Te Kura a Iwi o Pawarenga

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.

2 Te Horopaki

E tū pā tata ana Te Kura ā-Iwi o Pawarenga ki te marae o Mōrehu, ki Pawarenga. Ko Te Uri o Tai te hapū. Kua hono atu te kura ki Ngā Kura ā Iwi o Aotearoa.

I te wā o te arotake, i te whakahaerehia te kura i raro i te maru o ngā whakaritenga ārahi whakakapi. Nā taua tūāhuatanga, i te wā o te arotake, kāhore ngā mōhiohio katoa i te wātea. E hāngai ana te pūrongo nei ki te āhua o ngā whakaritenga i te wā tonu o te arotakenga. Tokowaru ngā tama i te rārangi ingoa o te kura i taua wā.

3 He Whakamārama

Mai i te tau 2021 ki te tau 2024, i mahi tahi Te Tari Arotake Mātauranga me ngā māngai o te kura, i a rātou i ahu whakamua ki te tū hei kura i tautapaina ai hei kura motuhake. I tuku pūrongo Te Tari Arotake Mātauranga ki te Tāhuhu o te Mātauranga mō te rite o te kura ki te whakapuare i te Paenga-whāwhā o te tau 2024. I tohu ngā whakaaturanga a Te Tari Arotake Mātauranga i te whakatakotoranga o ngā mahere rautaki, ngā mahere ā-tau hoki, ngā whakaritenga pūrongo, me ngā tukanga hoki mō te arotake whaiaro. I te tīmatanga tonu o te whakatinanatanga, ko ngā tukanga e pā ana ki te whakahaere pūmanawa tāngata. I taua wā, kua whakawhanakehia tētahi marau ā-kura, ā, i te rawaka ngā mahere ki te ārahi i ngā whakaakoranga me ngā akoranga mō te toenga o te tau 2024.

I kitea e Te Tari Arotake Mātauranga, ko ngā whakaritenga matua ka whai ake i taua wā, ko te whakapai tonu i te marau e aro nui ai ki te ākonga, ko te aromatawai i te ahu whakamua me ngā paetae a ngā uri, me te whakapakari i ngā mahi aromātai hei whakatutuki i ngā putanga i wawatatia ai mō ngā uri.

Ko ngā kitenga aromātai i te taenga atu ki kura i tēnei wā e tohua ana, kīhai ngā whakaritenga papai o mua i whakapūmautia, ā, e tāwēwē tonu ana ngā whakaritenga matua i tautuhia ai i te tau 2024 kia whāia.

4 Te Aronga o te Aromātai 

He pēhea rawa te rongo o ngā uri i te angitu me te waiora?

Kei te whakakōroiroitia te angitu me te waiora o ngā uri.

5 Ngā Whakaaturanga 

He ākonga mahira ngā uri. Ka whakarongo rātou ki te reo ōkawa i a rātou e whai wāhi atu ana ki ngā tikanga me ngā kawa e pā ana ki te whakatau manuhiri. Ka kitea tō rātou pākiki, ā, ka tuku pātai rātou kia whai māramatanga. Ka noho maioha ngā uri ki ngā wā ki te whakapuaki i ō rātou taha auaha mā ngā mahi toi. He whai wāhitanga mō ngā uri ki te uru atu ki ngā akoranga eke hōiho. Whakataka ai ngā tina whai oranga i ia rā, ka ngata ngā uri, ā, ka poipoi anō hoki i te whanaungatanga. E ngākau nui ana ngā uri ki te whai wāhi atu ki ngā taumahi me ngā wheako e noho hihiri ana ki a rātou.

Ngā Whakaritenga Matua ka whai ake

Me whakapai ake i te ārahitanga o te marau me ngā whakahaeretanga o ia rā. Me whakapakari ake i te whakamahere, i te whakatinana, me te aromātai i te marau. Me whai tautoko ngā kaiako ki te whakapakari i ō rātou pūkenga raraunga, me te aromatawai i te ahu whakamua me ngā paetae a ngā uri kia whai hua ai, kia pai ake anō ai hoki te ārahitanga o ngā whakaakoranga me ngā akoranga. Kāhore i te riterite ngā tukanga me ngā whakaritenga ka whakatairanga i te haumaru - ā-tinana, ā-whatumanawa hoki – o te taiao ako mō ngā uri.

Me whai tautoko Te Poumarumaru ki te āta whakatutuki i ā rātou kawenga mahi. I te poari e arotahi ana ki te whakatika i ētahi take pakeke, kei te whakatōhenehenetia te āhua o te rā o ngā uri – ā-waiora, ā-akoranga hoki. Kei te tawhito rawa ngā mahere rautaki, ā, kīhai Te Tari Arotake Mātauranga i whiwhi i tētahi mahere whakatinanatanga ā-tau. Kei te ngoikore ngā pūrongo a te tumuaki ki Te Poumarumaru, ā, kāhore i te rawaka kia whai mōhiohio ai rātou i roto i ā rātou whakataunga. Kāhore te arotake moroki o ngā kaupapa here me ngā tukanga kia whakatinanahia i ia te wā. Kāhore i te tino pai te whakahaeretanga o ngā mahi marau-turuki me te mātauranga ki tua atu i te akomanga, ā, i ētahi wā, kei te pā tōraro ki te waiora o ngā uri. Kāhore ngā whakaritenga tuku mahi e whakatutuki ana i ngā herenga o te Children's Act 2014. Kei te whakakōroiroitia te waiora me te hauora o ngā uri, tae atu hoki ki tā rātou ako me tā rātou ahu whakamua.

E tautoko ana ngā whakaaturanga aromātai a Te Tari Arotake Mātauranga i te whakataunga a ngā kaiārahi me ngā whānau ki te whakatū i tētahi wānanga ki te taha o ngā hapū, me te whakahou ake i te mahere rautaki. He whai wāhitanga anō hoki te wānanga ki te arotake me te whakakoia, te whakatika rānei i te tirohanga rautaki me ngā uara o te kura, kia hāngai ai ērā ki ngā wawata o te katoa. Ka whai hua ngā uri i te wā e arotahi ana ngā kaiārahi, ngā kaiako, ngā whānau, me ngā hapū ki anamata.

Nō te mutunga o te arotake i whakahaeretia e ERO, kua whakaritea e te poumarumaru tētahi mahere e tutuki ai rātau i ngā āhuatanga me whai ake me ngā herenga ā ture kua tuhia ki tēnei pūrongo. 

6 Te Whakatau a Te Poumarumaru ki ngā Wāhanga Tautukunga

I mua i te aromātai, i whakatutukihia e te poari kaitiaki me te tumuaki he Tauāki Kupu Tūturu a Te Poumarumaru me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa.

I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga: 

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• ngā rēhita a ngā kaiako
• te tukanga whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• te whakatutukitanga o ngā kaupapa here o te kura i ngā tikanga o te Children's Act 2014.

Hei whakatutuki i ā rātou herenga ā-ture, me tahuri rātou ki te:

• whakarato ki ngā ākonga katoa o ngā tau 1 ki te 8, ngā whai wāhitanga ki te ahu whakamua me te eke angitu i roto i ngā wāhanga katoa o The National Curriculum. Me te mea hoki, mā te tātari i ngā mōhiohio aromatawai, me tautuhi i ngā rōpū kāhore e ahu whakamua ana, e whai angitu ana, kei te noho mōrearea rānei ki te kore ahu whakamua me te kore whai angitu, ā, me whakawhanake, me whakatinana hoki i ngā rautaki whakaako me ngā rautaki ako e whakatutuki ai i ngā matea o aua ākonga, i ngā wāhanga hoki o te marau hei āta tirohia.
  [s127, 164, 165 Te Ture Mātauranga me te Whakangungu 2020, me Ngā Kaupapa Matua ā-Motu mō te Mātauranga me te Ako 1, 2, 3, 4 me te 6]
• whakawhanake – ki te taha o te tumuaki, ngā kaimahi whakaako, me te hapori o te kura – tētahi mahere rautaki e whakatakoto ana i ā rātou mahi ki te whakatinana i  Ngā Kaupapa Matua ā-Motu mō te Mātauranga me te Ako, mā roto mai i ā rātou kaupapa here, ā rātou mahere, me ā rātou hōtaka, tae atu ki te marau, te aromatawai, me te whakawhanaketanga ngaio o ngā kaimahi.
  [s138(1) me te (2) Te Ture Mātauranga me te Whakangungu 2020]
• whakarato i te tātaringa o ngā tūmomo rerekētanga katoa ka puta ki waenga i te āhua mahi o te kura me ngā whāinga, ngā tūmanako, ngā aronga, ngā kaupapa matua, me ngā taumata i whakatakotohia ai ki te tūtohinga o te kura.
  [s134 (1)(a) Te Ture Mātauranga me te Whakangungu 2020]
• whakatinana i ngā tukanga mō te whakahaeretanga o ngā tūāhuatanga mōrearea i ngā haerenga o te kura me te mātauranga kei tua atu i te akomanga.
  [Ngā Herenga ā-Ture mō te Hauora me te Haumaru i te Mahi – Ngā Aratohu EOTC]
• whai whakaaro matua ki te arotake i ngā kaupapa here, ngā tukanga, me ngā whakaritenga o te kura e pā ana ki te whakahaeretanga o te whanonga uaua me te whakatina ākonga, ā, me āta whakatau hoki i te noho mōhio o ngā mātua, ngā ākonga, ngā kaimahi o te kura, me te hapori ki aua tūāhuatanga.
  [s99 Te Ture Mātauranga me te Whakangungu 2020, Ngā Ture Mātauranga (Whakatina Ākonga) 2024]
• whakatinana i ngā whakaritenga e tika ana mō te whakahaeretanga o ngā pūmanawa tāngata, tae atu ki:

1. te whakatutukitanga o te arowhai a ngā pirihimana i ngā kaimahi i mua i te tīmatanga o te tangata ki te mahi ki te kura; me
2. te whai whakaaro ki ngā mōhiohio i te arowhai a ngā pirihimana, hei āta tātari ina āe rānei, kāhore rānei he tangata ka whakamōrearea pea i te haumaru o ngā tamariki ina mahi ia ki te kura.
   [Education and Training Amendment Act 2023, Children’s Act 2014]

• āta whakatau i tētahi mahere ohotata mō te wāhi mahi. Me whakatakoto te mahere ohotata i ngā tukanga ohotata, tae atu ki ngā aronga ka whai hua ina ka pupū ake tētahi ohotata, ngā tukanga

1. hōneatanga, ngā tukanga mō te whakamōhio wawe i ngā ratonga ohotata, me ngā tukanga whakaora, tukanga āwhina hoki.
   [s127 (1)(b) Te Ture Mātauranga me te Whakangungu, Te Ture mō te Hauora me te Haumaru i te Mahi 2015]

7 Te Taunakitanga

I runga i ngā tikanga o te Wāhanga 171 o Te Ture Mātauranga me te Whakangungu 2020, e taunaki ana Te Tari Arotake Mātauranga kia whai whakaaro te Tāhuhu o te Mātauranga ki te whakatū i tētahi Kaiwhakahaere Manatū ā-wā, hei kawe i ngā mahi a te poari e whai ake nei, arā, i te:

• whakahaeretanga o te hononga ki waenga i te poari me te tumuaki
• hāpai i te whakamahere rautaki me te whakatinanatanga,
• hauora, te haumaru, me te waiora o ngā uri, me te
• whakapuakitanga o te marau. 

E taunaki ana hoki Te Tari Arotake Mātauranga kia mahi tonu ngā kaiārahi me ngā kaimahi ki te taha o Ngā Kura ā Iwi o Aotearoa i ngā wā e tika ana.

Tiwana Hibbs 
Toka ā Nuku - Director
Te Uepū ā-Motu – Māori Review Services

17 Hakihea, 2025

8 Ngā kōrero e pā ana ki te Kura 

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi.

2 Context 

Te Kura a Iwi o Pawarenga is located near Morehu Marae, in Pawarenga. Te Uri o Tai is the local hapū. The kura affiliate to Ngā Kura-ā-Iwi o Aotearoa.

At the time of the review, the kura was operating under temporary leadership arrangements. The review was conducted during this period, and due to the nature of the situation, not all information was accessible. This report reflects the conditions that were present at the time of review. There were eight boys enrolled at the kura.

3 Background 

ERO worked with representatives of the kura from 2021 to 2024 as they progressed toward becoming a self-managing Designated Character School. ERO reported to the Ministry of Education on the preparedness of the kura to open in April 2024. ERO’s findings showed strategic and annual planning, reporting practices, and processes for self-review were in place. Human resource management processes were in the early stages of implementation. A marau ā-kura had been developed, and there was sufficient planning in place to guide teaching and learning for the remainder of 2024.

ERO recognised key next steps as further improving a responsive curriculum, assessing uri progress and achievement, and strengthening evaluation practice to achieve the desired outcomes held for uri.

Evaluation findings from the visit indicate that the good practice previously described has not been sustained, and the key next steps identified in 2024 still require attention.

4 Evaluation Focus

To what extend do uri experience success and wellbeing?

Uri success and wellbeing is compromised.

5 Findings

Uri are curious learners. They listen to formal language as they participate in tikanga and kawa when welcoming manuhiri. They show curiosity and ask questions to gain insight. Uri appreciate moments to express creativity through mahi toi. Uri have opportunities to participate in horse riding lessons. Healthy lunches are prepared daily and appreciated by uri, fostering whanaungatanga. Uri enjoy participating in activities and experiences of interest to them.

Key Next Steps

Curriculum leadership and the day-to-day operation of the kura require improving. Curriculum planning, implementation, and evaluation require strengthening. Kaiako require support to build their data literacy and effectively assess uri progress and achievement to guide teaching and learning better. Procedures and practices that promote a safe physical and emotional learning environment for uri are inconsistent.

The poumarumaru require support to effectively carry out their responsibilities. While the board is currently focused on resolving some challenging issues, the day-to-day wellbeing and learning of uri is disrupted. Strategic planning is outdated; ERO was not provided with an annual implementation plan. Tumuaki reporting to the poumarumaru lacks rigour and is not sufficient for them to make informed decisions. The ongoing review of policies and procedures has not been consistently implemented. Extra-curricular activities and education outside of the classroom are poorly managed and at times detrimental to the wellbeing of uri. Employment practices do not meet the requirements of the Children’s Act 2014. Uri wellbeing, safety, learning, and progress is compromised.

ERO’s evaluation findings agree with leaders and whānau decision to hold a wānanga with hapū to update the strategic plan. The wānanga could also provide the opportunity to review, reaffirm, or amend the kura strategic vision and values to reflect the aspirations of all. Uri benefit when leaders, kaiako, whānau, and hapū are future focused.

Since the ERO onsite visit, the poumarumaru have developed an action plan to address the areas for further improvement and non-compliances in this report. 

6 Te Poumarumaru Assurance on Legal Requirements

Before the evaluation, the board of trustees and tumuaki completed the ERO Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• asset management.

During the evaluation, ERO checked at the following items because they have a potentially high impact on student safety and wellbeing:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance
• school policies in relation to meeting the requirements of the Children’s Act 2014.

Actions for Compliance 

To meet compliance requirements they must:

• provide all students in Years 1 to 8 with opportunities to progress and achieve success in all areas of The National Curriculum. And through the analysis of assessment information, identify groups who are not progressing and achieving or are at risk of not progressing and achieving and develop and implement teaching and learning strategies to address the needs of these students, and aspects of the curriculum which require particular attention.
  [Sections 127, 164, 165 Education & Training Act 2020 and NELPs 1, 2, 3, 4 and 6]
• with the principal, teaching staff and school’s community, develop a strategic plan which documents how they are giving effect to the National Education Guidelines through their policies, plans and programmes, including curriculum, assessment and staff professional development.
  [Section 138(1) and (2) Ed & Training Act 2020]
• provide an analysis of any variance between the school’s performance and the relevant aims, objectives, directions, priorities, or targets set out in the school charter.
  [Section 134(1)(a) Education & Training Act 2020]
• implement risk management procedures for school trips and education outside the classroom.
  [Health and Safety at Work Legislation – EOTC Guidelines]
• give priority to reviewing policies, procedures and school practices for managing challenging behaviour and using physical restraint, and ensure parents, students, school staff and the community know about these.
  [Section 99, Education and Training Act 2020, Education (Physical Restraint) Rules 2024]
• ensure suitable human resource management practices are implemented, including:
  (a)  obtaining a Police vet before a person starts work at the school and, 
  (b)  considering the information contained in the Police vet to assess whether the person would pose a risk to the safety of children if the person were to carry out work at the school.
  [Education and Training Amendment Act 2023, Children’s Act 2014]
• ensure there is an emergency plan with relevant drills completed for the workplace. The emergency plan must provide emergency procedures, including an effective response to an emergency, evacuation procedures, procedures for notifying emergency service organisations at the earliest opportunity and medical treatment and assistance procedures.
  [Section 127(1)(b) Education and training Act. The Health and Safety at Work Act 2015]

7 Recommendation

In accordance with Section 171 of the Education and Training Act 2020, ERO recommends the Ministry of Education considers the appointment of a Limited Statutory Manager (LSM) to assume responsibility for the following board functions:

• managing the relationship between the board and tumuaki
• supporting strategic planning and implementation
• the health, safety, and wellbeing of uri and,
• curriculum delivery.

ERO also recommends that leaders and kaimahi continue to work with Ngā Kura-ā-Iwi o Aotearoa where appropriate.

Tiwana Hibbs 
Toka ā Nuku - Director
Te Uepū ā-Motu – Māori Review Services
17 December 2025

8 Information about the Kura