Manukura

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi. 

2 Te Horopaki 

Ko Whakaari te maunga
Ko Ōtoko te awa
Ko Tahuriwakanui te hapū
Ko Ngāti Kauwhata te iwi

Ko MANUKURA tētahi kura kua tautapaina hei kura āhuatanga motuhake mō ngā ākonga o ngā tau 9 ki te 13, ā, kei Te Papaioea e tū ana. He tino hononga ō rātou ki te hapū o te takiwā nei, ki a Tahuriwakanui. Nō te tīmatanga o te tau 2024 te kura i hūnuku ai ki ngā whare hou e tū ana ki te taha o Te Kunenga ki Pūrehuroa. E whakarato ana te kura i tētahi marau e arotahi ana ki te kōkiri i te hiranga o ngā rangatahi i roto i te mātauranga, te hākinakina, me te ahurea. Ko te kōrero ‘Kia Aorangi Ake’ “He mokopuna tāku iti, he tipuna tāku nui” e whakapuaki ana i te whakaū o te whānau o MANUKURA ki te tautoko me te whakamana i ngā ākonga katoa ki te ako, me te eke ki ō rātou ake tino hiranga. Nō nā noa nei tētahi o ngā mema pūmau o te rōpū ārahi i whakatūngia ai ki te tūranga o te tumuaki. 

3 Te Aronga o te Aromātai 

He pēhea rawa te whakaatu mai a ngā ākonga i tā rātou eke angitu ki te hiranga o te mātauranga me te hākinakina, me te waiora ā-ahurea? 

Ka whakatinanahia e ngā ākonga te kōrero e meatia ana ‘Kia Aorangi te titiro’, i a rātou e eke angitu ana ki te hiranga i roto i te mātauranga, te hākinakina, me te ahurea. 

4 Ngā Whakaaturanga 

E whanake ana ngā rangatahi hei ākonga tūmāia, hei ākonga e whai hononga ana, ā, e tau ana hoki ki te ao Māori. E poipoia ana tā rātou angitu mā te tikanga ako e aro nui ana ki te ahurea, mā te teitei hoki o ngā tūmanako, me te whakaute o ngā hononga tauutuutu kua pou herea katoatia ki te whanaungatanga. Ka hāngai te taiao me ngā horopaki ako ki te ao Māori, inarā, ki ngā tikanga o Tahuriwakanui, o Ngāti Kauwhata, me Rangitāne. Ka kitea ki ngā ākonga tō rātou tākare ki te whai wāhi atu ki te ao Māori. Mā roto mai i te kapa haka, ka whai wāhi atu ngā ākonga ki te whakarauora me te whakatairanga i te reo me ngā tikanga Māori. I tō rātou tū tuatahi i te whakataetae kapa haka ā-motu mō ngā kura tuarua, i eke rātou ki te whiringa whakamutunga o ngā kapa e iwa. I tēnei wā, ko MANUKURA ngā toa o te whakataetae kapa haka ā-rohe o Manawatū-Horowhenua. 

Ka uru atu hoki ki ngā whakataetae pūkōrero o Ngā Manu Kōrero, o Ngā Wāhine Māori Toko i te Ora, o Race Unity hoki, ā, he whai wāhitanga anō mō rātou ki te oke ki te hiranga hei pūkōrero, kia whakaaweawetia rātou, ā, kia whakaaweawe hoki i ētahi atu. Ka kitea ki ngā ākonga tō rātou manawa whakahī mō tō rātou kura me āna tūmomo kaupapa. 

E puāwai ana ngā ākonga mā roto mai i te atawhai, me te kaha o te taiao ki te whakamanawa i te whai a te takitahi, a te takitini hoki i te hiranga. E whakarato ana te marau i ngā huarahi auaha me ngā wheako ako ki ngā ākonga, ā, e poipoi ana i tō rātou waiora ā-mātauranga, ā-hākinakina, ā-ahurea hoki mā te whakahāngaitanga atu ki ngā tikanga whakaaro o Te Whare Tapa Whā. Ka whakatakotohia e ngā ākonga katoa ō rātou whāinga, ā, kua āta whakaarohia te mahere ahu whakamua ā tēnā me tēnā o ngā ākonga. He tokoiti ngā ākonga ki ia akomanga, ā, e tautokona ana ngā ākonga e ngā kaiako hākinakina, e ngā kaiako, e ngā pou ārahi hoki e aro nui ai ki a rātou, ā, e tino mōhio ana ki a rātou me ō rātou wawata. Ka whai wāhi mātātoa atu ngā ākonga ki ngā hōtaka akoranga e aro nui ana ki te reo matatini me te pāngarau. Ka whai wāhi atu rātou ki te whakapakari tinana i ia rā, ā, ka ako hoki i te taioranga kai me te whai oranga. Ka whakahaerehia te whakapakari tinana e ngā kaiako e mātau ana hei kaiwhakangungu, hei kaitākaro ikeike rānei i tō rātou hākinakina. Nā tēnā, e hāpai ana ngā hōtaka i te tupu me te pakari o te taha hākinakina o ngā ākonga. E tino tautokona ana te whakawhanaketanga o ngā ākonga i te papai o ngā tūāhuatanga, ngā pūkenga, ngā pūmanawa, me te aronga hinengaro ako e whakatairanga katoatia ana tō rātou tū ki ngā hākinakina me tā rātou angitu i roto i te mātauranga. 

E eke ana ngā ākonga o MANUKURA ki tua atu i ngā taumata ā-motu i roto i tā rātou whiwhinga i Te Taumata Mātauranga ā-Motu kua Taea ki te Taumata 1, te Taumata 2, me te Taumata 3. Ko ngā paetae ā-kura mō te tau 2023 e tohu ana mō ngā ākonga i whai wāhi atu ai ki Te Taumata Mātauranga ā-Motu kua Taea, i whiwhi te 100% o rātou i Te Reo Matatini me te Pāngarau ki te Taumata 1, te Taumata 2, me te Taumata 3, ā, i whiwhi te nuinga i ngā whakamanatanga o te kaiaka, o te kairangi rānei. Mō ngā ākonga o te Tau 13, e 90% o rātou i whakatutuki i te Tiwhikete Whakauru Whare Wānanga, ā, ko te 47.2% kē te tatauranga ā-motu. E puāwai ana ngā ākonga o MANUKURA, ā, e eke panuku ana i roto te mātauranga. 

I roto i te roanga o te wā, kua whakaritea e ngā kaiārahi te whai kawenga ngātahi ki te angitu o ngā rangatahi. Ko te aronga ki te tohatoha i te ārahitanga e whakaaweawe ana i te whai i te hiranga me te noho ngākau nui o ngā kaimahi katoa. He kaha te mahi ngātahi a ngā pou ārahi, ngā kaiako hākinakina, me ngā kaiako, ā, ka hui i ia te wā ki te whakamahere me te aromātai i ngā hōtaka. E whai hua ana ngā pūnaha ki te hāpai me te aroturuki i te ahu whakamua a ngā ākonga ki te whakatutuki i ō rātou whāinga, me te aromatawai i tō rātou waiora, tā rātou ahu whakamua, me ā rātou whakatutukitanga. Waihoki, e tino tautokona ana te whakawhanake tonutanga o ngā kaimahi, me tā rātou whakatutuki haere i ō rātou ake whāinga. Ka whakanuia, ka whakapāhotia te angitu ā-mātauranga, ā-hākinakina hoki ki te whānau, ki ngā iwi, me te hapori whānui. He tokomaha ngā ākonga i whiwhi i ngā karahipi whare wānanga, ā, e tū ana hoki ki ngā taumata ā-rohe, ā-motu hoki i roto i ngā hākinakina. Ko tētahi tūāhuatanga motuhake i tērā tau, ko te whiwhinga o ngā ākonga MANUKURA e toru i te karahipi whakahirahira o Ngārimu. Ka whakawhanake ngā rangatahi i ngā waiaro me ngā pūmanawa e kaha hāpai ana i tō rātou tū ki te ārahi i roto i ō rātou hapori, i runga hoki i ngā huarahi e whāia ana e rātou. 

Kei te mātātoa, kei te pakari hoki te tū me te hāpai o ngā kaitiaki i te taiao ako o MANUKURA i roto i ā rātou mahi tiaki. Ka kawe mai rātou i te tangongitanga o ngā tūāhuatanga papai, ngā mōhiotanga, me ngā pūkenga ki ā rātou mahi. Ka whakahaere rātou i tētahi turepapa kē, ā, he māngai nō ngā marae, he tūranga hohoko anō hoki kia whai wāhi atu ai ngā tautōhito ki te poari mō ngā kaupapa e tika ana kia tirohia e te mātanga. Kua roa nei te nuinga o ngā mema o te poari e whai wāhi atu ana ki a MANUKURA. E whakautea ana rātou hei kaiārahi, ā, ka kitea tō rātou ngākau nuitanga ki te whakapūmau i te anamata papai mō te katoa i roto i tā rātou ako me tō rātou hapori whānui. Ko te tauākī taketake, te tirohanga, me te aronga rautaki a MANUKURA e aro nui ana ki te hiranga mā roto mai i ngā kaupapa Māori e pou herea ana ki ngā tikanga o Tahuriwakanui, ā, koia nei tētahi tūāhuatanga matua o ngā wheako mātauranga o ngā ākonga. Kua tino whai hua ngā kaitiaki ki te whakatutuki i ngā whāinga o te pae tawhiti, hei painga mō te kura, te whānau, te hapū, me te iwi. E whai hua ana ngā kaiārahi, ngā kaiako, ngā ākonga, me ō rātou whānau nā ngā whakataunga nahanaha i āta whakaarohia ai, me te aronga pū o ērā ki tō rātou waiora me tō rātou tōnuitanga. 

Ngā Whakaritenga Matua ka whai ake

Me whai whakaaro ngā kaiārahi marau ki te aromātai i te hōtaka o te tau 9 me te tau 10, hei tautuhi i te angitu o taua hōtaka. Kua rua tau i nāianei te hōtaka tuitui akoranga a ngā tēina e whakamahia ana. He hua o roto i te whakatutukitanga o tētahi aromātai hei āta whakatau i tēnā e whai hua ana, i te hunga e whai hua ana, me ngā tūāhuatanga hoki e taea ana te whakapai ake. Ka whai hua ngā ākonga mā te aromātai tonutanga o ngā pūnaha me ngā whakaritenga. 

5 Te Whakatau a te Poari ki ngā Wāhanga Tautukunga

I mua i te aromātai, i whakatutukihia e te poari me te tumuaki o te kura he Tauāki Kupu Tūturu a te Poari me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae ākonga: 

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga 
• ngā rēhita a ngā kaiako 
• te tukanga whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura

6 Te Taunakitanga

E taunaki ana Te Tari Arotake Mātauranga kia whakamahia tonuhia te papai o ngā tukanga aromātai o roto, hei whakapūmau, hei whakatairanga tonu i ngā putanga hiranga mō ngā ākonga. 

Darcy Te Hau
Toka ā Nuku 
Te Uepū-a-Motu – Māori Services
26 Pipiri 2024

7 Ngā kōrero e pā ana ki te kura

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi. 

2 Context

Ko Whakaari te maunga
Ko Otoko te awa
Ko Tahuriwakanui te hapū
Ko Ngāti Kauwhata te iwi

MANUKURA is a Years 9 to 13 designated character school in Palmerston North. There are strong connections with the local hapū, Tahuriwakanui. The kura relocated in early 2024 to new facilities adjoining Te Kunenga o Pūrehuroa - Massey University. The kura offers a curriculum focused on facilitating rangatahi academic, sporting, and cultural excellence. ‘Kia Aorangi Ake’ “He mokopuna tāku iti, he tipuna tāku nui “expresses MANUKURA whānau commitment to supporting and empowering all students to learn and achieve personal excellence. A longstanding member of the leadership team has recently been appointed to the tumuaki position. 

3 Evaluation Focus

How effectively do students show they achieve success in academic and sporting excellence and cultural wellbeing?

Students exemplify ‘kia Aorangi te titiro’ as they excel in academic, sporting and cultural excellence. 

4 Findings

Students develop as confident and connected learners who are at ease in te ao Māori. Their success is nurtured through culturally responsive pedagogy, high expectations and respectful reciprocal relationships underpinned by whanaungatanga. The physical environment and learning contexts reflect te ao Māori, and in particular the tikanga of Tahuriwakanui, Ngāti Kauwhata and Rangitāne. Students show an enthusiasm for participating in te ao Māori. Kapa haka enables students to contribute to the revitalisation and promotion of te reo and tikanga Māori. As first-time participants in the National Secondary competition, they made the top nine finalists. MANUKURA are currently the Regional Kapa Haka champions for Manawatū -Horowhenua.

Competing at Ngā Manu Kōrero, Wāhine Māori toko i te Ora and Race Unity provides an additional opportunity for them to strive for oratory excellence, be inspired and to inspire others. Students demonstrate pride in their kura and its kaupapa.

Students thrive in a culture of care, and an environment that inspires the pursuit of individual and collective excellence. The curriculum provides students with innovative pathways and learning experiences that nurture their academic, sporting and cultural wellbeing aligned to the philosophy of Te Whare Tapa Whā. All students set goals and have well considered personalised progress plans. Class sizes are small, and students are supported by attentive coaches, teachers and mentors who know them and their aspirations well. Students actively engage in learning programmes that have an emphasis on literacy and numeracy. They participate in daily physical activity (conditioning) and learn about nutrition and living a healthy lifestyle. Conditioning is led by teachers who are experienced trainers and or elite players of their sporting code. Consequently, programmes support students’ athletic growth and ability. Students are well supported to develop positive attributes, skills, talents, and a learning mindset that enhances their sporting performance and educational success. 

MANUKURA students are exceeding nationally in their attainment of National Certificates of Educational Achievement (NCEA) at Levels 1, 2 and 3. School achievement data for 2023 shows 100% of students who participated in NCEA, achieved Literacy and Numeracy at Levels 1, 2 and 3 and most attained merit or excellence endorsements. In Year 13, 90% of students completed the University Entrance compared with 47.2% nationally. MANUKURA students are flourishing and excelling academically.

Leaders, overtime, have established a strong culture of collective responsibility for rangatahi success. A distributive leadership model inspires a pursuit for excellence approach and commitment from all staff.  Mentors, coaches and teachers are highly collaborative and meet regularly to plan and evaluate programmes. Efficient systems are in place to support and monitor student’s progress toward achieving their goals and for assessing their wellbeing, progress and achievement. Similarly, staff are well supported to continually develop professionally and to achieve their personal goals. Academic and sporting success is celebrated and shared with whānau, iwi and the local community. Several students are recipients of university scholarships and are representatives in sports at provincial and national levels. A highlight was the three MANUKURA students who received the prestigious Ngarimu scholarship last year. Rangatahi develop positive attitudes and attributes that position them well to be leaders within their communities and chosen fields. 

Trustees actively represent and serve the MANUKURA learning community well in their stewardship role. They bring a range of useful attributes, knowledge and skills to their responsibilities. They operate an alternative constitution, that includes local marae representatives and an alternating position that allows specialists to sit on the board for kaupapa that require an expert lens. Most members of the board have a long serving association with MANUKURA. They are respected leaders who demonstrate a shared commitment to securing a positive future for all in their learning and wider community. The MANUKURA mission statement, vision and strategic direction emphasises excellence in a Māori kaupapa underpinned by tikanga of Tahuriwakanui and this is an integral part of students’ educational experience. Trustees have been highly successful in achieving goals set overtime for the betterment of the kura, whānau, hapū and iwi. Leaders, teachers, students and their whānau benefit from considered and deliberate decision-making that has a relentless focus on their wellbeing and prosperity. 

Key Next Steps

Curriculum leaders should consider evaluating the Years 9 and 10 programme to determine its success. The Junior Integrated Studies programme is in its second year of implementation. It would be useful to undertake an evaluation to ascertain what is working well and for who, and where further improvements could be made. Students benefit through the ongoing evaluation of systems and practices. 

5 Board Assurance on Legal Requirements

Before the review, the board and principal of the school completed the ERO Board Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• school management and reporting
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on students' achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

6 Recommendation

ERO recommend continuing to utilise effective internal evaluation processes to sustain and further enhance excellent outcomes for students.

Darcy Te Hau 
Toka-ā-Nuku – Director
Te Uepū ā-Motu – Māori Review Services

26 June 2024

7 Information about the kura