūnaha whai hua. 

Me whakapai ake i ngā mahi aromatawai, me te aroturukitanga, te pūrongo hoki i te ahu whakamua me ngā paetae a ngā ākonga. Kāhore i te riterite ngā mahi aromatawai i te kura. Me whakamōhio i te whānau whakahaere i ia te wā mō te ahu whakamua me ngā paetae a ngā ākonga, hei hāpai i a rātou i roto i ā rātou whakataunga. Ka taea te whakatairanga ake tonu i ngā putanga ki ngā ākonga mā ngā mahi aromatawai e whai hua ana.

5 Te Whakatau a te Whānau ki ngā Wāhanga Tautukunga

I mua i te arotake, i whakatutukihia e te poari me te tumuaki he Tauāki Kupu Tūturu a te Whānau me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae ākonga: 

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• ngā rēhita kaiako
• te tukanga whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura. 

Hei whakatutuki i ngā herenga ā-ture, me tahuri rātou ki te:

• whakapūmau i te haere tonutanga o tētahi hōtaka arotake whaiaro e pā ana ki ngā kaupapa here, ngā mahere, me ngā hōtaka o te kura, tae atu ki te aromātai i ngā mōhiohio aromatawai o te kounga pai mō te ahu whakamua me ngā paetae a ngā ākonga
  [s138 (1) Te Ture Mātauranga me te Whakangungu 2020]

6 Te Taunakitanga

E taunaki ana Te Tari Arotake Mātauranga me te tumuaki kia haere tonu ngā mahi ki te taha o Te Rūnanga Nui o Ngā Kura Kaupapa Māori o Aotearoa, ki te whakatutuki i ngā whakaritenga matua i tautuhia ai kia whāia, hei whakatairanga tonu i ngā huarahi ako, hei āta whakatau i te whakatakotoranga o ngā tukanga papai. 

Rita Walker
Toka ā Nuku Whakakapi 
Te Uepū-a-Motu – Māori Services

3 Mahuru 2024

7 Ngā kōrero e pā ana ki te kōhanga reo

Te tūwāhi Kei TaumarunuiTe tau a te Tāhuhu o te Mātauranga 3118Te tūmomo kuraHe kura tuatahi (Tau 1-8)Te tokomaha o ngā ākonga o te kura72Ngā hononga ā-iwiMāori 72Ngā āhuatanga motuhakeTe Aho MatuaTe wā i te kura te rōpū arotakeHōngongoi 2024Te wā o tēnei pūrongo 3 Mahuru 2024Ngā pūrongo o mua a Te Tari Arotake MātaurangaArotake Mātauranga, Hakihea 2018; 
Arotake Mātauranga, Haratua 2015; 
Arotake Mātauranga, Haratua 2012

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi. 

2 Context 

‘Mai te mātāpono ki te ara rau, hei raukura mō tōna iwi’

Te Kura Kaupapa Māori o Taumarunui is located near the banks of the Whanganui River in Taumarunui. The kura provides full immersion Māori education for students in Years 1-8. They also cater for wharekura students in Years 9-14 as an off-site satellite arrangement with Te Kura Kaupapa Māori o Whakarewa i Te Reo ki Tūwharetoa. Te Kura Kaupapa Māori o Taumarunui utilise Te Kura Pounamu and Te Kura Kaupapa Māori o Whakarewa i Te Reo ki Tūwharetoa to fully deliver their National Certificates in Educational Achievement (NCEA) programme. The kura has an application pending with the Ministry of Education for Wharekura status. 

3 Evaluation Focus

How well do students demonstrate aroha and joy for learning? 

Students show genuine aroha and happiness in all aspects of learning. 

4 Findings

Te Ira Tangata

Students are caring, considerate and cooperative. They are immersed in an environment that promotes aroha, tiakitanga and manaakitanga. Tuākana display kindness to their teina and support them to be active participants in learning activities. Students take on leadership roles through leading mihimihi, karakia and supporting teina. They show enthusiasm and are determined to succeed in their learning. Kaiako create opportunities that promote joy and laughter through collaborative games and friendly competition. Whānau and kaimahi support students to take responsibility for their learning. Whānau hui are well attended where discussions about student aspirations, the curriculum and student’s future pathways are robust. Students are eager and show a love for learning.

Te Reo Māori

Students are immersed in te reo and tikanga Māori. Karakia, mihimihi, waiata and mōteatea are an integral part of daily practice. Classroom lessons are well planned and there are individual learning programmes for students requiring additional support. Kaiako use a range of strategies that support student language development. They are positive role models of te reo Māori. The kura strategic vision prioritises quality te reo by kaiako and has a focus on whakangungu reo within the whānau. Students highly value te reo Māori as the language of communication.

Ngā Iwi

Student learning is based on and around the knowledge of whānau, hapū and iwi. Kaiako plan for and provide regular occasions to visit sites of significance and to connect students to local iwi history and pūrākau. Learning about the histories of Te Atihaunui-A-Pāpārangi, Ngāti Maniapoto and Ngāti Tūwharetoa and the marae are an integral part of learning. Kaiako provide positive guidance and encouragement to students to maintain high standards in their interactions with others. Unity and honesty are values instilled in students and whānau. Whānau are actively involved in kura operations and provide valuable curriculum support. Raukura are returning in supportive roles to help in the kāuta and on the paepae. Students exhibit personal pride in their whānau, hapū and iwi.

Te Ao

Students acknowledge their place in Te Ao Māori and the wider world. Students know who they are and where they come from and that they whakapapa to the whenua, to their kaimahi and peers. Kaiako make use of the traditional knowledge of kuia and koroua. Students have a good understanding of tikanga and kawa and can recite karakia and mōteatea with confidence.  Kaiako create situations to further enhance students’ connection to the local environment and to deepen their knowledge in local Māori history.  Whānau provide occasions for students to grow an understanding of their place in the wider world by extending their learning opportunities beyond Taumarunui. Students have a clear understanding of who they are and how they connect to others.

Āhuatanga Ako

Students actively engage in planned learning experiences and activities. Their holistic wellbeing is enhanced in an environment conducive to learning. Regular routines are well established. Strategies are in place to support and prompt students to lead their own learning. They can confidently articulate their learning needs and their future goals and interests. Kaiako are caring and enthusiastic in their interactions with students. Kaiako hold regular hui where they reflect on what is going well in teaching and learning and what they need to work on in the future. Kaiako have had a focus on improving the teaching and learning in Pānui and Pāngarau. The end of 2023 and 2024 progress and achievement data in these areas show many Year 8 students succeed at kura expectations. Students enjoy a learning programme that is relevant to their needs and interests.

Wharekura

Students demonstrate a desire to succeed at kura and in the community. An action plan has been established for the successful operation of the wharekura. Wharekura teina are progressing well in Pānui and Pāngarau. Their progress is well monitored. Wharekura tuākana are flourishing. They are happy confident and secure in who they are. They embrace leadership opportunities and undertake these with pride. Kaiako endeavour to provide a learning programme responsive to individual’s needs. A process to monitor the effectiveness of the learning programme is in place and there is evidence to show improvements have been made. Kaiako are supported professionally to further develop their competence. There has been significant roll growth in the wharekura prompting the need to increase staffing. Students learn in a positive environment that promotes them as leaders. 

Leadership

The tumuaki is focused on improving curriculum areas and teaching practice. He is proactive in building capability through targeted professional development.  the tumuaki is committed to attaining suitable programmes and resources for the kura. Collegial relationships and practices between kaimahi and leadership are positive. Kaimahi are highly supportive of the tumuaki. There is an opportunity to further develop leadership practices across the kura to a more distributive approach. Student benefit from effective leadership practice. 

Whānau Whakahaere

The whānau are dedicated to the provision of kaupapa Māori education and are actively engaged in kura operations. They bring a range of useful skills and experience to their governance role. Many have a long association with the kura and all are highly committed to the kaupapa and the realisation of the kura vision and whānau aspirations. Strategic and annual planning is improvement focused and identifies how goals will be achieved. Students benefit from whānau whakahaere who are determined to provide kura kaupapa Māori education in their rohe. 

Key Next Steps 

Self-review and internal evaluation practices require strengthening. Whānau whakahaere continue to develop understanding of their roles and responsibilities. Kura leaders have not maintained a schedule of regular review of kura policies and procedures. Consequently, not all policies have been kept up to date or reflect current legislation. Leaders are in the early stages of rectifying this. A new tracking system has been introduced and they are in the process of reviewing and ratifying policies. Student wellbeing, safety and learning is enhanced when efficient systems are fully implemented. 

Assessment practice and monitoring and reporting of student progress and achievement requires improvement. Assessment practice is not consistent across the kura. Whānau whakahaere need to be regularly kept informed of student progress and achievement to assist them in their decision making. Outcomes for students can be further enhanced through effective assessment practices. 

5 Whānau Assurance on Legal Requirement

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

Actions for Compliance

To meet compliance requirements they must: 

• maintain an on-going programme of self-review in relation to kura policies, plans and programmes, including evaluation of good quality assessment information on student progress and achievement.
  [Section 138 (1) Education & Training Act 2020]

6 Recommendation

ERO and the Tumuaki recommend continuing to work with Te Runanga Nui to fulfil the identified key next steps to further enhance learning pathways and ensure good processes are in place.

Rita Walker 
Toka-ā-Nuku – Acting Director
Te Uepū ā-Motu – Māori Review Services

3 September 2024

7 Information about the kura

LocationTaumarunuiMinistry of Education profile number3118Kura typeFull Primary (Years 1-8)Kura roll72Ethnic compositionMāori 72 Special featuresTe Aho MatuaReview team on siteJuly 2024Date of this report3 September 2024Most recent ERO report(s)Education Review, December 2018; 
Education Review, May 2015;
Education Review, May 2012