Te Kura Akonga O Manurewa

 

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

“Tohua ngā whakatipuranga

Ki te inu i te puna,

O te mātauranga

Kia hora ai te whakaruruhau

O te oranga

Ki runga ki te iwi

Kia kaha, kia toa, kia manawanui!”

E tū ana Te Kura Akonga o Manurewa ki te hapori o Manurewa, ki Tāmaki-makau-rau ki te tonga. E whakarato ana te kura i te mātauranga kaupapa Māori ki ngā ākonga o ngā tau 1 ki te 8. Whai muri i te arotake o mua a Te Tari Arotake Mātauranga i te tau 2020, kua pā mai ngā whakarerekētanga nui ki ngā tūnga o ngā kaimahi me ngā kaitiaki o te poari. Kua tonoa e Te Kura Ākonga o Manurewa kia tū hei kura āhuatanga motuhake.  

3 Te Aronga o te Aromātai

He pēhea rawa te whakatinana mai o ngā ākonga i te angitu?

Ka whakarato Te Kura Akonga o Manurewa i tētahi taiao e hāpai ana i ngā ākonga, ā, e whakapuaki ana hoki i ngā whai wāhitanga mō rātou ki te eke angitu.

4 Ngā Whakaaturanga

Te Ārahitanga

Ko tā te ārahitanga i te kura, he mahi whakakotahi, he mahi whakatōpū hoki. Ka whakatauira te tumuaki ki ngā kaimahi me te whānau, ko ngā tūmanako nui mō te eke angitu. He mārama te tirohanga, ā, e poipoi ana te rōpū ārahi i tētahi taiao ako ngaio e aro nui ana ki ngā matea o ngā ākonga. He aronga rautaki ki te waihanga i tētahi hapori ako e arotahi ana ki te waiora o ngā ākonga, me tā rātou eke angitu. Ka whakanuia e te whānau te ārahitanga i āta whakakaha ai i te nui o te tautoko i whiwhi rātou i te nohonga rāhui roa. Ko te tōpūtanga o ngā huarahi ako a te kura, i tū hei tauira kairangi i whakaatuhia ai e te Tāhuhu o te Mātauranga mā ētahi atu kura. He pūrongo matawhānui ka whakatutukihia i ia te wā mō ngā paetae ākonga me te ahu whakamua. E ākina ana ngā ākonga kia eke angitu.

Ngā Paetae Ākonga

I whakapiki tonu ngā paetae ākonga, ahakoa te pā mai o te Kowheori ki Tāmaki-makau-rau. Kei te tino māramahia e ngā kaiako ngā taumata paetae a ia ākonga. Ka whakarato rātou i ngā tātari, ā, ka whakatakoto hoki i ngā taumata e hāngai pū ana ki ia akomanga. E tohu ana ngā hōtuku i te whai huatanga o te whakapai ake i ngā putanga o ngā tau 7 me te 8. Ka oke ngā ākonga ki te eke angitu i roto i tā rātou ako.

Te Whakaako me te Ako

He māramatanga pai tō ngā kaiako ki ō rātou tūranga me ā rātou kawenga hei mātanga. Ka āta kitea tā rātou ngohengohe me tā rātou ū ki te waihanga i ngā hōtaka e whakatutuki ana i ngā matea o ngā ākonga me ngā whānau. Ko te whakawhanaketanga ā-kura i te ako matihiko me te ako ā-ipurangi i whakatairanga i ngā paetae ākonga me tā rātou whai wāhi atu ki te ako. He auaha ngā kaiako, ā, i aro nui ki ngā whānau me ngā ākonga i te wā noho rāhui. I mahi ngātahi rātou kia haere tonu ai ngā akoranga i ngā kāinga. Ko tētahi aronga, ko te whakatinana i te mahere ako reo mā te whānau, kia nui ake ai te whai wāhi mai a te whānau. Kua whai wāhi nui ngā ākonga ki ā rātou akoranga.

Ngā Whakaritenga Matua ka whai ake 

Tērā tonu ētahi tino āhuatanga e whakamōrea ana i te hauora me te haumaru o ngā ākonga me ngā kaimahi. Kua whakatutukihia e te poari ngā take katoa e āhei ai rātou mō te āhua tonu o te wāhi ako. Engari, kāhore anō kia whakatutukihia ētahi tino take e pā ana ki te āhua o ngā whare.

Me whakapakari ake i te taha kāwana me te aromātai o roto. He hou katoa te poari, nō muri mai i te haerenga o mua a Te Tari Arotake Mātauranga ki te kura i te Whiringa-ā-nuku o te tau 2020. I tēnei wā kei te whakangungu rātou hei whakapakari ake i ngā whakaritenga kāwana. E noho ngākau nui ana ngā kaitiaki katoa o te poari, ā, ka whai pānga nui ki te whakatairanga tonu i te eke angitu o ngā ākonga. Kei te whanake tō rātou māramatanga ki ngā tini tūāhuatanga o te aromātai o roto. Ko te waiora o ngā ākonga, ko tā rātou eke angitu hoki, kei te pūtake o ngā whakataunga.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)

• te haumaru ā-tinana o ngā ākonga

• te rēhitatanga o ngā kaiako

• ngā tukanga ki te whakatū kaimahi

• te whakaunu, te aukati, te pana me te whakarerenga

• te tae ā-tinana atu a ngā ākonga ki te kura

• ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.

6 Te Taunakitanga

I whakawhanakehia e Te Tari Arotake Mātauranga me poari o te kura ngā taunakitanga e whai ake nei, arā, kia:

• mahi tonu te kura me te poari ki te taha o te Tāhuhu o te Mātauranga, ki te whakatutuki wawe i ngā āhuatanga o ngā wāhi whakaako me ngā whare ako e whakamōrea ana i te hauora tangata

• whakapakari tonu te poari i tō rātou mōhiotanga ki ngā kawenga kāwana, me tā rātou whakatinanatanga i aua tūāhuatanga.

Rita Walker
Toka ā Nuku Whakakapi
Te Uepū-a-Motu – Māori Services

20 Mahuru, 2022

7 Ngā kōrero e pā ana ki te Kura

Te tūwāhi	Kei Manurewa
Te tau a te Tāhuhu o te Mātauranga	1619
Te tūmomo kura	He kura āhuatanga motuhake
Te tokomaha o ngā ākonga o te kura	83
Ngā hononga ā-iwi	Māori 83
Ngā āhuatanga motuhake	Kura Motuhake
Te wā i te kura te rōpū arotake	Pipiri 2022
Te wā o tēnei pūrongo	20 Mahuru 2022
Ngā pūrongo o mua a	Arotake Mātauranga, Pipiri 2021; Arotake Mātauranga, Kohi-tātea 2019

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

“Tohua ngā whakatipuranga

Ki te inu i te puna,

O te mātauranga 

Kia hora ai te whakaruruhau  

O te oranga 

Ki runga ki te iwi 

Kia kaha, kia toa, kia manawanui!”. 

Te Kura Akonga o Manurewa is based in Manurewa, South Auckland. The kura provides kaupapa Māori education for students Years 1-8. Since the last ERO review in 2020, there have been significant changes to staff and board of trustee's members. Te Kura Ākonga ō Manurewa has made application to be recognised as kura of special character.

3 Evaluation Focus

How well do students demonstrate success? 

Te Kura Akonga o Manurewa provides an environment where students are supported and given the opportunity to achieve success. 

4 Findings

Leadership

Leadership within the kura is inclusive and collaborative. The Tumuaki models high expectations for achievement to kaimahi and whānau. There is a clear vision and the leadership team have fostered a learning environment that is professional and responsive to student needs. There is a strategic approach in creating a learning community focused on student wellbeing and success. Whānau value the contribution of leadership for the level of support provided during the long period of lockdown. The kura hybrid learning model became the exemplar shared by the Ministry of Education with other Auckland kura. There is regular detailed reporting on student achievement and progress. Students are encouraged to achieve success. 

Student Achievement

Student achievement continued to improve despite the covid situation in Auckland. Kaiako have a clear understanding of achievement levels for each student. They provide analysis and set class focussed targets. Data shows the focus on improving outcomes for Years 7 and 8 has been successful. Students will strive to succeed in their learning. 

Teaching and Learning

Kaiako have a good understanding of their roles and responsibilities as professionals. They display considerable flexibility and commitment in creating programmes that meet the needs of students and whānau. Kura wide development in digital and online learning has enhanced student achievement and engagement. Kaiako were innovative and responsive to whānau and students during lockdown. They worked collaboratively to enable learning to continue at home. There has been a focus on implementing a te reo learning plan for whānau to increase whānau involvement. Students are engaged in their learning.

Key Next Steps

There are still serious health and safety risks to students and staff. The board has addressed all property matters within their control. However, significant issues regarding the state of the buildings have not been addressed.

Governance and internal evaluation needs strengthening. Since ERO was last onsite in October 2020, the board are all new. They are currently undergoing training to strengthen governance practices. All board members are committed and have an investment in improvement in student success. They are developing an understanding of the multiple facets of internal evaluation. Student wellbeing and success is at the core of decision making.

5 Assurance on Legal Requirements

During the evaluation, ERO checked at the following areas:

• emotional safety of students (including prevention of bullying and sexual harassment)

• physical safety of students

• teacher registration

• processes for appointing staff

• stand-downs, suspensions, expulsions, and exclusions

• attendance

• school policies in relation to meeting the requirements of the Children’s Act 2014.

6 Recommendation

ERO and the kura board developed the following recommendations:

• that the kura and board continue to work with the Ministry of Education to urgently address the health risks posed by the state of teaching spaces and buildings 

• the board continue to improve their knowledge and application of governance responsibilities.

Rita Walker
Acting Toka-ā-Nuku – Director
Te Uepū ā-Motu – Māori Review Services

20 September 2022

7 Information about the Kura

Location	Manurewa
Ministry of Education profile number	1619
Kura type	Designated Special Character
Kura roll	83
Ethnic composition	Māori 83
Special features	Kura Motuhake
Review team on site	June 2022
Date of this report	20 September 2022
Most recent ERO report(s)	Education Review, June 2021; Education Review, January 2019