Te Kura o Kokohuia

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

“Pupuritia te mana o te huia”

E tū ana Te Kura o Kokohuia ki Castlecliff, ki Whanganui. Nō te awa o Whanganui, nō Te Awa Tupua ngā whānau me ngā tauira. Kei roto te kura i te tōpūtanga o Ngā Kura ā Iwi o Aotearoa, ā, e whakarato ana i te mātauranga kaupapa Māori ki ngā uri o ngā tau 1 ki te 15. Nō te tau 2019 Te Tari Arotake Mātauranga i arotake ai i te kura, ā, nō muri mai kua rerekē ētahi o ngā tūranga kaimahi, tae atu ki tētahi pae ārahi hou (koia rā te kupu mō te tumuaki), ā, he hou katoa te rōpū ārahi.  

3 Te Aronga o te Aromātai

He pēhea rawa te tautoko a te kura i te waiora, te ako, me te aronga toi whenuatanga o ngā tauira hei uri o Whanganui?

E arotahi ana te ārahitanga me ngā kaiako o te kura ki te whakarato i ngā tino painga ki te taiao ako, kia taea ai e ngā tauira te tupu me te whakawhanake, kia ngākau titikaha ai tā rātou whai wāhi nui hei uri o Whanganui.  

4 Ngā Whakaaturanga

E whanake ana te āheinga ki te kāwana me te ārahi. He hou ētahi o ngā kaitiaki o Te Poumarumaru, ā, ka hāpaitia rātou e ngā kaitiaki tautōhito. Kei te whakawhanake i tō rātou māramatanga me ō rātou pūkenga ki te kāwana, mā te toro atu ki ngā hui-paetukutuku e whakaratohia ana e Te Whakarōpūtanga Kaitiaki Kura o Aotearoa. Kua tae atu hoki ētahi ki Te Wānanga Arataki me ngā whakangungu i whakahaerehia ai e Ngā Kura ā Iwi o Aotearoa. He pai te hononga mahi kua whanakehia ki waenga i te heamana o tēnei wā me te pae ārahi. He aronga ki te whakatairanga i te whakawhanaketanga torowhānui o ngā tauira. E hāngai ana Te Tūnga Ahurei me te marau ā-kura ki ngā wawata o te whānau me Ngā Kai o te Puku Tūpuna Whanganui: Iwi Education Strategy 2010-2025. Ka kitea hoki ki te tūtohinga. E hāpaitia ana te whiwhinga o ngā tauira i ngā wheako ako tūturu e tūhono ana i a rātou ki Te Awa Tupua.

Ko Te Ngoi Ārahi te rōpū ārahi nō nā noa nei i whakatūngia ai, ā, e arotahi ana ki te whakatupu i tō rātou āheinga ngaio me ō rātou pūkenga ngaio, hei hāpai i te whakaako me te ako. Ko te pae ārahi he paetahi nō te kura, ā, he tino tauira ia mō te hapori o te kura. E ārahi ana Te Tūnga Ahurei i ngā whakaakoranga me ngā akoranga. Ko tā Te Kura o Kokohuia horopaki ako, he toro atu ki ngā wāhi hei akiaki i te hokinga mai o ngā huarahi ako taketake. Ko ngā atua Māori te aronga matua o te mahere ā-kura mō ngā tau e toru. Kua tuituia ngā wāhanga ako o Te Marautanga o Aotearoa ki ngā kaupapa katoa, tae atu ki te reo matatini me te pāngarau. Ko te kura ā-waho tētahi atu āhuatanga matua o ngā whakaakoranga me ngā akoranga. He whai wāhitanga mō ngā tauira ki te tae atu me te whai wāhi atu ki ngā kaupapa a ngā iwi, ngā hapū, me ngā marae. Ka whakatau ngā ruruku me ngā waiata tawhito i ngā tauira, ā, ka whakamana anō hoki i tō rātou tuakiri hei uri manawa whakahī o Whanganui. E whanake ana ngā tauira hei kaiārahi o Whanganui mō meāke nei. Ko te angitu ā-ahurea o ngā tauira, kei te pūtake o ngā whakataunga.

Ka whakamahere ngātahi ngā kaiako o te wharekura, hei ārahi i tā rātou whakaako me tā rātou ako. He tino aronga ki te whakawhanake i te tū o te tauira hei māngai mō tōna iwi. Kua tuituia Te Tūnga Ahurei ki ngā paerewa paetae. Kua whakatakotohia ngā rautaki e whakatairanga ai i te whiwhinga o ngā whakamanatanga. E hāpaitia ana te tautuhi me te whai atu a ngā tauira i ō rātou ngākau nuitanga mā te whai horopaki o ngā akoranga me ngā hōtaka umanga mahi. He aronga tā te hōtaka o te Tau 9 me te 10 ki te rironga o ngā mōhiotanga me ngā pūkenga e whakarite ai i te tauira ki te whiriwhiri hei te Tau 11 i ā rātou kaupapa mō Te Taumata Mātauranga ā-Motu kua Taea. E tohu ana ngā hōtuku o Te Taumata Mātauranga ā-Motu kua Taea i te whakatutukitanga o te nuinga o ngā tauira tau 11 ki te 13 i ngā taumata o te 1 ki te 3. I ngā tauira e whanake ana i te kura, ka rongo rātou i te angitu i roto i te mātauranga.

Ngā Whakaritenga Matua ka whai ake 

Me titiro wawe ki te ahu whakamua me ngā paetae a ngā tauira o ngā tau 1 ki te 10. I te mutunga o te tau 2022, i tohua ki ngā hōtuku o te kura, kāhore i te eke te nuinga o ngā tauira ki ngā tūmanako o te kura i roto i te reo matatini me te pāngarau. Me whakatere i tā rātou ahu whakamua. Ahakoa e whakaae ana ngā kaiārahi o te kura e tika ana kia tautokona aua tauira, kāhore he mahere e tohu ana i te huarahi ka whāia kia whakatutukihia taua tūāhuatanga. Me kaha ake te tautuhi i ngā matea o ia tauira, o ngā rōpū tauira hoki, ā, me kaha ake te arotahi atu ki te whakapai ake i ngā putanga ki ngā tauira.

Me whakapakari ake i te whakatakotoranga o ngā taumata. I tēnei wā, kei te ngoikore aua taumata, kāhore e tautuhi ana, e arotahi ana rānei ki ngā matea o ngā tauira katoa, ki ngā wāhanga rānei o te marau e tohu ana i ngā tōrite, ā, kāhore rānei e whakatakoto ana i ngā tūmanako teitei e whakatere ai i te ahu whakamua o ngā tauira e tika ana.

Kāhore anō kia whakatinanahia te huringa taiāwhio ngaio me ngā mahere tupu ngaio o ngā kaiako. Ko ngā aratohu kei te tīmatanga noa o te whakawhanaketanga. Me hāpai i ngā kaiako ki te whakatairanga tonu i ā rātou whakaritenga whakaako, i tā rātou whakatutuki anō hoki i ngā kaupapa matua a te kura. Me whakaarotau ngā kaiārahi i te kaha whakatinanatanga o tētahi tino angamahi mō te huringa taiāwhio ngaio, hei hāpai i ngā kaiako ki te whai māramatanga ki ngā rautaki whakaako e whai hua ana, me te pūtake, te tukanga hoki o te aromātai hōtaka e pā ana ki te whakapaitanga. Ko te whakarato i te ārahitanga ngaio me te whakawhanaketanga ngaio, ka hāpai i ngā āheinga me ngā pūkenga o ngā kaiako ki te whai hua i roto i ā rātou mahi, me te whakarato i ngā hōtaka mātauranga e whai kounga ana ki ngā tauira.

Me whakarite i ngā pūnaha e pā ana ki te arotake whaiaro me te aromātai o roto. I tēnei wā, kei te whanake tonu ngā kaitiaki me ngā kaiārahi i ō rātou māramatanga ki te pūtake o ngā whakaritenga aromātai e whai hua ana. Kua tautuhia e te pae ārahi, e tika ana kia whakaarotau te arotakenga o ngā kaupapa here, ngā tukanga, me ngā whakaritenga e pā ana ki te hauora me te haumaru. Kua whakaritea tēnā hei te huihuinga o Te Poumarumaru e whai ake ana. He mea nui kia whakaarotau Te Poumarumaru ki te aromātai o roto, kia whakatakotohia ai ngā pūnaha me ngā tukanga e whai kounga ana.  

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)

• te haumaru ā-tinana o ngā ākonga

• te rēhitatanga o ngā kaiako

• ngā tukanga ki te whakatū kaimahi

• te whakaunu, te aukati, te pana me te whakarerenga

• te tae ā-tinana atu a ngā ākonga ki te kura

• ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.

Hei whakatutuki i ngā herenga ā-ture, me tahuri Te Poumarumaru ki te:

• whakapūmau i te haere tonutanga o tētahi hōtaka arotake whaiaro e pā ana ki ngā kaupapa here, ngā mahere, me ngā hōtaka o te kura, tae atu ki te aromātai i ngā mōhiohio aromatawai o te kounga pai mō te ahu whakamua me ngā paetae a ngā ākonga

[s138(1) Te Ture Mātauranga me te Whakangungu 2020]

• whakawhanake me te whakatinana i tētahi tukanga pakari e aromatawai ai i te āhua mahi o ngā kaiako, tae atu ki te tumuaki whakaako.

[s599 Te Ture Mātauranga me te Whakangungu 2020; me te Kirimina ā-tōpū mō te Whiwhi Mahi]

6 Te Taunakitanga

E taunaki ana Te Tari Arotake Mātauranga me te tumuaki, kia mahi Te Poumarumaru me ngā kaiārahi o te kura ki te taha o Ngā Kura ā Iwi o Aotearoa, ki te whakatutuki i ngā whakaritenga matua katoa i tautuhia ai ki tēnei pūrongo kia whāia.

Darcy Te Hau
Toka ā Nuku
Te Uepū-a-Motu – Māori Services

10 Whiringa ā-rangi, 2023

 

7 Ngā kōrero e pā ana ki te kōhanga reo

Te tūwāhi	Kei Whanganui
Te tau a te Tāhuhu o te Mātauranga	2384
Te tūmomo kura	He kura hiato Tau 1-15
Te tokomaha o ngā ākonga o te kura	181
Ngā hononga ā-iwi	Māori 100%
Ngā āhuatanga motuhake	Ngā Kura ā Iwi
Te wā i te kura te rōpū arotake	Pipiri 2023
Te wā o tēnei pūrongo	10 Whiringa-ā-rangi 2023
Ngā pūrongo o mua a Te Tari Arotake Mātauranga	Arotake Mātauranga, Hōngongoi 2019; Arotake Mātauranga, Mahuru 2015; Arotake Mātauranga, Poutū-te-rangi 2011

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.

2 Context

“Pupurutia te mana o te huia”

Te Kura o Kokohuia is situated in Castlecliff, Whanganui. Many whānau and tauira affiliate to the Whanganui Awa, commonly known as Te Awa Tupua o Whanganui. The kura is a member of Ngā Kura-ā-Iwi (NKaI) collective and provides kaupapa Māori education for uri in Years 1-15. Kaimahi changes since ERO last reviewed the kura, in 2019 includes a new Paeārahi (tumuaki) and entirely new Te Ngoi Ārahi, or leadership team.

3 Evaluation Focus

How well does the kura support tauira wellbeing, learning and belonging as uri of Whanganui?

The kura leadership and pouako are focused on providing the best possible learning environment where uri can grow and develop as confident contributors and as uri of Whanganui.

4 Findings

Governance and leadership capability are developing. Te Pou Marumaru (Board of Trustees) have newer members who are mentored by experienced members. They are developing their understandings and skills about their governance role through accessing online webinars provided by the New Zealand Trustees Association (NZSTA). Some have also attended Te Wānanga Arataki conferences and training hosted by NKaI.  The Heamana (presiding chair) and Paeārahi have established positive working relationships. There is a focus on promoting the holistic development of tauira. Te Tūnga Ahurei, Te Marau-ā-Kura aligns to the aspirations of whānau and to Ngā Kai O Te Puku Tupuna o Whanganui: Iwi Education Strategy 2010-2025. This is reflected in the Tūtohinga (Charter). Tauira are supported to have authentic learning experiences that connect them to Te Awa Tupua.  

Te Ngoi Ārahi, the newly established leadership team, is focused on growing their professional capability and capacity to support teaching and learning. The Paeārahi is a paetahi (graduate) from the kura and is a positive role model for the kura community. Te Tūnga Ahurei guides teaching and learning. Te Kura o Kokohuia has adopted a place-based learning approach which encourages a return to indigenous ways of learning. Ngā atua Māori is the central focus of the kura-wide three-year plan. Learning areas from Te Marautanga ō Aotearoa are woven throughout these kaupapa, including literacy and numeracy. Kura ā waho is another key component of teaching and learning. Tauira have opportunities to attend, participate in and contribute to iwi, hapū, and marae kaupapa. Ruruku or traditional incantations and waiata tawhito settle and ground tauira which reaffirms their identity as proud uri of Whanganui. Tauira are developing as future leaders of Whanganui. The cultural success of tauira is at the forefront of decision making.

Wharekura pouako plan collaboratively to guide teaching and learning. There is a strong focus on developing tauira to be cultural ambassadors for their iwi. Te Tūnga Ahurei has been integrated into achievement standards. There are strategies in place to promote the acquisition of endorsements. Tauira are supported to identify and follow their passions through contextualised learning and workforce programmes. The Years 9 and 10 programme has an emphasis on acquiring knowledge and skills in preparation for their selection of National Certificates of Educational Achievement (NCEA) subjects in Year 11. NCEA data shows that most tauira from Years 11-13 are achieving NCEA Levels 1-3. Tauira, as they move through the kura, experience academic success. 

Key Next Steps

Tauira progress and achievement from Years 1-10 requires immediate action. At the end of 2022, kura data revealed that the majority of tauira did not meet kura expectations in literacy and numeracy. Their progress needs acceleration. While kura leaders agree that support for these tauira is required, there is no clear plan in place to show how this will be achieved. More rigour is required to identify individual and groups of tauira needs and to focus on improving tauira outcomes.    

Target setting requires strengthening. Currently these lack rigour, they do not identify or focus on all tauira needs or curriculum areas where disparities occur or set high expectations for accelerating the progress of those tauira who require this. 

The Professional Growth Cycle (PGC) and professional growth plans for pouako have yet to be implemented. Guidelines are in the very early stages of development. Pouako need to be supported to continually improve their teaching practice and achieve kura priorities. Leaders need to prioritise the full implementation of a rigorous PGC framework that support pouako to understand effective teaching strategies and the purpose and process of programme evaluation for improvement. The provision of professional guidance and development supports the capacity and capability of pouako to be effective practitioners and provide quality education programmes for tauira.

Self-review and internal evaluation systems need to be established. Currently, trustees and leadership continue to build their understandings of the purpose of effective evaluation practices. The Paeārahi has identified the need to prioritise a review of health and safety policies, procedures and practices. This is planned for the next board meeting. To build effective quality systems and processes, it is important that Te Pou Marumaru makes internal evaluation a priority.

5 Board Assurance on Legal Requirements

During the evaluation, ERO checked at the following areas:

• emotional safety of students (including prevention of bullying and sexual harassment)

• physical safety of students

• pouako registration

• processes for appointing all kaimahi

• stand-downs, suspensions, expulsions and exclusions

• attendance

• school policies in relation to meeting the requirements of the Children’s Act 2014.

To meet compliance requirements trustees must:

• maintain an ongoing programme of self-review in relation to kura policies, plans and programmes, including evaluation of good quality assessment information on student progress and achievement
  [Section 138(1) Ed & Training Act 2020]

• develop and implement a robust process for assessing the performance of teachers including the teaching principal.
  [Section 599 Education and Training Act 2020; and Collective Employment Agreement]

6 Recommendation

ERO and the Paeārahi recommends that the board and kura leaders work closely with Ngā Kura-ā-Iwi to address all the key next steps identified in this report.

Darcy Te Hau
Toka-ā-Nuku – Director
Te Uepū ā-Motu – Māori Review Services

10 November 2023

7 Information about the kura

Location	Whanganui
Ministry of Education profile number	2384
Kura type	Composite (Years 1-15)
Kura roll	181
Ethnic composition	Māori 100%
Special features	Ngā Kura-ā- Iwi
Review team on site	June 2023
Date of this report	10 November 2023
Most recent ERO reports	Education Review, July 2019; Education Review, September 2015; Education Review, March 2011