TKK Motuhake o Tawhiuau

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

Ko Ngāti Manawa te iwi

Ko Ngāti Hui, Ngāti Koro, Moewhare, Ngāi Tokowaru ngā hapū,

Ko Rangitihi, Painoaiho, Moewhare, Tīpapa ngā marae.

E tū ana Te Kura Kaupapa Motuhake o Tawhiuau ki te tāone iti o Murupara. E poipoi ana te kura i ngā uri o ngā tau 1 ki te 13. Nō te tau 2000 te kura i whakatūngia ai hei kura āhuatanga motuhake e whakarato ana i te mātauranga rumaki reo Māori, mā te aro nui ki ngā wawata o Ngāti Manawa. Koia nei te kura ā-iwi tuatahi i Aotearoa, ā, e whakamana nui ana i te whai pānga o te tukuihotanga ki te waiora o ngā uri, ngā whānau, me ngā hapū. He hou te rōpū ārahi, ā, i tū ai nō muri mai i te pūrongo arotake a Te Tari Arotake Mātauranga i te Hakihea o te tau 2015. Kei te ārahi tonuhia, kei te tautoko tonuhia rātou e te Poutohutohu Poutoko, ā, he whānui, he hōhonu hoki ōna mātauranga e pā ana ki a Ngāti Manawa.

3 Te Aronga o te Aromātai

He pēhea rawa te whakaatu mai a ngā uri i tō rātou mana motuhake ā-hinengaro, ā-mātauranga hoki?

Ka tū ngā ākonga hei uri o Ngāti Manawa, ā, he ngākau titikaha ō rātou ki te whakaatu i tō rātou mana motuhake ā-hinengaro, ā-mātauranga hoki mā te whānuitanga o ngā tūmomo horopaki.

4 Ngā Whakaaturanga

E hāngai pū ana te marau ā-kura ki a Ngāti Manawa, ka arotahi hoki ki te tukuihotanga, ā, kua whakahāngaitia ki Te Marautanga o Aotearoa me te New Zealand Curriculum. Ko ‘Mōku te Awatea’ te marau ā-kura, ā, kua whai wāhi nui ki te whakamana i te toro atu a ngā uri ki ngā mātauranga o Ngāti Manawa. Ka noho whakapū te Poutohutohu Poutoko ki te whakawhanaketanga o te marau ā-kura, hei tiaki i te Ngāti Manawatanga me te iwi. E pou here ana te whanaungatanga me te manaakitanga ki ngā hononga katoa, ā, ka whai pānga nui ki te ao o ngā uri i ia rā. Ka whai wāhi atu ngā uri ki tētahi taiao ako tūturu me ngā wheako i whakamaheretia ai hei āta whakarangatira i ngā tūāhuatanga o te Ngāti Manawatanga me te reo Māori. Ko ngā marae e whā o Ngāti Manawa, me ngā taiao e pā tata mai ana, koia hoki ko te taiao ako e whakarato ana i ngā whai wāhitanga mō ngā uri ki te ako mā ngā horopaki tūturu e whai pūtake ana.

Ko ngā kaiārahi me ngā pouako, he mātanga e whai whakaaro nui ana, e mahi urutau ana hoki. Kua whai wāhi atu ngā aronga auaha ki te ako tonu a ngā uri i te wā o mate urutā o te KOWHEORI-19. Kei tēnā uri, kei tēnā uri, tāna ake mahere ako e kīia ana ko Tōku Huarahi Motuhake, ā, kua whakahāngaitia ki ō rātou pūmanawa, ō rātou ngākau nuitanga, me ō rātou matea. Ka hāpai ngā pouako i te uri ki te whakawhanake i ngā pūkenga me ngā rautaki ki te kōkiri i tāna ake ako, mai i tōna tamarikitanga tonu. Kei te kaha haere ngā uri ki te āta whakatau -mā te whai mōhiohio - i ngā tū whakaritenga e hāpai ake ai i tō rātou whakawhanake whaiaro tonu, i tā rātou ako tonu.

Ka whai wāhi atu ngā uri ki tētahi marau e hāpai ana i a rātou ki te puāwai hei uri o Ngāti Manawa e tino mātau ana ki ngā taonga tuku iho. E āta poipoi ana te taiao o te kura i te ako, ā, ka whakariterite i ngā uri mō ngā whai wāhitanga me ngā kawenga o anamata. I te nuinga o te wā, kei te ahu whakamua ngā uri o te kura pōtiki, ā, he pai ā rātou whakatutukitanga o ngā wāhanga matua o te marau. E mōhio ana ngā kaiārahi, e tika ana kia whakapaitia ngā putanga i roto i te pāngarau, ā, kua whakatakotohia ngā rautaki ka hāpai i te angitu o ngā uri. Ka eke panuku ngā uri i roto i Te Taumata Mātauranga ā-Motu kua Taea, ā, ka riro i te tokomaha o rātou ngā whakamanatanga. I tino kitea taua tūāhuatanga i te tau 2020, i te wā o te tauwhatinga ki te ako nā te mate urutā o te KOWHEORI-19. He kawatau kia riro i ngā uri katoa te Tiwhikete Whakauru Whare Wānanga. He tokomaha ngā uri i whiwhi i taua tohu i te tau 2021. Ka whakakanohi ngā uri tuākana i a Ngāti Manawa, puta noa i te rohe me te ao. Kua whai pūkenga rātou ki te kawe atu ā tōna wā i ngā tūranga ārahi o roto i ō rātou whānau, ō rātou hapū, me ō rātou iwi. He ngākau titikaha ō ngā uri tuākana ki te whakariterite i ō rātou pae tata me ō rātou pae tawhiti kei tua atu i te kura.

E hāpai ana te marau ā-kura i ngā uri ki te whai māramatanga, me te toro atu hoki ki te whakahirahiratanga o te tū hei ‘Hononga ā-Iwi Taketake – Indigenous people of the world.’  Mai i te tau 2009, kua whai wāhi atu ngā uri ki ngā hononga ako tauutuutu ki ētahi atu hapori o ngā iwi taketake, puta noa i te ao. Kua ako, kua whai wāhi atu hoki ngā uri ki te whakarauoratanga o te reo me te ahurea o Aynu. I te tau 2020, i whiwhi ētahi i Te Taumata Mātauranga ā-Motu kua Taea Taumata 2 me ngā whakamanatanga mō te reo Hapanihi. Mai i te tau 2015, kua noho tahi ngā whānau o Hapani, arā, i Nibutani, i Biratori, me Tomakomai, ki ngā whānau o te kura. He whai wāhitanga hōhonu, he whai wāhitanga tūturu hoki ki te ako me te tiri i ngā whakapono me ngā tikanga ā-ahurea. Ka noho whakaute ngā uri me ō rātou hoa Hapanihi ki ngā ahurea me ngā whakapono, ā, ka whakawhanake i te ngākau titikaha me te mātau hoki i roto i te reo Māori me te reo Hapanihi.

Ko te whanaungatanga me ngā tikanga a Ngāti Manawa, e pou here ana i te whakawhanaketanga o te kura. Kua āta kōkiri, kua whai rautaki nahanaha hoki te Poutohutohu Poutoko ki te whakarite i tētahi tauira e whakatōpū ana i te tauatanga. E arahina ana te kura e ngā tumuaki tokorua, ā, he nui ō rāua tūmanako, puta noa i ngā wāhanga katoa o te kura. Ko Pouārahi te rōpū ārahi hou, ā, ka whai wāhi ngā tumuaki tokorua me te kaiārahi o te kura pōtiki ki taua rōpū. Ka whakatairanga rātou i te whakaritenga ngaio, i te tū ngaio, ā, nā tēnā ka riro i ngā uri o Ngāti Manawa ngā putanga e whai hua ana. Ko te huarahi me te aronga o ngā rautaki me te marau, kua whakahāngaitia ki ngā wawata o Ngāti Manawa. Ka aro nui ngā whakataunga me ngā mahi ki ngā matea o ngā uri. Ka tino whakaaro huritao ngā pouārahi, ā, ka aro nui ki te whakapai tonutanga. E whai hua ana, he matawhānui hoki ngā pūnaha me ngā tukanga i whakatakotohia ai mō te arotakenga i ia te wā i te kounga o ngā whakaakoranga me ngā akoranga. Ko te waiora o ngā uri o Ngāti Manawa, ko tō rātou whakawhanaketanga hoki hei ākonga pakari i roto i te tukuihotanga, te pāngarau, me te reo matatini, e kōkiri ana i ngā whakataunga.

Ngā Whakaritenga Matua ka whai ake 

Kei te haere tonu te whakapakaritanga o ngā whakaritenga kāwana, i ngā mema hou e ako haere ana i ō rātou hononga me ā rātou kawenga. He manu pīrere rātou, nō reira kei te waia rātou, kei te noho ngākau titikaha hoki rātou ki te motuhaketanga o te kaupapa a Ngāti Manawa. Ka whai pānga nui rātou ki te mahere rautaki a te kura mō te tauatanga. Engari, me whai tonu rātou i te whakangungu me te tautoko e pā ana ki te kāwana, i runga tonu i te āhua e tika ana mō Ngāti Manawa. He tino pakari te tuakiri o ngā uri, me tō rātou hononga hoki ki a Ngāti Manawa.

Ki tā Te Tari Arotake Mātauranga, ahakoa kua tau te tatauranga o ngā ākonga ki te kura i ngā tau tata kua pahure ake nei, ka akiaki tonu mātou i Te Poumarumaru ki te whai whakaaro ki ngā rautaki e hāpai ai i ngā uri katoa o Ngāti Manawa ki te whai i te mātauranga o Ngāti Manawa, ā, kia whakaakona hoki e Ngāti Manawa.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)

• te haumaru ā-tinana o ngā ākonga

• te rēhitatanga o ngā pouako

• ngā tukanga ki te whakatū kaimahi

• te whakaunu, te aukati, te pana me te whakarerenga

• te tae ā-tinana atu a ngā ākonga ki te kura

• ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.

6 Te Taunakitanga

I whakawhanakehia e Te Tari Arotake Mātauranga me te poari o te kura te taunakitanga e whai ake nei, arā, kia:

• mahi ngātahi tonu te kura me te whānau kia ū tonu ai ngā putanga e whai hua ana ki te katoa o ngā uri o Ngāti Manawa.

Rita Walker
Toka ā Nuku Whakakapi
Te Uepū-a-Motu – Māori Services

4 Whiringa ā-nuku, 2022

7 Ngā kōrero e pā ana ki te Kōhanga

Te tūwāhi	Kei Murupara
Te tau a te Tāhuhu o te Mātauranga	463
Te tūmomo kura	He kura hiato Tau 1-13
Te tokomaha o ngā ākonga o te kura	70
Ngā hononga ā-iwi	Māori 70
Ngā āhuatanga motuhake	He āhuatanga motuhake – Ngāti Manawatanga
Te wā i te kura te rōpū arotake	Pipiri  2022
Te wā o tēnei pūrongo	4 Whiringa ā-nuku, 2022
Ngā pūrongo o mua a Te Tari Arotake Mātauranga	Arotake Mātauranga, Hakihea 2015; Arotake Mātauranga, Poutū-te-rangi 2010; Arotake Mātauranga, Pipiri 2005

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for whānau, hapū and iwi.

2 Context

Ko Ngāti Manawa te iwi
Ko Ngāti Hui, Ngāti Koro, Moewhare, Ngāi Tokowaru ngā hapū,
Ko Rangitahi, Painoaiho, Moewhare, Tīpapa ngā marae.

Te Kura Kaupapa Motuhake o Tawhiuau is in the small town of Murupara. The kura caters for uri in Years 1-13. The kura was established in 2000 as a designated character school offering Māori medium education responsive to the aspirations of Ngāti Manawa. It was the first Kura ā Iwi in Aotearoa, emphasising the significance of culturalcy to uri, whānau and hapū wellbeing. A new leadership team is in place since ERO’s December 2015 review report. They continue to be guided and supported by the Poutohutohu Poutoko who has extensive depth of knowledge in and of Ngāti Manawa.

3 Evaluation Focus

How well do uri demonstrate intellectual and academic independence?

Uri, as Ngāti Manawa, confidently demonstrate intellectual and academic independence in a wide range of contexts.

4 Findings

The local curriculum is Ngāti Manawa centric, focused on culturalcy and aligns with Te Mārautanga o Aotearoa and The New Zealand Curriculum. The localised curriculum ‘Mōku te Awatea’ has been instrumental in empowering uri to access the mātauranga of Ngāti Manawa. The Poutohutohu Poutoko was fundamental to the development of the marau ā kura to preserve Ngāti Manawatanga and the people. Whanaungatanga and manaakitanga underpin all relationships and are an integral part of uri daily life. Uri engage in a physical learning environment and planned experiences highly nuanced in Ngāti Manawatanga and te reo Māori. The four marae of Ngāti Manawa and local surroundings are an important extension of the learning environment and provide uri the opportunity to learn in rich meaningful authentic contexts.

Leaders and pouako are considered and adaptive practitioners. Innovative approaches have contributed to continuity of learning for uri during the COVID-19 pandemic. All uri have appropriate individualised learning plans, Tōku Huarahi Motuhake, based on their strengths, interests and needs. Pouako support uri to develop skills and strategies for self-led learning from a very early age. Increasingly, uri can make informed decisions favourable to their ongoing personal development and learning.

Uri experience a curriculum that allows them to flourish as highly culturate descendants of Ngāti Manawa. The kura environment is highly conducive to learning and prepares uri for future opportunities and responsibilities. Uri in the kura pōtiki generally progress and achieve well in core curriculum areas. Leaders recognise the need to improve outcomes in Pāngarau and strategies are in place to support uri success. Uri achieve exceptionally well in National Certificates in Educational Achievement (NCEA), with many gaining endorsements. This was particularly noticeable during 2020 at a time when schooling was disrupted by the COVID-19 pandemic. There is an expectation for all uri to attain University Entrance. Several uri gained this qualification in 2021. Senior uri are Ngāti Manawa ambassadors locally and internationally. They are well equipped to take up future leadership roles within their whānau, hapū and iwi. Senior uri confidently plan for their future beyond kura.

The kura curriculum supports uri to understand and experience the importance of being ‘Hononga ā-Iwi Taketake – Indigenous people of the world’. From as early as 2009 uri have been involved in reciprocal learning relationships with other indigenous communities across the globe. Uri have learnt about and played a part in the revitalisation of the Aynu language and culture. Some gained NCEA Level 2 Japanese with endorsements in 2020. Since 2015 whānau from Nibutani, Biratori and Tomakomai Japan and the kura have engaged in reciprocal exchanges. These have provided rich and authentic opportunities for learning and sharing of cultural beliefs and practices. Uri, and their Japanese peers, are respectful of cultures and beliefs, and develop confidence and competence in te reo Māori and Japanese.

Whanaungatanga and Ngāti Manawa practices underpin the kura evolution. The Poutohutohu Poutoko has been deliberate and strategic in establishing a collaborative succession model. The kura is led by dual tumuaki who hold high expectations across all areas. The new leadership team Pouārahi, consists of both tumuaki and the kura pōtiki leader. They promote professional practice and conduct that result in positive outcomes for uri of Ngāti Manawa. Strategic and curriculum direction and focus is aligned to the aspirations of Ngāti Manawa. Decisions and actions are responsive to uri needs. Pouārahi are highly reflective with an emphasis on continuous improvement. There are efficient comprehensive systems and processes in place for regular review of the quality of teaching and learning. Ngāti Manawa uri wellbeing and their development as confident culturate, numerate and literate learners drive decision making.

Key Next Steps

Governance practice continue to strengthen as new members learn more about their roles and responsibilities. As manu pīrere, they are familiar and confident in the uniqueness of their Ngāti Manawa Kaupapa. They are an integral part of the kura strategic succession plan. However, they will require governance training and support appropriate to Ngāti Manawa. Uri have a strong sense of identity and belonging as Ngāti Manawa.

ERO recognises while the kura roll has remained stable in recent years we encourage the poumarumaru to consider strategies that will support all uri of Ngāti Manawa to be educated in and by Ngāti Manawa.

5 Assurance on Legal Requirements

During the evaluation, ERO checked at the following areas:

• emotional safety of students (including prevention of bullying and sexual harassment)

• physical safety of students

• teacher registration

• processes for appointing staff

• stand-downs, suspensions, expulsions, and exclusions

• attendance

• school policies in relation to meeting the requirements of the Children’s Act 2014.

6 Recommendation

ERO and the kura board developed the following recommendation:

• the kura and whānau continue to work collaboratively to maintain positive outcomes for all Ngāti Manawa uri.

Rita Walker
Acting Toka-ā-Nuku – Director
Te Uepū ā-Motu – Māori Review Services

4 October 2022

7 Information about the Kura

Location	Murupara
Ministry of Education profile number	463
Kura type	Composite (Years 1-13)
Kura roll	70
Ethnic composition	Māori 70
Special features	Designated Character – Ngāti Manawatanga
Review team on site	June 2022
Date of this report	4 October 2022
Most recent ERO report(s)	Education Review, December 2015; Education Review, March 2010; Education Review, June 2005