TKKM o Whakarewa I Te Reo Ki Tuwharetoa

Ngā Kitenga Arotake Report

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.

2 Te Horopaki

“Mātuarautia ngā tamariki kia tū pakari, tū rangatira hei raukura mō te iwi.”

Kei Taupō Te Kura Kaupapa Māori o Whakarewa i te Reo ki Tūwharetoa e tū ana, ā, e whakarato ana i te mātauranga kaupapa Māori ki ngā tamariki o ngā tau 1 ki te 13, e arahina ana ki ngā mātāpono o Te Aho Matua. I te tīmatanga o te tau 2025 te ārahitanga hou i tū ai ki te kura, i te pōwhiri atu ki tētahi tumuaki hou, ā, he raukura taketake ia o te kura.

3 Te Aronga o te Aromātai

He pēhea rawa te whakatinanatanga o ngā ākonga i te whakataukī o te kura i roto i ā rātou whakaritenga o ia rā, i ō rātou hononga, me ō rātou wawata?

Kei te ngākau titikaha, kei te aro nui hoki ngā tamariki hei ākonga, ā, e tautokona ana rātou kia eke ki ō rātou tino pūmanawa.

4 Ngā Whakaaturanga

Te Ira Tangata
E whiwhi ana ngā tamariki i ngā akoranga e poipoi ana i tō rātou waiora torowhānui. Ka tautoko ngā kaiako i ngā tamariki kia tupu ai rātou – ā-tinana, ā-whatumanawa, ā-wairua, ā-hinengaro hoki – mā ngā akoranga e ahu mai ana i ngā tikanga, e arahina ana ki ngā uara o te kura. Ko ngā aronga, pērā i Poutiria te Aroha me Mauri Ora e hāpai ana i ngā kaiako ki te whakapakari i ngā tino hononga me te aro nui ki ngā matea ā-whatumanawa o ia tamaiti. He tūāhuatanga tēnei ka āta kitea ki te papai me te manaakitanga o ngā taunekeneke ki waenga i ngā tamariki, ngā kaiako, me ngā whānau. Ka mahi ngātahi ngā whānau me ngā kaiako ki te tautoko i te tūhura haere a ngā tamariki i ō rātou pūmanawa me ō rātou wawata mā ngā huarahi e whai pānga nui ana ki tō rātou tuakiri. Kei te tūmāia, kei te tautokona hoki ngā tamariki i roto i tō rātou tuakiri me tō rātou waiora.

Te Reo
E ako ana ngā tamariki mā roto mai i tētahi taiao e aro nui ana ki te reo Māori. Ka kitea ki ngā whānau me ngā kaiako o te kura te hōhonutanga me te pūmautanga o tō rātou noho ngākau nui ki te reo Māori. He tūāhuatanga tēnei ka kitea ki ngā hononga pakari o te kura ki ngā marae, ki ngā hapū, ki ngā iwi, me te taiao whānui. Kua tuituia te reo Māori puta noa i ngā āhuatanga katoa o te kura, e arahina ana e te tino tirohanga mō te whakarauoratanga me te toitūtanga o te reo i roto i ngā whakatupuranga katoa. Ka whakamānawa te kura i te wairua o te reo, ka whakanui i te reo o te tangata me te reo o te taiao, ā, ka hāpai i ngā tamariki ki te whai māramatanga me te whai wāhi atu ki aua tūāhuatanga motuhake. E whakatauirahia ana te kounga kairangi o te reo e ngā kaiako, e ngā whānau, e ngā kaimahi hoki, ā, kua whakahāngai i ngā rautaki whakaako ki ngā matea o ngā tamariki. Waihoki, ka tautāwhi te kura i te huihuinga o ngā reo taketake, ā, ka poipoi i te whakaute mō ngā reo taketake o te ao. Nā te takunetanga o ngā mahere, nā ngā whakaritenga hoki e ahu mai ana i te ahurea, kei te puāwai te reo Māori i roto i te kura me te hapori whānui. Kei te pakari ngā tamariki ki te whakaputa māoriori nei i te reo Māori i roto i ngā taunekeneke o ia rā.

Ngā Iwi
E whiwhi ana ngā tamariki i ngā whai wāhitanga ako tūturu e tūhono ana i a rātou ki tō rātou ahurea me tō rātou taiao, ā, ka poipoi i te tino aronga toi whenuatanga me te tuakiri. Ka whai wāhi atu rātou ki ngā akoranga o te ao tūturu e tūhono ai i a rātou ki ō rātou whakapapa, ō rātou marae, ō rātou iwi, me ō rātou pepeha. Ka ako ngā tamariki i ngā kaupapa whakahirahira, pērā i Te Tiriti o Waitangi, te Arikitanga, me Te Kīngitanga, ā, he whai wāhitanga ēnei mō rātou ki te tūhura i te whai pānga o aua kaupapa ki tō rātou kura me tō rātou iwi. Ka hāpai ngā whānau, ngā kaumātua, me ngā mātanga o te takiwā nei i aua whakaakoranga, me te paihere haere o ngā tamariki i aua tino hononga ā-ahurea. Nā aua wheako, kei te mōhio ngā tamariki ki tō rātou tuakiri me tō rātou tūrangawaewae.

Te Ao
Ka whakamana te hōhonutanga me te whai pānga o ngā wheako i te tupu o ngā tamariki hei kaitiaki e whai kawenga ana i roto i ō rātou whānau, i tō rātou kura, ā, ki tua atu hoki. Ka kawe atu ngā tamariki i ngā tūranga kaitiaki ki roto i te kura, ā, ki waho atu hoki. Ka manaaki rātou i te taiao mā te mātauranga Māori me ngā tikanga, ā, ka whai wāhi atu rātou ki ngā tikanga wairua, pērā i ngā karakia e tūhono ana i a rātou ki te ao tūroa. Ka whakawhanake hoki ngā tamariki i ngā hononga ki ētahi atu kura me ētahi atu iwi, ā, he tūāhuatanga tēnei e hāpai ana i a rātou ki te whai māramatanga ki tō rātou tū ki te ao Māori me te ao whānui. Ka poipoi aua wheako i te ārahitanga, i te whai kawenga, me te tino whai pūtaketanga. Ka mahi ngā tamariki mā te pono me te whai tikanga, i a rātou e kawe ana i ngā tūranga kaitiakitanga i roto i te ao Māori me te ao whānui.

Ngā Āhuatanga Ako
Kei te whakahihiri ngā hōtaka akoranga e ahu mai ana i te ahurea, ā, ka aro nui hoki ki ngā ngākau nuitanga o ngā tamariki. Kei te whitawhita, kei te whai pūtake hoki ngā akoranga. E whakapakari ana ngā wheako ako ā-ahurea o ngā tamariki i ngā hononga ki a Ngāti Tūwharetoa, ki ngā wawata o ngā whānau, me ngā uara o Te Aho Matua. He pai te nui o ngā rauemi me te whakatakotoranga o ngā akomanga, hei hāpai i ngā tūmomo tāera ako. He tūāhuatanga tēnei e whakarato ana i ngā whai wāhitanga mō ngā tamariki ki te mahi takitahi, ki te mahi takirōpū rānei. Ka whai wāhi ngā paki ako ki te kapo atu i ngā wā ako me te whakapuaki i te ahu whakamua ki te taha o ngā whānau. Ka rongo ngā tamariki o te wharekura i te angitu i roto i Te Taumata Mātauranga ā-Motu kua Taea. E tohu ana ngā hōtuku o te tau 2024 i te whakatutukitanga o ngā tamariki 81.3% i te Taumata 1, i te 83.3% o ngā tamariki e whakatutuki ana i te Taumata 2, me te 71.4% o ngā tamariki e whakatutuki ana i te Taumata 3 o Te Taumata Mātauranga ā-Motu kua Taea. Tāpiri atu ki tēnā, o ngā tamariki i whai wāhi atu ki te Taumata 3 o Te Taumata Mātauranga ā-Motu kua Taea, e 61.9% i whiwhi anō hoki i te Tiwhikete Uru Whare Wānanga. E tautokona ana ngā tamariki o te wharekura ki te whakawhiti atu ki ngā whai wāhitanga ki tua atu i te kura. Ka hāpai anō hoki ngā huarahi – pērā i a Toi Ohomai me Gateway – i ngā akoranga e aro nui ana ki anamata. Kei te mātātoa, kei te ngana hoki ngā tamariki hei ākonga, ā, kei te eke angitu rātou i roto i te mātauranga.

Whānau Whakahaere
E pou here ana te whanaungatanga i ngā mahi whakahaere a te whānau. Ko tētahi tūāhuatanga pakari ki Te Kura Kaupapa Māori o Whakarewa i te Reo ki Tūwharetoa, ko ngā mahi ārahi a ngā whānau, ā, ka mahi ngātahi ngā whānau me ngā kaimahi i roto i ngā ohu, kia whai wāhi atu ai rātou ki te ārahi i ngā whakataunga me te tautoko i ngā whakahaeretanga. I runga anō i te tauākī taketake o te kura, ka whakamōhiotia te mahere rautaki ki ngā wawata o ngā whānau, ā, ka aro nui ki te whakatinanatanga o ngā tamariki i ō rātou tino pūmanawa. Ka whakamanahia te reo o ngā whānau, ā, ka kitea ki ngā mahere, ngā kaupapa here, me ngā kaupapa mahi o te kura. Kawe mai ai rātou i te tangongitanga o ngā pūkenga me ngā mōhiotanga, ā, ka hāpai tā rātou ārahitanga i te taiao o te kura e whakatairanga ana i ngā uara o te katoa me ngā mātāpono o Te Aho Matua. Kua kōkirihia e te tumuaki ngā arotake rautaki, hei whakapakari i ngā pūnaha me ngā mahere, mā te tautoko hoki o ngā whānau. E whakakoia ana te aronga ngātahi i te kite ā-kanohi i ngā whānau, i ā rātou mahi ārahi anō hoki, puta noa i ngā wāhanga katoa o te kura. Ka tupu te manawa whakahī o ngā tamariki, ā, e hāpaitia ana nā te whai wāhi nui mai me te ārahitanga o ngā whānau i roto i te kura.

Ngā Whakaritenga Matua ka whai ake

Me titiro ki te ahu whakamua me ngā whakatutukitanga. Kua tautuhia e te kura e tika ana kia whakawhanakehia ngā pūnaha mārama mō te whakaemi me te tātari i te ahu whakamua me ngā mōhiohio paetae e pā ana ki ngā tamariki o ngā tau 1 ki te 10. I tēnei wā, kāhore i te tino pakari te aromatawai, te whakatakoto, me te aroturuki i te ahu whakamua me ngā paetae o aua tamariki. He whāiti ngā mōhiohio e whakaemihia ana, ā, kāhore e tautuhi ana, e arotahi ana rānei ki ngā matea o ngā tamariki, ki ngā wāhanga rānei o te marau e tohu ana i ngā rerekētanga, ā, kāhore rānei e whakatakoto ana i ngā taumata teitei e whakatere ai i te ahu whakamua o ngā tamariki hei hāpai ake. He wā pai tēnei mō ngā pou ārahi ki te whakawhanake i roto i ngā marama e ono ka whai ake, i tētahi tino tukanga ka whakarato i ngā mōhiohio e pā ana ki te ahu whakamua me ngā paetae o te kura. Ka whakatairangatia te ahu whakamua, ngā paetae, me te angitu o ngā tamariki, mā te whakapaitanga ake o ngā mahi aromatawai.

5 Te Whakatau a te Poari ki ngā Wāhanga Tautukunga

I mua atu i te aromātai i whakatutukihia e te poari me te tumuaki he Tauāki Kupu Tūturu a te Whānau Ngā Kura Kaupapa Māori Te Aho Matua mā Te Tari Arotake Mātauranga, me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga me te tiwhiketetanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura

Tiwana Hibbs
Toka ā Nuku - Director
Te Uepū ā-Motu – Māori Review Services

10 Hakihea, 2025

6  Ngā kōrero e pā ana ki te Kura 

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi.

2 Context

“Mātuarautia ngā tamariki kia tū pakari, tū rangatira hei raukura mō te iwi.”

Te Kura Kaupapa Māori o Whakarewa I Te Reo Ki Tūwharetoa is located in Taupō and provides kaupapa Māori education for Year 1 to 13 tamariki, guided by the principles of Te Aho Matua. In 2025, the kura began the year under new leadership, welcoming a new tumuaki who is a founding raukura of the kura.

3 Evaluation Focus

How well do ākonga demonstrate the kura whakataukī in their daily practices, relationships, and aspirations?

Tamariki are confident and responsive learners who are supported to reach their full potential.

4 Findings

Te Ira Tangata
Tamariki experience learning that nurtures their holistic wellbeing. Kaiako support tamariki to grow their physical, emotional, spiritual, and intellectual being through learning that is grounded in tikanga and guided by the kura values. Approaches like Poutiria te Aroha and Mauri Ora support kaiako to build strong relationships and respond to the emotional needs of each tamaiti. This is evident through the positive and caring interactions between tamariki, kaiako, and whānau. Whānau and kaiako work together to support tamariki to explore their strengths and aspirations in ways that reflect their identity. Tamariki are confident and supported in their identity and wellbeing.

Te Reo
Tamariki learn in an environment that prioritises te reo Māori. The kura whānau and kaiako demonstrate a deep and sustained commitment to te reo Māori. This is evident through the strong connections the kura has with marae, hapū, iwi, and the wider taiao. Te reo Māori is woven into all aspects of the kura, guided by a clear vision for its revitalisation and sustained use across generations. The kura honours te wairua o te reo, recognising both te reo o te tangata and te reo o te taiao, and supports tamariki to understand and engage with these distinctions. High-quality reo is modelled by kaiako, whānau, and kaimahi, and teaching strategies are tailored to the needs of tamariki. Furthermore, the kura embraces indigenous language exchange, fostering respect for reo taketake across the world. Through deliberate planning and culturally grounded practice, te reo Māori flourishes within the kura and its wider community. Tamariki confidently and naturally use te reo Māori in everyday interactions.

Ngā Iwi
Tamariki experience authentic learning opportunities that expose them to their cultural connections and surroundings, nurturing a strong sense of belonging and identity. They take part in real-life learning that connects them to their whakapapa, marae, iwi, and pepeha. Tamariki learn about kaupapa of significance, such as Te Tiriti o Waitangi, Arikitanga, and the Kiingitanga, which provide opportunities for them to explore the relevance of these kaupapa to their kura and iwi. Whānau, kaumātua, and local experts support this learning, helping tamariki build strong cultural connections. As a result of these experiences, tamariki know who they are and where they are from.

Te Ao
Rich and relevant experiences empower tamariki to grow as responsible kaitiaki within their whānau, kura, and beyond. Tamariki take on kaitiaki roles both inside and outside the kura. They care for the environment using mātauranga Māori and tikanga, and they participate in spiritual practices such as karakia, which connects them to the natural world. Tamariki also develop relationships with other kura and iwi, helping them understand their place in te ao Māori and te ao whānui. These experiences foster leadership, responsibility, and a strong sense of purpose. Tamariki act with integrity and purpose as they assume kaitiakitanga roles in both te ao Māori and te ao whānui.

Āhuatanga Ako
Learning programmes are engaging, culturally grounded, and responsive to the interests of tamariki. Learning is exciting and meaningful. Cultural learning experiences strengthen tamariki connections to Ngāti Tūwharetoa, aspirations held by whānau, and the values of Te Aho Matua. Akomanga are well-resourced and designed to support different learning styles. This provides opportunities for tamariki to work independently or in groups. Pakiako help capture learning moments and share progress with whānau. Tamariki in the wharekura experience success in National Certificate of Educational Achievement (NCEA). The 2024 data shows that 81.3% tamariki achieved NCEA Level 1, with 83.3% tamariki achieving NCEA Level 2 and 71.4% of tamariki achieving NCEA Level 3. Furthermore, of the tamariki that participated in NCEA Level 3, 61.9% also attained University Entrance. Tamariki in the wharekura are supported to transition to opportunities beyond kura. Pathways such as Toi Ohomai and Gateway further support future-focused learning. Tamariki are active and engaged learners who achieve educational success.

Whānau Whakahaere
Whanaungatanga underpins whānau whakahaere practices. Whānau leadership is a defining strength of Te Kura Kaupapa Māori o Whakarewa I Te Reo Ki Tūwharetoa, with whānau and kaimahi working collaboratively in Ohu to help guide decisions and support operations. In line with the kura mission, the strategic plan informed by whānau aspirations, has an emphasis on tamariki reaching their full potential. Whānau voice is valued and reflected in kura planning, policies, and events. They bring a wide range of skills and knowledge, and their leadership helps shape a kura environment that reflects shared values and the principles of Te Aho Matua. The tumuaki has initiated strategic reviews to strengthen systems and planning, with the support of whānau. The collective approach affirms the visible presence and leadership of whānau across all levels of the kura. Tamariki grow with pride supported by the visible presence and guidance of whānau within the kura.

Key Next Steps

Progress and achievement requires attention. The kura has identified the need to develop clear processes for gathering and analysing tamariki progress and achievement information from Years 1 to 10. Currently assessing, collating, and monitoring the progress and achievement for these tamariki lacks rigour. The limited information collated does not identify or focus on the needs of tamariki, the curriculum areas where disparities occur, or set high expectations for accelerating progress for tamariki who require it. It is timely for pou ārahi to develop a clear process that provides kura wide progress and achievement information within the next six months. Tamariki progress, achievement, and success will be enhanced through improved assessment practices.

5 Whānau Assurance on Legal Requirement

Before the review, the board of trustees and principal completed the ERO Ngā Kura Kaupapa Te Aho Matua Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance

Tiwana Hibbs 
Toka ā Nuku - Director
Te Uepū ā-Motu – Māori Review Services

10 December 2025

6 Information about the Kura