TKKM o Piripono Te Kura Whakahou ki Otara

Ngā Kitenga Arotake Report

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi. 

2 Te Horopaki 

Ko Tainui te waka
Ko Te Wai o Tamaki te awa
Ko Te Puke o Tara te maunga
Ko te Tara te Irirangi te tangata
Ko Ngāi Tai me Ngāti Tamaoho ngā hapū
Ko Waikato te iwi

E tū ana Te Kura Kaupapa Māori o Piripono Te Kura Whakahou ki Ōtara ki te hapori o Ōtara, ki Tāmaki-makau-rau ki te tonga. E whakarato ana te kura i te mātauranga ki ngā tamariki o ngā tau 1 ki te 8. Ko ngā mātāpono o Te Aho Matua e ārahi ana i ngā tikanga me te waiora i te kura. Kua whakatūngia tētahi tumuaki hou, nō muri i te arotakenga a Te Tari Arotake Mātauranga i te Whiringa-ā-nuku o te tau 2018. Mō te wā roa nei, kua tohua ki ngā pūrongo a Te Tari Arotake Mātauranga ngā tūāhuatanga i te kura kāhore i te pai. E tautoko ana tētahi Mātanga Tautōhito i te tumuaki, kia whakatairanga tonuhia ētahi atu whakaritenga i te kura. 

3 Te Aronga o te Aromātai 

He pēhea rawa te whakaatu mai a ngā ākonga i te manaaki, te whai whakaaro nui, me te mahi tahi ki te taha o ētahi atu?

Ka kitea ki ngā ākonga te manaaki, te tiaki, me te aroha i a rātou e taunekeneke ana ki te taha o ētahi atu. 

4 Ngā Whakaaturanga 

Ka whakawhanake, ka whakapūmau hoki ngā ākonga i ngā hononga papai ki waenga i a rātou anō. He ahurea o te manaakitanga me te whakaute ki te kura. Kei te pakari ngā hononga ki ngā whānau, ā, ka kitea ki tā rātou whai wāhi nui, tā rātou manaaki, tā rātou tiaki hoki i ētahi atu. Nō nā noa nei tētahi haerenga i tū ai ki tāwāhi, ā, i whakatairangatia, i whakapūmautia ngā hononga me te whakawhirinakitanga ki waenga i ngā whānau. I taua haerenga he maha ngā whai wāhitanga i pupū ake mō ngā ākonga me ngā whānau ki te uru atu ki ngā akoranga hou mā ngā huarahi tūturu, ā, i whakapakarihia ngā hononga. Ka ārahi, ka whai wāhi nui ngā ākonga ki ngā tikanga ahurea i te kura, i waenga hoki i ō rātou whānau. He pai te whakatauira a ngā tuākana i ngā kawenga ā-tangata, ā, ka ārahi māhorahora i ō rātou tēina ki te whai wāhi pai ki ngā horopaki ōkawa. He ngākau titikaha ō rātou ki te kawe i ngā mahi ārahi, ā, ka hāpai hoki i ngā mahinga me ngā ritenga o ia rā ki te kura. Ka noho whakaute, ka whai whakaaro nui hoki ngā ākonga mō ētahi atu. 

Ka mātau haere ngā ākonga ki te kōrero i te reo Māori, ā, ka whakawhanake i ngā pūkenga ki te whakapuaki kōrero i roto i te tangongitanga o ngā horopaki. Mō te nuinga o ngā ākonga, ko te kura anake te wāhi ka kōrerohia e rātou te reo Māori. Ka tohutohu, ka ārahi, ka hāpai hoki te taiao o te kura me ngā kaimahi mā te reo Māori. Kei te hakune ngā mahi whakaako a ngā kaimahi hei poipoi, hei whakawhānui hoki i ngā pūkenga reo o ngā ākonga. Kei te mātau ngā kaimahi katoa ki te kōrero i te reo Māori, ā, ka tū hei tino tauira mō ngā ākonga. Ka āta whakatauira rātou i te reo ōkawa me te reo ōpaki, ā, ka whakapuaki, ka akiaki hoki i ngā kupu hou me ngā whakataukī. Ka tino tautokona, ka tino whakaritea hoki ngā ākonga ki te tū ki te whaikōrero, te karanga, me te ārahi i ngā karakia me ngā taumahi i te akomanga. Ka whakarato i ngā whai wāhitanga ki te whakapakari ake i ngā pūkenga o te whānau i roto i te reo Māori mā Te Ahu o Te Reo me ngā akomanga e whakahaerehia ana ki te kura. E tino tautokona ana ngā ākonga tuākana kia whanake ai tō rātou mōhiotanga arohaehae ki te reo. E whanake ana ngā ākonga ki te kōrero i te reo Māori. 

E pou here ana te whanaungatanga i ngā hononga katoa me ngā akoranga katoa. Mō te nuinga o ngā ākonga, ko rātou te whakatupuranga tuatoru o tō rātou whānau e tupu mai ana i te tāone nui, ā, ka whakanuia tā rātou ako i ō rātou pepeha taketake. Ka whai wāhi atu ngā ākonga ki ngā kaupapa me ngā rōpū whakahaere o te hapori o Ōtara. He pai, he ratarata rātou i roto i ā rātou taunekeneke ki ō rātou hoa, ā, ki ētahi atu hoki. Ka noho maioha te whānau ki te tini o ngā wheako hākinakina, wheako whakahoahoa hoki o ngā ākonga i te hapori, i te taha hoki o ētahi atu kura kaupapa Māori. E whanake ana ngā ākonga i tō rātou mōhiotanga me ō rātou ngākau titikaha ki te whakapuaki i ō rātou tūrangawaewae me ō rātou hononga ā-whakapapa ki ētahi atu.

He whai wāhitanga mō ngā ākonga ki te toro atu ki te tangongitanga o ngā tūmomo taiao tūturu. Ka whai wāhi atu rātou ki ngā wheako e whakapiki ake ana i tō rātou mōhiotanga me tō rātou māramatanga ki te ao whānui. Ka whakawhanake ngā ākonga i ngā māramatanga o ngā āhuatanga tūturu me ngā āhuatanga o te taiao, tae atu hoki ki ngā atua Māori e whai pānga ana. I te nahanaha, i te whai pūtake hoki ngā kaimahi i a rātou e whakariterite ana i ngā ākonga mō ngā tino rerekētanga ka pupū ake ki waenga i te pōwaiwai o te tāone nunui me tēnā ka whāia e rātou i Rarotonga. E whanake ana ngā ākonga i te māramatanga ki te ao ki tua atu i Ōtara, me te whai pānga anō hoki ki a rātou. 

E poipoi ana te taiao o te kura i te whai wāhi nui o ngā ākonga ki ngā mahi mō te roanga tonu o te wā. Kei te tino mōhio ngā kaimahi ki ngā ākonga. Ka aro nui rātou ki ngā matea atawhai, matea whatumanawa hoki o ngā ākonga. Kua āta whakaritea ngā hōtaka, ā, kua whakatakotohia hoki ngā wheako ako e whai pānga nui ana ki ngā ākonga. He pai te whakariterite i ngā mahi ako, ā, ka whakatakoto i ngā taumahi e akiaki ana i te ako takitahi, i te ako takirua, me te ako takirōpū. Ka aroturukitia, ka whakapuakihia ā-mataora tonu mā te pae ipurangi o te kura. Ka whakawhiti kōrero te whānau mō te ahu whakamua a ā rātou tamariki, ā, ka taea hoki e rātou ngā kōrero urupare te whakapuaki. Kua pai haere te taetae atu a ngā ākonga ki te kura whai muri i te Kowheori-19, ā, kei te toharite o te 83%. E tohu ana ngā hōtuku paetae a te kura i te whakatutukitanga pai o te nuinga o ngā ākonga o ngā tau 3 ki te 8 i roto i te reo matatini me te pāngarau. He kaha ngā kaimahi ki te akiaki, ā, ka whakamihi i ngā ākonga i ia te wā. Ko te tiketike o ngā tūmanako me te whai huatanga o ngā ārahitanga a ngā kaimahi, e whakatairanga katoa ana i te tū takitahi o te ākonga. Kei te whai wāhi mātātoa, kei te mauritau hoki ngā ākonga, puta noa i te rā. 

Ka mahi ngātahi ngā whānau ki te whakawhanake me te whakatinana i te tirohanga rautaki a te kura e ahu mai ana i Te Aho Matua me ngā wawata o te whānau. Ko te reo Māori me ngā tikanga Māori te aronga matua. He nui ngā wero i whakatutukihia e te kura, ā, kua whai hua tā rātou ahu whakamua e whakahou ai i tō rātou huarahi. He pai tā rātou mahi ngātahi ki te arotake me te whakahou ake i ngā tukanga i te kura. Ka aro pū ki te hauora me te waiora o ngā ākonga. Kua whakatakotohia te katoa o ngā kaupapa here matua me ngā tukanga matua. Kei te mātātoa ngā whānau, ā, ka tautoko i ngā mahi kohi pūtea me ngā whakataunga. Ka ārahi, ka tautoko hoki rātou i te tangongitanga o ngā taumahi. Ka hāngai te tupu o te whānau ki te whakawhanaketanga o ngā mōhiotanga o te whānau ki Te Aho Matua, ā, ka toro atu hoki ki Te Rūnanga Nui o Ngā Kura Kaupapa Māori o Aotearoa hei hāpai i ngā mōhiotanga ngaio o ngā kaimahi. E mahi ana te whānau ki te whakatutuki i ō rātou tūmanako ki te tū hoki hei wharekura, kia noho tonu mai ai ngā ākonga ki waenga i te whānau ki te whakatutuki i te mātauranga kura tuarua. 

Ngā Whakaritenga Matua ka whai ake

Ko tētahi aronga matua, ko te whakawhanake i te māramatanga me ngā pūkenga o ngā kaimahi hei kaiako whai hua. He hou ngā rēhitatanga o te nuinga o ngā kaiako, kei te whakangungu tonuhia ētahi atu, ka tīmata rānei ngā whakangungu ōkawa hei te tau 2025. He rautaki tā ngā kaiārahi mō te whakapakaritanga ake o ngā pūkenga ngaio o ngā kaimahi. Ka pai ake ngā putanga ki ngā ākonga i te wā e pakari ana ngā mōhiotanga o ngā kaimahi ki te mātauranga me te marau, ā, e mau ana hoki rātou i te tangongitanga o ngā rautaki whakaako e whai hua ana. 

Ko te whakawhanake tonu me te whakatō tonu i ngā tukanga o roto tētahi whakaritenga matua ka whai ake hei whakawhanaketanga. Ka whai wāhi ki taua tūāhuatanga, ko te whakatutuki i te huringa taiāwhio o te tupu ngaio mō ngā kaimahi katoa, me te whakapiki ake i te mōhiotanga o te whānau ki ā rātou kawenga mahi e pā ana ki te Children's Act 2014. 

5 Te Whakatau a te Whānau ki ngā Wāhanga Tautukunga

I mua atu i te aromātai i whakatutukihia e te poari me te tumuaki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga me te tiwhiketetanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura.

6 Te Taunakitanga

E taunaki ana Te Tari Arotake Mātauranga kia mahi tonu te whānau ki te whakatōpū me te whakapūmau i ngā pūnaha hou me ngā whakaritenga hou e whai wāhi atu ai ki te whakapai tonutanga. 

Tiwana Hibbs
Toka ā Nuku 
Te Uepū ā-Motu – Māori Review Services

22 Paengawhāwhā, 2025

7 Ngā kōrero e pā ana ki te kura

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi. 

2 Context 

Ko Tainui te waka
Ko Te Wai o Tamaki te awa
Ko Te Puke o Tara te maunga
Ko te Tara te Irirangi te tangata
Ko Ngai Tai me Ngāti Tamaoho ngaa hapu
Ko Waikato te iwi

Te Kura Kaupapa Māori o Piripono te Kura Whakahou ki Ōtara is situated in Ōtara, South Auckland. The kura provides education to tamariki in Years 1 to 8. Te Aho Matua are the principles that guide kura tikanga and wellbeing. A new tumuaki has been appointed since the ERO October 2018 review. The kura has had a poor reporting history with ERO. A Specialist Advisor is supporting the tumuaki to make further improvements to kura practices. 

3 Evaluation Focus

How well do students demonstrate care, consideration and cooperation with others?

Students demonstrate manaaki, tiaki, and aroha when interacting with others.

4 Findings

Students develop and sustain positive relationships with one another. The culture of the kura is one of care and respect. Whānau relationships are strong and their involvement in the kura demonstrates manaakitanga and tiaki for others. The recent overseas trip enhanced and cemented relationships and trust amongst whānau. The trip provided several opportunities for students and whānau to experience new learning in authentic circumstances, and relationships were strengthened. Students lead and participate in cultural practices at kura, and for their whānau. Tuākana model social responsibilities well and naturally guide their teina to positively engage in formal settings. They conduct leadership roles confidently and support kura daily routines and rituals. Students show respect and consideration for others.

Students develop competence as speakers of te reo Māori and develop skills to speak in a variety of contexts. For the majority of students, the kura is the only place where they interact in te reo Māori. The kura environment and kaimahi provide instruction, guidance and support in te reo. Kaimahi use deliberate acts of teaching to foster and extend the language ability of students. All kaimahi are competent speakers and role models of te reo Māori. They exemplify formal and informal reo, and model and encourage kupu hou and whakatauki. Students are well supported and prepared to do whaikōrero, karanga and lead in karakia and classroom activities. Opportunities are provided to build whānau capability in te reo Māori through Te Ahu o Te Reo and classes held on the kura premises. Older students are well supported to develop critical language awareness. Students are developing as speakers of te reo Māori.

Whanaungatanga underpins all relationships and learning. Most students are third generation urban raised, so learning the pepeha of their origins is valued. Students participate in and contribute to Ōtara community events and organisations. They are positive and friendly with their peers and with others they interact with. Whānau are appreciative of the numerous sporting and social experiences that students have within the local and kura Kaupapa Māori communities. Students are developing knowledge and confidence to articulate where they come from and to whom they connect.

Students have opportunities to encounter a range of different physical environments. They participate in experiences that increase their knowledge and understanding of the wider world. Students develop understandings of the physical and natural phenomena, and the associated atua Māori. Kaimahi were deliberate and purposeful in preparing the students for the vast differences in a fast-paced city lifestyle and the vast contrast of what they experienced in Rarotonga. Students are developing understanding of the world outside of Ōtara and their place in it.

The kura environment is conducive to engaging students for sustained periods of time. Kaiako know the students well. They are highly responsive to student pastoral and emotional needs. Programmes are well-planned and incorporate learning experiences that the students can relate to. Well prepared learning tasks provide activities that encourage independent, pair and group learning. Student progress is monitored and shared live through the kura online platform. Whānau discuss the progress their tamariki are making and can provide regular feedback. Student attendance has continued to improve since COVID-19 and averages at 83%. The kura achievement data shows that most students form Years 3-8 achieve well in Te reo Matatini and Pāngarau. Kaimahi are encouraging and often praise students. High expectations and useful kaimahi guideance promote student independence. Students are actively engaged and are settled throughout the day.

Whānau work collaboratively to develop and implement the kura strategic vision, which is based on Te Aho Matua and whānau aspirations. Te Reo and tikanga Māori are a key focus. The kura has overcome many challenges and have successfully moved through a phase of redirection. They are working well together to revise and renew kura processes. Student safety and wellbeing is prioritised. All key policies and procedures are in place. Whānau are active and support with fundraising and decision making. They take the lead and support with various activities. Whānau growth includes developing whānau knowledge of Te Aho Matua and utilising Te Rūnanga Nui to support the professional knowledge of kaimahi. The whānau are working toward fulfilling their hopes of becoming a wharekura and retaining students to complete their secondary education within the whānau. 

Key Next Steps

Developing kaimahi understanding and capability as effective kaiako is a priority. Most kaiako are newly registered, others are in training or will begin formal training in 2025. Leaders have a strategy in place to build the professional capability of kaimahi. Student outcomes will improve when kaimahi have sound mātauranga and curriculum knowledge and an array of effective teaching strategies to draw from. 

Continuing to develop and embed internal processes is a key next step for development. This includes completing the professional growth cycle for all staff. And increasing whānau knowledge of their responsibilities to the Children’s Act 2014. 

5 Whānau Assurance on Legal Requirement

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

6 Recommendation

ERO recommend whānau continue to consolidate and embed new systems and practices that contribute to ongoing improvement.

Tiwana Hibbs 
Toka ā Nuku - Director
Te Uepū ā-Motu – Māori Review Services

22 April 2025

7 Information about the kura