TKKM o Ngaringaomatariki

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū me ngā iwi.

2 Te Horopaki

He hononga tō Te Kura Kaupapa Māori o Ngāringaomatariki ki te iwi o Ngāti Whātua. Koia nei anake te kura kaupapa Māori e tū ana ki waenga i Tāmaki-makau-rau me Whangārei. E tū ana te kura ki waho atu i te tāone o Whakapirau, ki te taha o te marae o Ōruawharo, ā, e whakakaurera ana ki te whanga o Kaipara.

E whakarato ana te kura i te mātauranga Te Aho Matua mā ngā ākonga o ngā tau 1 ki te 8. Kua tīmatahia tā rātou whakawhiti atu ki tētahi wāhi rahi ake ki Kaiwaka, kia pai ai te whakawhānui ake, me te poipoi i te tokomaha ake o te rohe e hiahia ana ki te haere ki tēnei kura.

3 Te Aronga o te Aromātai

He pēhea rawa te whakaatu mai a ngā ākonga i tō rātou ngākau nuitanga ki te ako i ngā tikanga, ngā pūrākau, me ngā waiata o Ngāti Whātua?

Ka kitea ki ngā ākonga tā rātou tākare, tō rātou ngākau titikaha hoki ki te ako i a Ngāti Whātua, mā roto mai tonu i a Ngāti Whātua.

4 Ngā Whakaaturanga

Te Ira Tangata

Ka kitea ki ngā ākonga tā rātou tino tākare ki ngā akoranga kua pou herea ki ngā tikanga Māori. E whai wāhi nui ana ngā ākonga ki tētahi hapori manaaki, hapori whakaute hoki, ā, ka whai hua, ka whakamanatia hoki te whanaungatanga. E tino whakapuaki ana i ngā uara o te aroha, te manaaki, me te tiaki. Ko te taiao ako e whakaratohia ana e te whānau, e hāngai pū ana ki te ākonga, ā, e poipoi ana, e tautoko ana hoki i a ia. E ai ki ngā mema o te whānau mō te whakawhanaketanga o ā rātou tamariki i te aroha ki te ako, kei tua atu kē ā rātou tamariki i tēnā i tūmanakohia ai e rātou. Kei te mauritau ngā ākonga ki tētahi taiao e poipoi ana i a rātou hei uri o Ngāti Whātua.

Te Reo

Ka whai wāhi atu ngā ākonga ki te reo Māori mā ngā huarahi e whai pūtake ana ki a rātou. Ka whakamahi ngā kaiako i ngā rautaki e tika ana ki te poipoi i te tangongitanga o ngā āheinga reo. Ka whai wāhi atu ngā ākonga ki te reo Māori mā ngā huarahi tūturu, tae atu ki ngā mihi i ngā kaupapa ōkawa. Ka karakia, ka waiata, ka haka, ā, ka ako mōteatea e noho whakahirahira katoa ana ki a Ngāti Whātua me Te Aho Matua. He tino tauira ngā kaimahi, ā, he pakari tā rātou whakaputa i te reo Māori. E ako ana ngā whānau i te reo Māori ki te taha o ā rātou tamariki, ā, ka toro atu ki ngā tūmomo whai wāhitanga ki te whakatairanga tonu i

tō rātou mātau ki te reo. Ka noho tahi ngā ākonga ki waenga i te hunga e ngākau nui ana ki te reo Māori. E whanake ana tō rātou tūmāia hei kaikōrero o Ngāti Whātua.

Ngā Iwi

Ka kitea te manawa whakahī o ngā ākonga i a rātou e ako ana i ō rātou whānau, ō rātou hapū, me ō rātou iwi mā ngā pūrākau. Ka whakaputaina e rātou te ihi, te wehi, me te wana, i a rātou e whakatutuki ana i ō rātou tūranga hei tangata whenua. Ka kitea te ngākau titikaha me te ngākau māhaki o ngā ākonga, ā, ka pupū ake aua tūāhuatanga i ngā whakaakoranga a ō rātou tūpuna. Ka puta mai i ngā hītori me ngā kōrero tuku iho o Ngāti Whātua te hōhonutanga me te whai pūtaketanga o ngā wheako ako a ngā ākonga. Ka tae atu rātou ki ngā kaupapa a te hapū me te iwi, ā, he whai wāhitanga mō rātou ki te tū hei mana whenua i roto i ngā wā ōkawa me ngā wā ōpaki. E whanake ana ngā ākonga hei tino puna o ngā mātauranga tuku iho o Ngāti Whātua.

Te Ao

Ka whai wāhi atu ngā ākonga ki te tangongitanga o ngā horopaki ako e tika ana, ā, e whai pānga nui ana ki a Ngāti Whātua, ki te ao whānui tonu. Mā ngā pūrākau ngā ākonga e whakahono atu ana ki a rātou anō me te ao whānui. Mā roto mai i te noho tuawhenua, he tūturu ngā hononga ki ngā taonga māoriori. Ko ngā hītori o te takiwā, ngā taonga tuku iho, ngā tikanga, me te tiaki i te taiao, e noho matua katoa ana ki te hōtaka akoranga. Kei te tūhono ā-tinana, ā-wairua hoki ngā ākonga ki Kaipara.

Āhuatanga Ako

E tino puāwai ana ngā ākonga mā roto mai i tētahi marau i waihangatia ai hei aro atu ki tō rātou tuakiri me ō rātou matea. Ka aro nui ngā kaiako ki ngā matea torowhānui o ngā ākonga. Ka kitea ki ngā hōtuku o tēnei wā, kei te pai te ahu whakamua o te nuinga o ngā ākonga, i roto i te reo matatini me te pāngarau. Ka tautuhia ngā ākonga hei hāpai ake, ā, ka tautokona tōtikatia. He mātātoa te whai wāhi atu a ngā ākonga, ā, e whakamanawatia ana rātou kia ako.

Te Ārahitanga

He mahi ngātahi, he mahi whakakotahi te ārahitanga i waenga i te whānau, ā, kua pou herea ki te whakaute o tētahi ki tētahi. Ko te ako ngaio me te whakawhanaketanga ngaio o ngā kaiārahi me ngā kaimahi, e hāngai ana ki ngā wawata o te whānau mō ngā whakawhanaketanga o te kura ki anamata. Ka tū te rōpū ārahi hei tino pou tuarā mō rātou ngā kaiako e noho hou ana ki ngā mahi, ki te kura rānei. Ko ngā kaiārahi me ngā tuākana o te kura, he tino tauira o te reo Māori me ngā tikanga. E riro ana i ngā ākonga ngā pūkenga me ngā pūmanawa hei kaiārahi o Ngāti Whātua ā meāke nei.

Te Whānau, te Kāwana, me te Aromātai o Roto

E arotahi ana te whānau ki te whakapai tonutanga. He takune rautaki ki te whakarato i tētahi pūnaha mātauranga e hāngai pū ana ki a Ngāti Whātua, mā ngā whānau i Tāmaki ki Whangārei, ā, i Whangārei ki Tāmaki. Ka whai wāhi ki tēnā, ko te whakatū i tētahi puna reo, i tētahi wharekura, ā, nāwai rā ko te whakatū i tētahi whare wānanga. Ka whai hua te ako a ngā ākonga mā te aronga o ngā whakataunga kāwana ki anamata.

Ngā Whakaritenga Matua ka whai ake

Ko tētahi whakaritenga matua ka whai ake, ko te whakapakari ake i ngā hononga ki Te Rūnanga Nui o Ngā Kura Kaupapa Māori o Aotearoa. E mōhio ana te whānau ki ngā painga ka hua ake i te whakatōpūtanga o ō

rātou māramatanga ki Te Aho Matua, hei whakatairanga ake i te marautanga me ngā whakahaeretanga o te kura. Ka whakatairangatia te ako a ngā ākonga i te wā e aro pū ana ngā whakaritenga ki Te Aho Matua.

E tika ana kia wawe te whai atu i ngā wāhi whakaako, wāhi ako hoki kia āhei ai te kura ki te āta whakatutuki i ō rātou wawata. Ko te piki ake i te tatauranga tamariki ki te kura e wero ana i ngā wāhi whakaako. Nā te wāhi tū o te kura, ka pupū ake ētahi take e pā ana ki te weto hiko, ki te hononga ā-ipurangi, me te pā kino nei o te huarere ki ngā rori. Ka haukoti aua tūāhuatanga i te ako, ā, ka pā tōraro hoki ki te hauora me te haumaru o ngā ākonga. Ka tino whakamōrearea i te hauora me te haumaru o ngā ākonga.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.

6 Ngā Taunakitanga

I whakawhanakehia e Te Tari Arotake Mātauranga, e Te Rūnanga Nui o Ngā Kura Kaupapa Māori o Aotearoa, e te kura hoki ngā taunakitanga e whai ake nei, arā, kia:

• whakawhiti kōrero te whānau ki Te Rūnanga Nui o Ngā Kura Kaupapa Māori o Aotearoa, ki te kōkiri whakamua i te whakaritenga matua i tohungia ai ki tēnei pūrongo kia whāia
• mahi te whānau ki te taha o Te Rūnanga Nui o Ngā Kura Kaupapa Māori o Aotearoa me te Tāhuhu o te Mātauranga ki te kōkiri wawe i te hangahanga o tētahi kura hou.

Darcy Te Hau 
Toka ā Nuku 
Te Uepū-a-Motu – Māori Services 

20 Hakihea, 2023

7 Ngā kōrero e pā ana ki te kura

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.

2 Context

Te Kura Kaupapa Māori o Ngaringaomatariki is affiliated to the iwi of Ngāti Whātua. It is the only Kura Kaupapa Māori located between Tāmaki Makaurau and Whangārei. Situated on the outskirts of Wellsford next to Ōruawharo Marae, the kura has views looking out across the Kaipara Harbour.

The kura provides Te Aho Matua education for students in Years 1-8. They are in the early stages of transitioning to a larger site located in Kaiwaka to expand and cater for the growing demands in the area.

3 Evaluation Focus

How well do students show enjoyment for learning the tikanga, pūrākau and waiata of Ngāti Whātua?

Students show enthusiasm and confidence for learning in and about Ngāti Whātua.

4 Findings

Te Ira Tangata

Students show a high level of enthusiasm for learning underpinned by tikanga Māori. Students experience a community of care and respect where relationships are positive and affirming. The values of aroha, manaaki and tiaki are prominent. Whānau provide a nurturing and supportive student-centred learning environment. Whānau members express their children exceed the expectations they hold for them to develop a love of learning. Students are settled in an environment that nurtures them as uri of Ngāti Whātua.

Te Reo

Students engage in te reo Māori in ways that are meaningful to them. Kaiako use appropriate strategies to cater to the range of language abilities. Students experience te reo Māori in authentic ways and including mihi in formal situations. They karakia, sing, haka and learn mōteatea that are significant to Ngāti Whātua and Te Aho Matua. Kaimahi are positive role models who use te reo Māori confidently. Whānau are learning te reo Māori alongside their children and seek ongoing opportunities to improve their level of proficiency. Students are surrounded by people who are passionate about te reo Māori. They are developing as confident speakers of Ngāti Whātua.

Ngā Iwi

Students show pride as they learn about their whānau, hapū and iwi through pūrākau. They express ihi, wehi and wana as they fulfil tangata whenua roles. Students exhibit confidence and humility that emanates from the teachings of their tūpuna. Ngāti Whātua histories and narratives provide rich and meaningful learning experiences for students. They attend hapū and iwi events and have opportunities to participate as mana whenua in both formal and informal contexts. Students are developing as repositories of traditional knowledge of Ngāti Whātua.

Te Ao

Students experience a range of appropriate learning contexts significant to Ngāti Whātua and beyond. Pūrākau provide a vehicle for students to make connections to themselves and the wider world. The rural location provides authentic connection to natural resources. Local histories, traditions, practices and caring for the environment are integral to the learning programme. Students are connected physically and spiritually to Kaipara.

Āhuatanga Ako

Students are thriving in a curriculum that is designed around who they are and what they need. Kaiako are responsive to the holistic needs of students. Current data shows that most students are progressing well in literacy and numeracy. Students requiring additional help are identified and provided with appropriate support. Students are actively engaged and motivated learners.

Leadership

There is a collaborative and inclusive leadership culture within the whānau which is underpinned by mutual respect. Professional learning and development for leaders and kaimahi align to whānau aspirations for future kura developments. Kaiako who are new to the profession, and to the kura, are effectively mentored by the leadership team. Kura leaders and tuakana are positive role models of te reo Māori and tikanga. Students are acquiring skills and attributes as future leaders of Ngāti Whātua.

Whānau/Governance and Internal Evaluation

The whānau are improvement focused. There is a strategic intent to provide a Ngāti Whātua centric education system to serve whānau from Tāmaki ki Whangārei and from Whangārei ki Tāmaki. This includes the establishment of a Puna reo, Wharekura and eventually a Whare Wānanga. Student learning benefits from future focused governance decisions.

Key Next Steps

Strengthening relationships with Te Runanga Nui o Ngā Kura Kaupapa Māori is a key next step. The whānau recognise the benefit of consolidating their understanding of Te Aho Matua to further enhance the curriculum and kura operations. Student learning is enhanced when practices are centred around Te Aho Matua.

Adequate teaching and learning spaces are urgently required for the kura to fully achieve their aspirations. The increase in the roll has created challenges for teaching space. The physical location of the kura poses issues with power outages, internet connection and severe weather impacting road conditions. These interrupt learning and impact on the health and safety of students. The health and safety of students is severely compromised.

5 Whānau Assurance on Legal Requirements

During the evaluation, ERO checked the following areas:

• emotional safety of Student (including prevention of bullying and sexual harassment)
• physical safety of Student
• teacher registration
• processes for appointing staff
• stand-downs, suspensions, expulsions and exclusions
• attendance
• school policies in relation to meeting the requirements of the Children’s Act 2014.

6 Recommendations

ERO, Te Runanga Nui o Ngā Kura Kaupapa Māori and the kura developed the following recommendations:

• the whānau consult with Te Runanga Nui o Ngā Kura Kaupapa Māori to progress the key next step of this report
• whānau work with Te Runanga Nui o Ngā Kura Kaupapa Māori and the Ministry of Education to urgently progress the build of the new kura.

Darcy Te Hau 
Toka-ā-Nuku – Director 
Te Uepū ā-Motu – Māori Review Services

20 December 2023

7 Information about the kura