Review 19 April 2024
Latest1 He Kupu Arataki
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū me ngā iwi.
2 Te Horopaki
E Tūwharetoa e!
Kia āta whakatere i te waka kei pariparia e te tai mōnenehu.
Whakamārotia atu anō ka whakahoki mai ana ki te kapua whakapipi.
Ka mate kāinga tahi, ka ora kāinga rua.
E tū ana Te Kura o Hīrangi ki Tūrangi, ki te taha o te marae o Hīrangi. Kei raro te kura i te maru o Ngā Kura ā Iwi o Aotearoa, ā, e whakarato ana i te mātauranga rumaki reo Māori ki ngā uri o ngā tau 1 ki te 13. He kura e tū manawa whakahī ana hei kura o Ngāti Tūwharetoa, ā, ka whakahono i tā rātou marau ki tō rātou tupuna rangatira, ki a Ngātoroirangi.
3 Te Aronga o te Aromātai
He pēhea rawa te whakaatu mai a ngā uri i tō rātou mātau ā-tinana, ā-whatumanawa, ā-tangata hoki?
Ka kitea ki ngā uri tō rātou ngākau titikaha, tō rātou mātau, me tā rātou eke angitu hei uri o Ngātoroirangi.
4 Ngā Whakaaturanga
E rumakina ana ngā uri ki te hōhonutanga o te marau e whai pānga nui ana, ā, e hāngai pū ana ki a Ngātoroirangi. He pai te whakariterite a ngā kaiako, ā, ka whakaongaonga ngā akoranga i roto i ngā akomanga i te ngana o ngā uri ki te ako. Ka whakamahi ngā kaiako i te tangongitanga o ngā rautaki whakaako e whai hua ana ki te whakapuaki me te whakanikoniko i te reo Māori e whakatairanga ana i te whai wāhi atu a ngā uri ki ngā akoranga. Kua tīmatahia e te whānau o te kura te whakaōkawa tētahi rautaki e pā ana ki te reo Māori, ā, e mahi ngātahi ana me Ngā Kura ā Iwi o Aotearoa. Ko ngā huringa tupu ngaio me te whakawhanaketanga ako ngaio o ngā kaiako, e arotahi ana ki te whakapakari i ngā whakaritenga e aro nui ai ki ngā matea ako o ngā uri.
Ko ngā mahinga i āta whakatōngia ai me ngā tūmanako nui, e tautoko ana i ngā uri, ā, e tahuri ana hoki i a rātou ki te ako. Ko te pakari o ngā hononga e noho mātua ana ki ngā putanga e whai painga ana. Kua rumakina ngā uri ki te tangongitanga o ngā whai wāhitanga ako hōhonu e whakanui ana i te pitomata torowhānui o ngā uri katoa. Ko te mātauranga e pā ana ki te maramataka, e whakapakari ana i ngā hononga o ngā uri ki te Ngāti Tūwharetoatanga.
E hāpaitia ana ngā ākonga o te wharekura e ngā kaiako mātau e mahi ngātahi ana ki te whakarato i tētahi hōtaka i āta whakamaheretia ai, i āta whakapuakihia ai, ki te taumata me ngā horopaki hoki e tika ana mō ngā kaiuru o Te Taumata Mātauranga ā-Motu kua Taea. Ka tīmata ngā uri ki te whai i Te Taumata Mātauranga ā-Motu kua Taea i ngā tau 9 me te 10. E tohu ana ngā hōtuku o Te Taumata Mātauranga ā-Motu kua Taea mō te tau 2023, kei te whakatutuki te nuinga o ngā uri i te Taumata 1, te Taumata 2, me te Taumata 3. E whanake ana ngā uri o Ngātoroirangi hei kaikōrero pakari o te reo Māori.
Ka hāngai pū a Ngātoroirangi ki ngā putanga whai hua, putanga angitu hoki o ngā uri. Ka mahi ngātahi te whānau me Te Poumarumaru ki te whakatinana i ngā wawata, i ngā whāinga kua whakapuakihia, me ngā uara o te kura. He tino aronga ki a Ngātoroirangi me te Ngāti Tūwharetoatanga. Kei roto i Te Poumarumaru, ko ētahi mema o te whānau, o te hapū, me te iwi. Ka kawe mai rātou i te tangongitanga o ngā pūkenga, ngā mōhiotanga, me ngā wheako e whai hua ana ki ō rātou tūranga me ā rātou kawenga. Kei te mārama ki a rātou i tēnā e mōhiotia ana, e mahia ana hoki e rātou, i te pūtake hoki o aua mahi. Ka whai wāhi te whakaaro huritao me te aromātai ki ngā whakataunga, ā, ka aro nui ērā ki ngā matea o ngā uri, ngā whānau, ngā hapū, me ngā iwi. Ko ngā pūnaha me ngā tukanga whai hua i āta whakatōngia ai, ko te kaha o te ārahi tautoko a te hunga tautōhito ake, ko ngā akoranga anō hoki a Ngā Kura ā Iwi o Aotearoa, e whakapakari katoa ana i ngā pūkenga o ngā poumarumaru. He pai te whakahaere i te huringa tupu ngaio a te tumuaki, ā, e hāpai ana i te tupu tonutanga. Ka āta ārahi ngā kaupapa here me ngā tukanga i ngā whakaritenga, ā, ka whakatairanga i te hauora, te haumaru, me te waiora o ngā uri. He ngākau titikaha, he mātau hoki ngā ākonga hei uri o Ngātoroirangi.
Kei te mātau, kei te tautōhito, kei te whai hua hoki ngā kaiārahi. Kua whakatōngia te whanaungatanga, te whakawhirinakitanga, te whakaute, me te aroha ki ngā mahi ārahi. Ko te whakatauira i ngā mahi ārahi papai, e whakatairanga ana i te whakawhanaketanga o te ārahitanga whai hua, puta noa i te hapori katoa o te kura. Ka kapo atu i te tangongitanga o ngā whai wāhitanga hōhonu, hei whakatinana, hei whakamahine hoki i ngā pūmanawa ārahi i ngā horopaki tūturu. Kua āta tohaina atu ngā tūranga ārahi me ngā kawenga ārahi, hei whakapakari ake, hei āta toro atu hoki ki ngā pūkenga o ngā kaiako katoa. Ka ākina, ka whakanuia te whai wāhi mai a te whānau, a te hapū, a te iwi hoki i ia te wā ki ngā whakataunga e pā ana ki te kura. Ka poipoia, ka ahuahutia ngā uri hei kaiārahi o Ngāti Tūwharetoa ki anamata.
Ngā Whakaritenga Matua ka whai ake
Me titiro ki ngā whakaritenga aromatawai ki te kura whānui. Me whakapakari ake ngā kaiako o ngā tau 1 ki te 7 i tō rātou māramatanga ki te whakaemi, te tātari, te whakaōrite, te aromātai, me te whakamahi i ngā hōtuku aromatawai mātauranga kia whai hua ai, kia riterite ai. He mea nui, kia tautuhi ngā paetae ākonga i ngā matea o ia ākonga, o ngā rōpū ākonga hoki, hei pou here i ngā mahere ka whai ake. Me kaha ake ngā tukanga e pā ana ki te whakaōrite, hei āta whakatau i te kounga o ngā whakaurunga e pā ana ki Te Taumata Mātauranga ā-Motu kua Taea. Mā tēnā, ko te whakatakoto me te aroturuki i ngā taumata, me te arotahi o ērā ki te whakatere i te ahu whakamua me ngā paetae o ngā uri e tika ana, ka whai hua ake, ka whai pūtake ake. Ko te pakari me te tika o te aromatawai ka whakatairanga i te eke angitu o ngā uri i roto i te mātauranga.
5 Te Whakatau ki ngā Wāhanga Tautukunga
I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:
- te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
- te haumaru ā-tinana o ngā ākonga
- te rēhitatanga o ngā kaiako
- ngā tukanga ki te whakatū kaimahi
- te whakaunu, te aukati, te pana me te whakarerenga
- te tae ā-tinana atu a ngā ākonga ki te kura
- ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.
6 Te Taunakitanga
E taunaki ana Te Tari Arotake Mātauranga me te tumuaki, kia whakawhanakehia, kia whakatinanahia hoki tētahi mahere whakapai e whakatutuki ai i ngā whakaritenga matua i tautuhia ai ki tēnei pūrongo kia whāia.
Darcy Te Hau
Toka ā Nuku
Te Uepū-a-Motu – Māori Services
19 Paengawhāwhā, 2024
7 Ngā kōrero e pā ana ki te kura
Te tūwāhi Kei TūrangiTe tau a te Tāhuhu o te Mātauranga 497Te tūmomo kuraHe kura hiato Tau 1-13Te tokomaha o ngā ākonga o te kura278Ngā hononga ā-iwiMāori 99%, Iwi kē 1%Ngā āhuatanga motuhakeNgā Kura ā Iwi Te wā i te kura te rōpū arotakeHui-tanguru 2024Te wā o tēnei pūrongo 19 Paengawhāwhā 2024Ngā pūrongo o mua aTe Tari Arotake Mātauranga
Arotake Mātauranga, Kohi-tātea 2020;
Arotake Mātauranga, Hakihea 2015;
Arotake Mātauranga, Poutū-te-rangi 2011
1 Introduction
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.
2 Context
E Tūwharetoa e!
Kia āta whakatere i te waka kei pariparia e te tai mōnenehu.
Whakamārotia atu anō ka whakahoki mai ana ki te kapua whakapipi.
Ka mate kāinga tahi, ka ora kāinga rua.
Te Kura o Hirangi is in Tūrangi and is located next to Te Marae o Hīrangi. The kura affiliates to Ngā Kura ā Iwi (NKAI) and provides Māori Medium education for uri in Years 1–13. The kura are proudly Ngāti Tūwharetoa and link their curriculum to their distinguished ancestor Ngātoroirangi.
3 Evaluation Focus
How well do uri demonstrate they are physically, emotionally and socially intelligent?
Uri demonstrate that they are confident, competent and successful as descendants of Ngātoroirangi.
4 Findings
Uri are immersed in a rich and relevant Ngātoroirangi centric curriculum. Kaiako are well prepared and classroom lessons stimulate uri engagement. Kaiako use a variety of quality effective teaching strategies to deliver and enrich te reo Māori that enhances uri engagement in learning. The kura whānau is in the initial stages of formalising a Te Reo Māori Strategy in collaboration with NKAI. Kaiako professional growth cycles and professional learning and development focuses on strengthening practice to respond to the learning needs of uri.
Well embedded routines and high expectations support and engage uri in learning. Strong relationships are key to successful valued outcomes. Uri are immersed in a variety of rich learning opportunities that maximise the holistic potential of all uri. Maramataka mārautanga strengthens uri connections to Ngāti Tūwharetoatanga.
Wharekura students are supported by capable kaiako who collaborate to provide a well-planned and delivered programme appropriate to the level and context of their National Certificates of Educational Achievement participants. Uri begin their NCEA journey in Years 9 and 10. The 2023 NCEA data shows that most uri achieved NCEA Levels 1, 2 and 3. Uri of Ngātoroirangi are developing as confident speakers of te reo Māori.
Ngātoroirangi is fundamental to successful valued outcomes for uri. Whānau and poumarumaru work collectively to realise the kura aspirations, articulated goals and values. There is a clear emphasis on Ngātoroirangi and Ngāti Tūwharetoatanga. The poumarumaru is made of members from the whānau, hapū and iwi. They contribute a range of valuable skills, knowledge, and experience to their roles and responsibilities. They are clear about what they know, what they are doing and why they are doing it. Reflective and evaluative decision-making responds well to the needs of uri, whānau, hapū and iwi. Embedded effective systems and processes, strong mentorship by more experienced members and NKAI courses build poumarumaru capabilities. The professional growth cycle for the tumuaki is well managed and supports ongoing growth. Policies and procedures guide practice well, and they promote uri health, safety and wellbeing. Uri are confident and competent as descendants of Ngātoroirangi.
Leaders are competent, experienced and effective. Whanaungatanga, trust, respect and aroha are embedded in leadership practice. Role modelling good leadership practice promotes effective leadership being developed across the whole kura community. A variety of rich opportunities are taken advantage of to apply and refine leadership attributes in real life contexts. Leadership roles and responsibilities have been deliberately decentralised and distributed to build and capitalise on the capabilities of all kaiako. Whānau, hapū and iwi regular contributions to kura decision-making is encouraged and valued. Uri are nurtured and shaped to be future leaders of Ngāti Tūwharetoa.
Key Next Steps
Schoolwide assessment practices require attention. Kaiako in Years 1-7 need to build their understanding of gathering, analysing, moderating, evaluating, and using academic assessment data effectively and consistently. It is vital that achievement data identifies the needs of individuals and cohorts to underpin future planning. Moderation needs better processes to ensure quality assurance of NCEA entries. Target setting and monitoring, focussed on accelerating the progress and achievement of uri who require this will be more useful and meaningful. Vigorous and valid assessment enhances uri academic achievement success.
5 Board Assurance on Legal Requirement
During the evaluation, ERO checked at the following areas:
- emotional safety of students (including prevention of bullying and sexual harassment)
- physical safety of students
- teacher registration
- processes for appointing staff
- stand-downs, suspensions, expulsions and exclusions
- attendance
- school policies in relation to meeting the requirements of the Children’s Act 2014.
6 Recommendation
ERO and the tumuaki recommends developing and implementing an improvement plan to address the key next steps in this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
19 April 2024