Te Wharekura o Te Kaokaoroa o Patetere

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.

2 Te Horopaki

Ko Ōraka te Awa
Ko Te Arawa, Tainui, Mātaatua ngā Waka
Ko Hautere te Maunga
Ko Ngāti Āhuru me Ngāti Mahana ngā Hapū
Ko Raukawa te Iwi
Ko Pātetere te Tupuna
Ko Te Kaokaoroa ki Pātetere te pou kōrero

E tū ana Te Wharekura o Te Kaokaoroa o Pātetere ki Pūtāruru. He kura hiato tēnei mō ngā tauira o ngā tau 1 ki te 13, ā, kua hono atu ki Ngā Kura ā Iwi o Aotearoa. E tautāwhi ana te kura i tō rātou Raukawatanga me tā rātou whai wāhi nui ki Te Kīngitanga. Kei te tino tupu tonu tā rātou whakawhanake i ngā whare, ā, i roto i ngā tau e rua kua hipa, kua whakatūngia tētahi whare hou o te wharekura, me te whare o te kōhanga reo.

3 Te Aronga o te Aromātai

He pēhea rawa te whakaatu mai a ngā tauira i tō rātou whai tukuihotanga me tā rātou whakaaweawe?

Ka kitea ki ngā tauira te pakari o tō rātou whai tukuihotanga mā tō rātou ngākau titikaha ki te whakamahi i te reo Māori, mā tō rātou māramatanga ki ngā tikanga, me tā rātou whai wāhi mātātoa atu ki ngā horopaki ako ā-iwi.

4 Ngā Whakaaturanga

‘Mahia te mahi’

Ka kitea ki ngā tauira te manawa whakahī mō tō rātou kura mā tā rātou whai wāhi mātātoa ki tētahi marau ā-kura e hāpai ai i a rātou ki whakamānawa me te whakapuaki anō hoki i a rātou anō hei Māori. Ko Tāpokotea te tirohanga rautaki a te kura, ā, e whanake tahi ana me te tupu me ngā wawata o te whānau, me ngā kaupapa matua a te kāwanatanga. Ko ngā kōrero tuku iho e pā ana ki a Tāwhaki me ngā tūpuna rangatira, ka tuituia puta noa i ngā āhuatanga katoa o ngā akoranga. E ākina ana te whakatinanatanga o ngā tauira i ngā pūmanawa o ngā tūpuna, me te whai māramatanga ki ngā wero i pā ki a rātou, ā, i te whai pānga o aua wheako ki te iwi i tēnei rā tonu. Kua whakatinanahia te marau ki ngā pou e whā, ā, ko te wawata ia kia tupu ngā tamariki ki te tū māia me te whai hononga hei tauira. Ko te mātauranga, ko ngā mahi a Rēhia, ko ngā hākinakina, me te whakatupuranga, he tūāpapa mō te whakawhanaketanga i te katoa o te tamaiti i a ia e whanake haere ana i te kura. Ka kitea ki ngā tauira tō rātou manawa whakahī mō te kura, mā tā rātou whai wāhi mātātoa ki ngā wheako e hāpai ai i a rātou ki te whakamānawa me te whakapuaki i a rātou anō hei Māori, ā, hei uri hoki o Ngāti Āhuru me Ngāti Mahana. Ko te tūturutanga me te whai pūtaketanga o ngā wheako ako pērā i te kapa haka, te Manu Kōrero, me ngā hākinakina, he whai wāhitanga mō ngā tauira ki te tūmāia ki te whakapuaki i a rātou anō. Kei te ngākau titikaha ngā tauira ki te whai wāhi atu ki te tangongitanga o ngā horopaki i te kura, i te hapori, me te ao whānui.

‘Kia mau ki te aka matua’

E rumakina ana ngā tauira ki tētahi taiao e kaha pupuri nei i te reo Māori, e āta whakatōngia ana ngā tikanga. E tautokona ana rātou e ngā kaimahi e whakapuaki ana i te hōhonutanga o ngā mōhiotanga ki ngā kaupapa nui, ngā wāhi, me ngā tāngata o nehe. E tino whakatauira ana ngā mātanga reo i te matatau ki te reo Māori i te kura, i te marae, ā, i te hapori whānui tonu. Kei te ngākau titikaha ngā tamariki hei ākonga e whai wāhi mātātoa ai ki ngā akoranga me ngā wheako e whakapakari ana i tō rātou tū tangata ki te kura me te hapori. Ka whai wāhi atu, ka hāpai hoki ngā tauira o te wharekura i ngā kaupapa o te hapori, ā, ka tū hei kaimanaaki, hei kaiārahi hoki i ngā huihuinga pērā i ngā Poukai me te Koroneihana. E ākina ana, e tautokona ana hoki ngā tauira i te kura tēina i roto i ō rātou akomanga, kia ārahi rātou i ngā karakia, ngā waiata, me ngā akoranga. Ka hāpai ngā kaimahi me ngā tauira tuākana i ngā tēina, i a rātou e māia haere ana ki te ārahi. Ka whakatakoto ngātahi i ngā mahere pae tawhiti, ā, ka mahi tahi hoki ngā kaimahi i roto i ngā kāhui ki te whakawhanake i ngā mahere kōwae me ngā mahere akoranga. Kei roto i te kura tēina te aronga pū ki te whakapakari i ngā tino pūkenga whakapū i roto i te reo matatini. E kaha tautokona ana te whakamahinga i ia te wā i te aronga me ngā rauemi o Rangaranga Reo ā-Tā. He aronga tēnei kua pou herea ki ngā mātāpono o te mātai pānui, ā, he hua o roto ki te whakatairanga ake i ngā putanga ki ngā tauira katoa, tae atu hoki ki ērā e mau ana i ngā matea ako rau. Kei te takune ngā kaiako ki te whakatakoto i ngā akoranga nahanaha o te pāngarau. E tautokona ana ngā tauira kia whanake te mana motuhake, ngā pūkenga whakaaro hirikapo, me te tino rangatiratanga. E tupu ana te tū takitahi o ngā tauira, i a rātou e whai wāhi atu ana ki tētahi taiao ako i āta whakaarohia ai.

E tino tautokona ana ngā tauira kia whakatutuki rātou i Te Taumata Mātauranga ā-Motu kua Taea. Kei te Taumata 4 o te marau ngā tauira o ngā tau 9 ki te 10 e mahi ana, ā, e hāpaitia ana e ngā whakaakoranga kua whakapoutamatia me ngā ritenga e ahu mai ana i te ahurea. Ka kitea ki te ahu whakamua me ngā paetae o ngā tauira tuākana te pakari o ngā mahi mātauranga, me te whakahāngaitanga o te tautoko kia angitu ai rātou. E tohu ana Te Taumata Mātauranga ā-Motu kua Taea mō te tau 2024 i te nuinga o ngā tauira e whakatutuki ana i te Taumata 1 me te Taumata 2. E tohu ana ngā raraunga  i te pikitanga ake o ngā paetae i te Taumata 3, i ērā nō ngā tau o mua atu, ā, e 50% o rātou e wehe atu ana i te kura me te Tiwhikete Whakauru Whare Wānanga. Ka whakawhanake ngā tauira i te ngākau titikaha, i te mōhiotanga ki a ia anō, i te angitu anō hoki mā ngā whakaritenga whakaako e aronui ana ki te tauira.

‘Whāngai te iti kahurangi’

Ka whakaritea e ngā kaiārahi ngā tūāhuatanga e hāpai ai i te ūkaipōtanga o ngā tauira, mā te āta whakatau i te noho pūmau o te tirohanga me ngā uara o te kura, me te hāngai pū o te taiao ki te iwi, ki te ao Māori, ki te hapori anō hoki. Ko ngā rautaki ki te rumaki i ngā tauira i roto i te reo me ngā tikanga o Raukawa me Tainui, kua āta whakatōngia puta noa i te kura, ā, e tūhonohono ana, e whakapakari ana hoki i ngā mōhiotanga ki te whenua me ngā kōrero tuku iho. Ka whakatairangatia te mōhiotanga ā-ahurea o ngā tauira mā te ako i ngā waiata, ngā mōteatea, ngā pao, me ngā haka i titongia ai e ngā kaiārahi me ngā kaiako. Ka whai wāhi mātātoa ngā kaimahi ki te rūnanga me te hapori, ā, ka āta whakatau i ngā whai wāhitanga mō ngā tauira ki te hāpai me te uru atu ki ngā kaupapa a te iwi. E pou here ana te whanaungatanga me te manaakitanga i ngā hononga mahi ngaio i roto i te rōpū kaiārahi, ā, puta noa hoki i te kura. Kei te tino mārama ngā kaiārahi ki ō rātou tūranga, ka mahi rātou ki te taha o ō rātou ake rōpū ki te whakapakari ake i ngā pūkenga o ngā kaimahi, me te hāpai anō hoki i te haere tonutanga o te whakawhanaketanga ngaio. E arahina ana te whakawhanaketanga ngaio e ngā hiahia o ngā kaimahi me ngā whakarerekētanga anō hoki ki ngā herenga ā-ture o te mātauranga. Ka āta whakatau ngā kaiārahi kia whakaaro huritao tonu, kia tupu tonu hoki ngā kaimahi kia kounga kairangi ai te mātauranga e whakapuakihia ana e rātou mā te reo Māori. Ka whakawhanake ngā tauira i ngā pūkenga me ngā mōhiotanga hei kaitiaki, hei kaiārahi, ā, hei puna hoki o te māramatanga mō ngā whakatupuranga kei te heke mai.

‘Whakareia te karaka o te hinu raukawa’

Ka arotahi te poari ki anamata, ka kōkiri, ka hautū hoki i te tirohanga o te kura ki te taha o tō rātou whānau, kia tupu ai te waiora me te angitu. E whakaraupapa ana te mahere rautaki i ngā whāinga o te kura, ā, ka āta tautuhia ngā taumata ako e arotahi ana ki te whakapakari i ngā pūkenga ārahi o ngā tauira me te whakawhanaketanga o tētahi taiao ako kounga kairangi e hāpai ana i tā rātou whai i te angitu ki anamata. Hui ai te poari i ia te wā ki te whakawhiti kōrero mō ngā take o te kura, ā, nā konā rātou whakatau ai hoki i ngā tūāhuatanga e tautoko ana i te ūkaipōtanga o ngā tauira, mā te aroturuki i te taetae mai ki te kura, i te waiora, i te ahu whakamua, me ngā paetae. Ka whakamahi i ngā raraunga o te wharekura ki te whakapai ake i te ahu whakamua me ngā paetae. Ka tātari i te taetae mai ki te kura i ia te wā, ā, ka āta whakawhitiwhiti kōrero ki te taha o ngā whānau kia tautuhia, kia whakatikaina hoki ngā tūāhuatanga e aukati ana i te tae auau mai ki te kura. Ka tautoko ngā kaitiaki o te poari i te whakatinanatanga me te whakawhanaketanga o ngā kaiārahi me ngā kaiako i ngā hōtaka e whakatairanga ana i te angitu o ngā tauira me te whakapakari anō hoki i tō rātou mōhiotanga ngaio. E hāpaitia ana ngā tauira e te pūnaha pāhekoheko e whakamana ana i te whai wāhi mai a ngā whānau, ā, e whakatairanga ana hoki i te toitūtanga o te angitu me te waiora.

Ngā Whakaritenga Matua ka whai ake

Me titiro ki ngā mahi aromatawai. Me whakapakari ngā kaiārahi me ngā kaiako i tā rātou whai māramatanga ki ngā raraunga, kia whai hua ake ai te whakamahinga o ngā mōhiohio e pā ana ki te ahu whakamua me ngā paetae. Me takune ake te whakamahinga o ngā raraunga aromatawai ki te tautuhi i ngā tauira e tika ana hei whakatere ake. Me whakamōhio anō hoki ngā paetae i te whakatakotoranga o ngā tino taumata rautaki e arotahi ana ki te whakatutuki i ngā tōrite i tautuhia ai. Ka whakatairangatia ngā putanga ki ngā tauira mā ngā mahi aromatawai e whai tikanga ana, e whai pūtake ana hoki.

Me whakapakari ake i te arotakenga o ngā kaupapa here. Me whakatinana i tētahi rārangi mahi ōkawa mō te arotakenga o ngā kaupapa here me ngā tukanga, hei āta whakatau i te whai māramatanga, i te whai pūtaketanga, me te āta whakatinanatanga anō hoki i ia te wā. Ko te whakarite i tētahi huringa taiāwhio arotake auau – inarā mō ngā kaupapa here e pā ana ki te haumaru me te waiora o ngā tauira – ka hāpai i ngā kaimahi me ngā kaiako ki te āta whakatinana pai i ngā whakaritenga e whakatairanga ana i te haumarutanga, i te kotahitanga, me ngā tūāhuatanga e whai hua ana mō te ako. Ka whai wāhi ki taua mahi, ko te tuhi haere i ngā tūāhuatanga whakamōrearea, i ngā akoako ohotata, me te kaha ake o te māramatanga ki te kaupapa here e pā ana ki te ārai tamariki. Ka whakatairangatia te hauora, te haumaru, me te waiora o ngā tauira mā te māramatanga ngātahi ki ngā kaupapa here me ngā tukanga e hāngai pū ana.

Me whai whakaaro ake ki ngā huarahi umanga o ngā tauira. He wā pai tēnei mō ngā kaiārahi me ngā kaiako ki te whakapai ake i te whakaratonga o te mātauranga umanga mā ngā tauira, mai i te Tau 7 piki ake, mā te whakawhanake i te aronga e noho nahanaha ake ana, e aronui ake ana hoki. Ko te tikanga, ka hāpai taua aronga i te whai mōhiohio a ngā tauira me ō rātou whānau i roto i ā rātou whakataunga mō ngā kaupapa ako ka whiriwhirihia, me te hāngaitanga o ērā ki ō rātou ngākau nuitanga, ō rātou pūmanawa, me ō rātou wawata ki anamata. Ko te whakapakari i ngā hononga ki ngā huarahi umanga, huarahi mātauranga anō hoki, ka whai wāhi atu ki te āta whakarite i te tauira mō ngā whakawhitinga atu ki te mātauranga, ki ngā whakangungu rānei, ki ngā mahi rānei ki anamata.

5 Te Whakatau a Te Poumarumaru ki ngā Wāhanga Tautukunga

I mua i te aromātai, i whakatutukihia e te poari kaitiaki me te tumuaki he Tauāki Kupu Tūturu a Te Poumarumaru me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• ngā rēhita a ngā kaiako
• te tukanga whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• te whakatutukitanga o ngā kaupapa here o te kura i ngā tikanga o te Children's Act 2014.

6 Te Taunakitanga

E taunaki ana Te Tari Arotake Mātauranga kia mahi ngātahi tonu te kura ki te taha o ō rātou whānau ki te whakatutuki i ngā whakaritenga matua i tautuhia ai kia whāia. 

Tiwana Hibbs 
Toka ā Nuku - Director
Te Uepū ā-Motu – Māori Review Services

27 Whiringa-ā-rangi, 2025

7 Ngā kōrero e pā ana ki te Kura

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi.

2 Context 

Ko Oraka te Awa
Ko Te Arawa, Tainui, Mātaatua ngā Waka
Ko Hautere te Maunga
Ko Ngāti Āhuru me Ngāti Mahana ngā Hapū
Ko Raukawa te Iwi
Ko Pātetere te Tūpuna
Ko Te Kaokaoroa ki Patetere te pou kōrero

Te Wharekura o Te Kaokaoroa o Patetere is situated in Pūtāruru. They are a composite Year 1-13 kura, affiliated with Ngā Kura ā Iwi o Aotearoa.  The kura embrace their Raukawatanga and their role within the Kiingitanga. They continue to make significant growth in property development with a new wharekura building and a kōhanga reo completed in the last two years

3 Evaluation Focus

How well do tauira demonstrate they are culturally autonomous and influential?

Tauira demonstrate strong cultural autonomy through confident use of te reo Māori, understanding of tikanga, and active participation in iwi-based learning contexts.

4 Findings

‘Mahia te mahi’

Tauira demonstrate pride in their kura through their active participation in a marau ā-kura where they get to honour and express themselves as Māori.  Tāpokotea, the kura strategic vision, continues to evolve with the growth and aspirations of the whānau and government priorities.  The narratives of Tāwhaki and esteemed tūpuna are interwoven into all aspects of learning.  Tauira are encouraged to emulate attributes of tūpuna and understand the challenges they faced, as well as the impact those experiences had on the iwi of today. The marau stands as four pou that aspires to grow tamariki to be confident and connected learners. Mātauranga, mahi ā Rēhia, hākinakina, and whakatipuranga provide a platform for developing the whole tamaiti as they make their way through kura. Tauira demonstrate pride in their kura through their active participation in experiences where they get to honour and express themselves as Māori and as uri of Ngāti Āhuru and Ngāti Mahana. Authentic and meaningful learning experiences including kapa haka, Manu Kōrero, and hākinakina present opportunities for tauira to express themselves confidently. Tauira confidently participate in a range of contexts in the kura, the community, and the wider world.

‘Kia mau ki te aka matua’

Tauira are immersed in a reo Māori rich environment where tikanga is well embedded.  They are supported by kaimahi who share a wealth of knowledge in historical events, places, and people. Mātanga reo emulate a proficiency in te reo Māori as role models in kura, on the marae, and in the wider hapori. Tauira are confident learners who actively engage in learning and experiences that build on their autonomy in kura and the hapori. Wharekura tauira participate and contribute to local events, serving as kaimanaaki and kaiārahi at gatherings such as Poukai and Koroneihana. Tauira in kura tēina are encouraged and supported in their classrooms to lead in karakia, waiata, and learning. Kaimahi and older tauira guide tēina as they build their confidence to lead. Long term mahere are collectively constructed with kaimahi working together in kāhui to develop unit and lesson plans. There is a particular focus in the kura tēina on building strong foundational skills in te reo matatini. Using the Rangaranga Reo ā-Tā approach and rauemi consistently across the kura tēina is well-supported. Underpinned by the principles of the science of reading, this approach has potential to enhance outcomes for all tauira, including those with diverse learning needs. Kaiako intentionally implement structured pāngarau lessons. Tauira are supported to develop mana motuhake, meta-cognitive skills, and tino rangatiratanga. Tauira are growing independence as they participate in a considered learning environment.

Tauira are well supported to achieve National Certificate of Educational Achievement (NCEA) qualifications. Tauira in years 9 - 10 are working at curriculum Level 4 and are supported through scaffolded teaching and culturally grounded routines. Progress and achievement for senior tauira reflects strong academic performance and targeted support for success. The 2024 data indicate a majority of tauira achieved NCEA Level 1 and a significant majority achieved Level 2. The data showed there was a significant increase in Level 3 achievement compared to previous years with 50% of school leavers attaining University Entrance. Tauira develop confidence, self-awareness, and success through responsive teaching practices.

‘Whāngai te iti kahurangi’

Kaiārahi create conditions that support tauira ūkaipōtanga by ensuring the kura vision, values, and an iwi-centric, te ao Māori environment and hapori are embedded. Strategies to immerse tauira in te reo and tikanga of Raukawa and Tainui are successfully ingrained across the kura, connecting and building knowledge to the whenua and kōrero tuku iho. Tauira cultural knowledge is uplifted through learning of waiata, mōteatea, pao, and haka composed by kaiārahi and kaiako. Kaimahi are active in the rūnanga and hapori ensuring opportunities for tauira to contribute and participate in iwi kaupapa. Whanaungatanga and manaakitanga underpin the collegial and professional working relationships within the kaiārahi team and across the kura. Kaiārahi have a clear understanding of their roles, they work alongside their respective teams to build kaimahi capability and support ongoing professional development. Professional development is guided by kaimahi desires and legislative change in education. Kaiārahi ensure kaimahi are continually reflecting and growing to deliver a high-quality education through te reo Māori. Tauira develop skills and knowledge as kaitiaki, leaders, and carriers of māramatanga for future generations.

‘Whakareia te karaka o te hinu raukawa’

The Poari are future focused, facilitating and driving the kura vision alongside their whānau to grow wellbeing and success. The strategic plan outlines the kura whāinga, with clearly identified learning targets focused on building tauira leadership capability and developing a state-of-the-art learning environment that supports their future success. The Poari meet regularly to discuss kura matters where they create conditions that support tauira ūkaipōtanga by monitoring attendance, wellbeing, progress, and achievement. Wharekura data is utilised to improve progress and achievement. Analysis of attendance is regularly analysed with open communication maintained with whānau to help identify and address any barriers to consistent attendance. Trustees support kaiārahi and kaiako to implement and develop programmes that enhance tauira success whilst building on their professional knowledge. Tauira are supported by a cohesive system that values whānau input and promotes sustained success and wellbeing.

Key Next Steps

Assessment practice requires attention. There is a need for leaders and kaiako to strengthen their data literacy to more effectively utilise progress and achievement information. Assessment data should be used more deliberately to identify tauira who require accelerated progress. Achievement information should also inform the setting of specific strategic targets that focus on addressing identified disparities. Outcomes for tauira are enhanced through deliberate and purposeful assessment practices. 

Policy review requires strengthening. A formal schedule for reviewing policies and procedures needs to be implemented to ensure they are well-understood, fit for purpose, and consistently applied. Establishing a regular review cycle, particularly for policies related to the safety and wellbeing of tauira, should support kaimahi and pouako to confidently enact practices that promote safe, inclusive, and effective learning conditions. This includes the recording of hazards, emergency drills, and a clearer understanding of the Child Protection Policy. Tauira health, safety, and wellbeing is enhanced through a collective understanding of fit for purpose policies and procedures.

Career pathways for tauira requires further consideration. It is timely for kaiārahi and kaiako to improve the provision of careers education for tauira in Years 7 and above by developing a more structured and responsive approach. This should support tauira and their whānau to make informed decisions about subject choices that align to their interests, strengths, and future aspirations. Strengthening connections to vocational and academic pathways will help ensure tauira are well-prepared for transitions into future education, training, or employment.

5 Te Poumarumaru Assurance on Legal Requirements

Before the evaluation, the board of trustees and tumuaki completed the ERO Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the evaluation, ERO checked at the following items because they have a potentially high impact on student safety and wellbeing:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance
• school policies in relation to meeting the requirements of the Children’s Act 2014.

6 Recommendation

ERO recommend the kura continues to work collaboratively with their whānau to address the identified key next steps.

Tiwana Hibbs 
Toka ā Nuku - Director
Te Uepū ā-Motu – Māori Review Services

27 November 2025

7 Information about the Kura