Te Kura Kaupapa Maori o Te Orini ki Ngati Awa

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E whakarato ana Te Kura Kaupapa Māori o Te Ōrini ki Ngāti Awa i te mātauranga rumaki reo Māori mō ngā ākonga o ngā tau 1 ki te 13. E tū ana te kura ki Whakatāne. E ahu mai ana tana marautanga i ngā mātāpono o Te Aho Matua, i Te Hāhi Ringatū, ā, i te iwi hoki o tēnei takiwā, o Ngāti Awa. He tumuaki whakaako te tumuaki.

3 Te Aronga o te Aromātai

He pēhea rawa ngā whai wāhitanga mō ngā ākonga ki te ako me te rongo i te angitu?

E whiwhi ana ngā ākonga i te tautoko i whakahāngaitia ai ki ngā akoranga, kia rongo ai hoki rātou i te angitu.

4 Ngā Whakaaturanga

Ngā whakaakoranga me ngā akoranga, puta noa i te kura

Ko ngā matea ake o ia ākonga me ngā wawata hoki o te whānau mō ngā akoranga a ngā ākonga, e āta whakamaheretia ana. E whakahono ana ngā kaiārahi me ngā kaiako o te kura i te marau ā-kura hou ki ngā whakapono, ngā tikanga, me ngā mātāpono o te Hāhi Ringatū, o te Ngāti Awatanga, o Te Marautanga o Aotearoa hoki. Ka whakamaheretia e ngā kaiako te tangongitanga o ngā whai wāhitanga e hāpai ana i te ako a ngā ākonga. Ka whakarato rātou i ngā whai wāhitanga mō ngā ākonga ki te ako mā ngā taumahi takitahi, mā ngā taumahi hoki a te tuakana me te teina. Ko ngā ākonga hei āta hāpai ake ki te ako, ka tautokona i roto, i waho hoki i te akomanga i ngā wā e tika ana. Ka tāutu ngā kaimahi i ngā āhuatanga o ngā matea ako mā ngā huarahi ōkawa, huarahi ōpaki hoki o te aromatawai. Ka whakaemihia, ka tātarihia, ā, ka aroturukitia hoki aua mōhiohio i ia te wā, kia whai wāhi atu ai ki te āhua tonu o ngā mahere. Ka whakamōhiotia ngā mātua me te poari mō te ahu whakamua me ngā whakatutukitanga o ngā ākonga, ā, nā aua whakamōhiotanga he whai wāhitanga anō hoki mō rātou ki te whai wāhi mai, ki te wawao mai rānei. E whakawhanakehia ana te ngākau titikaha ō ngā tamariki ki ō rātou pūmanawa hei ākonga.

Te Ārahitanga

E mahi ngātahi ana te whānau mō te whakawhanaketanga o te kura. Ka whakatōpū ngā kaiako, ngā kaimahi, te whānau, me te poari i ō rātou ake pūkenga, i tō rātou ake tautōhito, me ō rātou mātauranga Māori ki te whakatutuki i ngā whāinga i tautuhia ai hei whakawhanake, puta noa i te kura. I whakaritea e te tumuaki tētahi tauira ārahitanga e tohatoha ana i ngā kawenga, ā, e aro nui ana hoki ki ngā pūmanawa o tēnā me tēnā, heoi, he kaha ake tēnei tauira ki te whakamahi me te whakahāngai hoki i ngā mōhiotanga, te tautōhito, me ngā āheinga o ngā kaimahi. Ko ngā tūhonohono mahi ki waenga i te poari me te hapori e whakanui ake ana i ngā whai wāhitanga mō te tautoko i roto i te kura, me ngā huarahi whakawhanaketanga nō waho i te kura. Ka rongo ngā ākonga i te ahurea papai o te tautoko me te whakapaitanga ake.

Te Aromātai o roto

Ka tautoko mātātoa te whānau i ngā mahi kāwana me ngā kawenga mahi i te kura. Ka taetae atu rātou ki ngā wānanga e hāpai atu ana i tō rātou māramatanga ki te kaupapa o te kura, me ngā tūmomo huarahi ka taea e rātou te whai hei tautoko i te kura. Hui ai rātou i ia te wā ki te whakawhiti kōrero mō ngā taumahi i te kura me te whakatau i ngā whakaritenga e whakatairanga ake ai i ngā mahere o te pae tawhiti me te pae tata, me ngā akoranga a ngā ākonga. Ka whakatakoto taunaki rātou ki te poari hei hāpai i te ahu whakamua ki te whakatutuki i ngā whāinga rautaki. Hui ai te tumuaki me te heamana o te poari i ia te wā ki te whakawhiti kōrero e pā ana ki ngā kaupapa rautaki matua me ētahi āhuatanga o te aromātai o roto. E whai hua ana ngā ākonga nā te tautoko o te whānau i ngā kaupapa matua i te kura.

Ngā kaimahi

E whakapakari ana ngā kaiārahi o te kura i te ahurea o te whakapaitanga ngaio. Ko tētahi kaupapa rautaki matua, ko te whakapakari ake i te āheinga ngaio o ngā kaimahi. Kua whakapā atu ki ngā mātanga o waho ki te whakawhanake i te āheinga o te kura whānui ki te whakawhanake i tana marau. Ko ngā whāinga whakawhanaketanga ngaio mō te tumuaki me ngā kaimahi, e hono pū ana ki ngā tukanga arohaehae. E arotahi ana ngā kaimahi ki te whakatutuki i ngā matea ako o ngā ākonga.

Ngā Whakaritenga Matua ka whai ake

I tautuhia e te whānau, e ngā kaiako, e te tumuaki, e te heamana o te poari, ngā whakaritenga matua e whai ake nei, kia ahu whakamua ai te whakatutukitanga o te whāinga o te kura mō te reo Māori, ā, ki te whakatairanga hoki i ngā akoranga a ngā ākonga, arā, kia:

• whakawhanake tonu i te marau ā-kura, mā te tuitui anō hoki ki te marau, ko te Maramataka Māori, ko te Hāhi Ringatū, ko te Ngāti Awatanga, me te reo Māori
• whakapakari i ngā whakaritenga kāwanatanga, mā te whakatakoto haere i ngā tūmanako kia tutuki ai i te poari ā rātou kawenga mahi, ā, mā te whakahou ake hoki i te katoa o ngā kaupapa here me ngā tukanga.

5 Te Whakatau ki ngā Wāhanga Tautukunga

I mua atu i te whakahaerenga o te arotake i whakatutukihia e te whānau me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari;
• te marautanga;
• ngā whakahaere mō te hauora, te haumaru, me te oranga tinana;
• ngā whakahaere o ngā kaimahi;
• ngā whakahaere o te pūtea;
• ngā whakahaere o ngā rawa me ngā taonga.

I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito);
• te haumaru ā-tinana o ngā ākonga;
• te rēhitatanga o ngā kaiako;
• ngā tukanga ki te whakatū kaimahi;
• te whakaunu, te aukati, te pana me te whakarerenga; me
• te tae ā-tinana atu a ngā ākonga ki te kura.

6 Ngā Taunakitanga

I whakawhanakehia e Te Tari Arotake Mātauranga me te poari kaitiaki o te kura te taunakitanga e whai ake nei, arā, kia:

• kōkiri whakamua tonu te poari, te whānau, te tumuaki, me ngā kaiako i ngā whakawhanaketanga i te kura i tautuhia ai ki te mahere rautaki. 

Darcy Te Hau
Toka-ā-Nuku
Te Uepū ā-Motu - Māori Review Services

26 Hōngongoi, 2021 

7 Ngā Kōrero e pā ana ki te kura

Te tūwāhi	Kei Whakatane
Te tau a te Tāhuhu o te Mātauranga	719
Te tūmomo kura	He kura whakahiato (Tau 1-13)
Te tokomaha o ngā ākonga o te kura	73
Te ira tangata	Kōtiro    34 Tama     39
Ngā hononga ā-iwi	Māori	73
Ngā āhuatanga motuhake	Te Aho Matua, te Hāhi Ringatū
Te wā o tēnei pūrongo	26 Hōngongoi 2021
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Mātauranga	2018 2013 2007

1 Introduction

The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.

2 Context

Te Kura Kaupapa Māori o Te Orini ki Ngāti Awa provides Māori language immersion education for students from Years 1 to 13. The kura is located in Whakatane. Its curriculum is based on the Te Aho Matua philosophy, Te Haahi Ringatū and the local iwi of Ngāti Awa. The tumuaki is a teaching principal.

3 Evaluation Focus

To what extent do students have opportunities to learn and experience success?

Students receive focused support for learning and to experience success.

4 Findings

School wide teaching and learning

The individual needs of students and the aspirations of whānau for student learning are well planned for. Kura leaders and kaiako are linking the new kura curriculum to the beliefs, tikanga and principles of Te Haahi Ringatū, Ngāti Awatanga and Te Marautanga o Aotearoa. Kaiako plan a wide variety of opportunities to support students’ learning. They provide opportunities for students to learn through individual or tuakana teina activities. Students needing extra learning are provided in and out of class support as required. Kaimahi identify areas of learning need using formal and informal forms of assessment. This information is collated, analysed and regularly monitored to inform planning. Parents and the board are kept well informed about student progress and achievement, providing opportunity for their involvement or informed intervention. Students develop confidence in themselves as learners.

Leadership

The kura whānau are working cohesively for kura development. Kaiako, kaimahi, whānau and board combine their respective skills, experiences and mātauranga Māori to achieve identified objectives for development across the kura. The tumuaki established a strength-based, distributive model of leadership that better utilises and focuses staff knowledge, experience and capability. Collegial networks between the board and community provide extended opportunity for support within the kura and pathways for development outside. Students experience a positive culture of support and improvement.

Internal Evaluation

Whānau actively support governance and kura responsibilities. They attend wananga that helps increase their understanding of the kaupapa of the kura and how they can provide support. They meet regularly to discuss kura activities and make decisions to enhance long and short-term planning and students’ learning. They make recommendations to the board to support progress toward achieving the strategic goals. The tumuaki and board chairperson meet regularly to discuss strategic priorities and aspects of internal evaluation. Students benefit from whānau support for the kura priorities.

Personnel

Kura leaders are building a culture of professional improvement. A key strategic priority is to build staff professional capability. External expertise has been accessed to develop kura-wide capability for development of its marau. Professional development goals for the tumuaki and staff are directly linked to appraisal processes. Staff are focused on meeting the learning needs of students.

Key Next Steps

The whānau, kaiako, tumuaki and board chair identified the following key next steps toward meeting the kura goal for te reo Māori and to enhance students’ learning:

• continue to develop the kura curriculum, by integrating the Maramataka Māori, Te Haahi Ringatū, Ngāti Awatanga and te reo Māori
• strengthen governance practices, by establishing expectations for the board to fulfil their responsibilities and to update all policies and procedures.

5 Assurance on Legal Requirement

Actions for Compliance

Before the evaluation, the whānau and Tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the evaluation, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

6 Recommendation

 ERO and the kura board developed the following recommendation:

• the board, whānau, tumuaki and kaiako continue to progress kura development as identified in the strategic plan.

Darcy Te Hau
Tokā a Nuku – Director
Te Uepū ā-Motu – Māori Review Services

26 July 2021

7 Information about the Kura

Location	Whakatane
Ministry of Education profile number	719
Kura type	Composite (Years 1-13)
Kura roll	73
Gender composition	Girls       34 Boys      39
Ethnic composition	Māori	73
Special features	Te Aho Matua, Haahi Ringatū
Date of this report	26 July 2021
Most recent ERO report(s)	Education Review Education Review Education Review	2018 2013 2007