TKKM o Kaikohe

Ngā Whakaaturanga

E tū ana Te Kura Kaupapa Māori o Kaikohe ki te tāone tonu o Kaikohe, ki te Tai Tokerau. He ngākau titikaha ō ngā ākonga ki te tupu i ngā āhuatanga o ō rātou pūmanawa, kia kōkiri whakamua rātou ki te eke ki ngā tihi teitei o te taumata. E ako ana rātou ki tētahi taiao e poipoi ana i tō rātou tuakiri ā-iwi me ō rātou hononga o roto i a Ngāpuhi. Ka ako ngā ākonga i ō rātou tūnga me ā rātou whai kawenga i roto i te iwi. E noho mātua ana te reo Māori ki te whānau o te kura me te hapori.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Kaikohe i roto i ngā tau e toru, arā, ko Te Rākeitanga.

1 Te Horopaki

E tū ana Te Kura Kaupapa Māori o Kaikohe ki te tāone tonu o Kaikohe, ā, e whakarato ana i te mātauranga rumaki reo Māori ki ngā ākonga o ngā tau 1 ki te 13. Kua tino piki ake te tatauranga o ngā ākonga ki te rārangi ingoa o te kura, whai muri i te arotake o mua a Te Tari Arotake Mātauranga i tū ai i te tau 2015. I te wā o tēnei arotake, e 274 ngā ākonga o te kura e ahu mai ana i Kaikohe tonu, ā, i ngā hapori hoki e pā tata atu ana. Kua whai wāhi atu te kura ki te whakatūnga o te Kāhui Ako a Te Arahura i tōna takiwā, ā, e hāpai tonu ana te kura i te whakatōpūtanga o ngā mahi e whakapakari ake ana i te ratonga mātauranga ki tō rātou hapori.

2 Te Tino Uaratanga

He pēhea rawa te tupu o ngā ākonga i ngā āhuatanga tuku iho o ō rātou pūmanawa ki ngā tihi teitei o te taumata?

He ngākau titikaha ō ngā ākonga ki te tupu i ngā āhuatanga o ō rātou pūmanawa, kia kōkiri whakamua rātou ki te eke ki ngā tihi teitei o te taumata.

Te Ira Tangata

E ako ana ngā ākonga ki tētahi wāhi e poipoi ana i a rātou, ā, e āta tohu ana hoki i ngā tino uara me ngā tikanga e whai pānga nui ana ki tō rātou kura. Kua whakatakotohia e te whānau me ngā kaimahi puta noa i te kura, ko ngā tūmanako e āta whakatō ana i ngā mātāpono o Te Aho Matua. Ko te whakawhanake i te katoa o te ākonga e āta hāpaitia ana mā te puāwai māoriori nei i te whakaaro nui me te manaakitanga o rātou e mahi ana ki te taha o ngā ākonga i te kura. Ko ngā whakaritenga o ia rā i te kura e āta whāngai ana i te whakawhanaketanga ā-wairua o ngā ākonga. Ka rongo ngā ākonga i te manaakitanga, te aroha, me te whakaute. Ka whakapuaki ngā kaiako me ngā kaimahi i ō rātou pūkenga ake me ō rātou pūmanawa ake, hei hāpai i te ako a ngā ākonga me ō rātou whakawhanaketanga. Kua whakatakotohia ngā pūnaha me ngā rauemi, hei āta whakapuaki i te tautoko e whai hua ai ki ngā ākonga i ngā wā e tika ana. E whakatairanga tonuhia ana te ako mā te aronga nui ki te maramataka Māori o Ngāpuhi. E āhurutia ana, e poipoia ana, e arohaina ana hoki ngā ākonga.

Te Reo

E whakawhanake ana ngā ākonga i ngā pūkenga ki te āta whakawhitiwhiti kōrero mā te reo Māori. Ko te whakapakari ake i te reo Māori tētahi kaupapa matua ki te whānau o te kura. Nō tēnei tau te rautaki matawhānui a Kura Mahere Whakarauora Reo i whakapuakihia ai mā ngā ākonga, ngā kaimahi, me te whānau, hei whakatairanga ake i te kounga o te reo Māori ki te kura, ā, ki tō rātou hapori hoki. E whakatinanahia ana te rautaki ka tahi, ka rua ka āta arotakengia hei aroturuki i te ahu whakamua. Ka whai wāhi atu ngā kaumātua me ngā mema o te whānau, mā te kōrero me te whakapuaki i te mita me te reo ā-iwi o te hapori nei, ā, he āhuatanga tēnei e whakatairanga ake ana i te māramatanga me te whai hononga anō hoki o ngā ākonga ki tō rātou reo. Ka whakaemi, ka aromatawai hoki ngā kaiako i ngā mōhiohio e pā ana ki te whakawhanaketanga o te reo o ngā ākonga. Ka whakamahi rātou i aua mōhiohio ki te whakarerekē haere i ā rātou mahi me ā rātou hōtaka akomanga, hei whakatōpū, hei whakawhānui ake anō hoki i ngā pūkenga reo o ngā ākonga. Kua whakahāngaitia te tautoko e whakaratohia ana, hei whakapiki ake i te māia me te mātau o ngā ākonga i roto i te reo kōrero. He tino mātanga reo, he whai wāhitanga ako reo e wātea ana ki te whānau, ā, kua āta whakaritea aua kaupapa. E whai atu ana ngā kaiako i ngā whakangungu e whakapiki tonu ana i te kounga o te reo Māori e whakatauirahia ana mā ngā ākonga. E āta hāpaitia ana ngā ākonga kia mātau tā rātou kōrero, tā rātou tuhi hoki i te reo o Ngāpuhi.

Ngā Iwi

He whai wāhitanga mō ngā ākonga ki te uru atu me te whai māramatanga hoki ki ngā tūmomo tūranga, kawenga hoki e pā ana ki tō rātou tū hei uri o Ngāpuhi. He tino pou tuarā ō ngā ākonga, tae atu ki ngā kuia, ngā kaumātua, me ngā mema o te whānau e ārahi ana i tā rātou ako i ngā tikanga a Ngāpuhi. E hono ana ngā horopaki ahurea ako ki ngā tino kaupapa hītori nui. Ka whakauru i ngā mātauranga me ngā tikanga tuku iho a te hapū me te iwi ki te marautanga o te kura. Ka āta whakarite ngā kaiako me te whānau kia riro i ngā ākonga ngā whai wāhitanga i ia te wā ki te tūhonohono atu ki te takiwā me ngā hapori whānui. E whai wāhi nui ana rātou ki te kōkiri i ngā whakawhanaketanga papai i te hapori. He whai wāhitanga anō hoki ki te ārahi, mā ngā horopaki o te mātauranga, te ahurea, me te hākinakina. Ka whakarato i ngā whai wāhitanga mō ngā ākonga o te wharekura ki te uru atu ki ngā tūmomo kaupapa ā-motu, ā-ao hoki, hei whakawhānui ake i ā rātou wheako ako. E āta tūhonohono ana ngā ākonga ki ētahi atu. I ngā ākonga e tū ana hei kanohi mō te kura, tērā hoki te tūmanako kia whakatinanahia e rātou ngā mātāpono o Te Aho Matua i roto i ngā kaupapa katoa e whāia ai e rātou.

Te Ao

He mātātoa te ako a ngā ākonga i ngā matatini o te ao tūroa. Ko te aronga i te marau ā-kura ki te maramataka o te takiwā nei e whakaaweawe nui ana i te horopaki me te whānuitanga o ngā tūmomo wheako e whakaratohia ana mā ngā ākonga i te kura. Ko tētahi tino tauira o aua tūmomo akoranga, ko te kaupapa ki te whakatō rākau ki ngā tahataha o te manga o Mangamutu e pā tata tonu ana ki te kura, otirā, e rere kau atu ana ki te Hokianga. Ko ngā taumahi ako e whai pānga ana ki Te Ao, he whai wāhitanga anō hoki mō ngā ākonga ki te whakawhanake me te whakatinana i ngā tino pūkenga pērā i te hīraurau hopanga, te whakatau whakaritenga, me te whakawhitiwhiti whakaaro. Tū ai ngā wānanga o ngā ākonga me te whānau hei āhuatanga tonu o ngā akoranga i ia te wā. Ka āta toro atu ki ngā mātanga o te hapori hei whakatairanga ake i ngā tikanga tuku iho i roto i te ao hurihuri tonu. He wā anō tēnei mō ngā ākonga ki te whai whakaaro ki te āhua o ā rātou ake mahi i roto i tō rātou hapori me tō rātou taiao. Kei te whanake ngā ākonga hei kaitiaki e toro atu ana ki ngā tikanga tuku iho me ērā hoki o te ao hurihuri nei ki te whakatōpū i ngā mōhiotanga ki te maramataka me te atuatanga, me te whai pānga anō hoki o aua tūāhuatanga ki ā rātou akoranga.

Āhuatanga Ako

Kei te whai wāhi mātātoa atu te nuinga o ngā ākonga ki ngā akoranga. Tū ai ngā hui kaimahi i ia te wā, ā, e arotahi ana ki te ahu whakamua me te ako a ngā ākonga, tae atu ki ngā rautaki e whakatairanga ake ai i ngā paetae ākonga. He aronga ngātahi puta noa i te kura mō ngā mahi whakamahere, ā, ka hāngai anō hoki tēnei ki te aronga o ngā akoranga ki te maramataka. Kua āta tāutuhia, kua āta whakatōngia hoki ngā tūmanako ngaio o ngā kaiako ki te kura. He matawhānui ngā pūnaha e pā ana ki ngā mahere me ngā aromatawai. Ka tātarihia ngā mōhiohio aromatawai, hei whakamōhio i ngā mahere me ngā whakaakoranga. Ko te whakaaro huritao o ngā kaimahi katoa i ia te wā ki ā rātou ake whakaritenga, e whai wāhi atu ana ki te arotakenga me te whakamahinetanga o te marau. Kua tāutuhia ngā ako ngaio e tika ana kia whai ake, hei whakapiki ake i ngā mōhiotanga me ngā pūkenga o ngā kaimahi ki te whakatairanga ake i te kounga o te mātauranga e whakaratohia ana e te kura. E āta tautokona ana ngā ākonga i roto i ā rātou akoranga.

Wharekura

Ka rongo ngā ākonga o te wharekura i te angitu, ā, he nui ngā rauemi o tō rātou wāhi ako. Ka ārahi, ka tautoko hoki ngā pūnaha matawhānui i te whakaratonga o te mātauranga wharekura. Kua pūmautia ngā tūmanako nui mō ngā ākonga katoa o te wharekura. I te tau 2018, i whakatutukihia e ngā ākonga katoa o Te Taumata Mātauranga ā-Motu kua Taea ngā tohu e tika ana. He tokomaha anō hoki o ngā ākonga o te Taumata 3 i riro ngā whiwhinga e tika ana mō te Whakauru Whare Wānanga. Ka akiaki ngā kaiako i ngā ākonga me te whānau ki te tāutu i ngā huarahi ako e whakatutuki ai i ā rātou whāinga mātauranga. Ka whakamahere rātou i ngā taumahi whakahihiko e whakatairanga ai i te ako a ngā ākonga o te wharekura. He pai te whakawhanaungatanga me te whakaute ki waenga i ngā kaiako me ngā ākonga. Ko ngā pūkenga me te tautōhito o ngā kaiako e āta whakapuakihia ana hei whakawhānui i ngā momo whiringa ki te marau o te wharekura. I tēnei wā, ko te reo Māori te aronga rautaki mā rātou. Koia nei te reo matua o te wharekura. E hāpaitia ana rātou o ngā ākonga e mau nei i te iti o te reo Māori, kia pakari ake tō rātou mōhiotanga me tō rātou māia ki te whakamahi i te reo. E noho whakahihiko ana ngā ākonga o te wharekura ki te ako, ā, ka ākina, ka hāpaitia hoki kia kōkiri rātou i ō rātou ake huarahi ako, kia tutuki ā rātou ake whāinga me ō rātou ake wawata.

Ngā wāhanga i tāutuhia ai e te kura hei whakawhanake ake

Me whakapakari ake i te aromātai o ngā hōtaka akoranga ki ētahi wāhanga o te kura teina. Ka tāutu, ka whakawhiti kōrero ngā kaiako i ngā matea ako a ngā ākonga, hei āta whakarite i te whakatinanatanga o tētahi hōtaka akoranga e aro pū ana ki a rātou i ia te wā. E tika ana, kia tātari tonuhia me pēhea te whakapūmau i te kaha whai wāhi mai o ngā ākonga katoa ki ngā akoranga, puta noa i te rā.

3 Te Arotake Whaiaro me te Ārahitanga

Kua āta whakaritea ngā mahi arotake whaiaro hei whakapai ake i ngā whakahaeretanga, puta noa i te kura. Ka mahi ngātahi te whānau me ngā kaimahi ki te whakatutuki i ā rātou kaupapa matua ā-tau, me te ahu whakamua tonu ki ā rātou whāinga rautaki. Ko ngā mōhiohio e pā ana ki te ahu whakamua tonutanga me ngā whakatutukitanga e ārahi ana i ngā whakataunga ki ngā wāhanga o te kāwanatanga me te whakahaeretanga o te kura. Ka whakamōhiotia te whānau ki ngā paetae ākonga me ngā matea i tāutuhia ai. E noho pūmau ana te whānau me ngā kaimahi ki te arotake tonutanga me te whakamahine tonutanga o ngā whakahaeretanga katoa o te kura, kia ū ai ngā painga mō ngā ākonga, te whānau, me te hapori. He pai te tūnga o te kura ki te whakapūmau i tana aronga ki te eke angitu o ngā ākonga, ā, i te tupu tonu o te kura.

Ka kitea ki te ārahitanga i te kura, ko te kaha ū ki te eke angitu o te ākonga Māori hei Māori. Ka whai aronga, ka whai pūtake anō hoki ngā whakataunga me ngā mahi a ngā kaiārahi. Kua āta tāutuhia ngā tūranga me ngā kawenga mahi i roto i te ārahitanga me te hanganga whakahaere o te kura. Ko tētahi āhuatanga matua o te whakawhanaketanga ārahitanga ki te kura, ko te whakapakari i ngā pūkenga ārahi i roto i te kura mō ngā tau kei te heke mai. E whakatairanga ana te kura i te mahi ngātahi me te whakawhirinakitanga mā te tū auau me te māramatanga anō hoki o ngā whakawhitinga kōrero. E ākina ana te whakatakoto mai o ngā kaiako i ngā tono auaha e whakahihiko ana, e kōkiri whakamua ana i ngā putanga ako o ā rātou ākonga. Ka toro atu rātou ki ngā mātanga me ngā ratonga o waho e whai pūkenga ana i roto i ā rātou tino kaupapa, kia whakatauirahia, kia whakatairangatia hoki te whakawhānuitanga ake o ngā whai wāhitanga ako mō ngā kaimahi katoa me ngā ākonga. Ka whakatauira te whānau i te āhua o te whai whakaaro nui ki ngā pūkenga me ngā wheako o tēnā me tēnā. Ka whai wāhi atu ngā kaiārahi i te kura me te whānau ki ngā painga ka hua ake ki ngā ākonga, i runga anō i te āhua o tā rātou tirohanga me ngā mātāpono hoki o Te Aho Matua.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura.

5 Ngā Taunakitanga

E taunaki ana Te Tari Arotake Mātauranga:

• kia whāia, kia whakapūmautia hoki e te whānau, e te poari, e ngā kaimahi hoki ngā huarahi me ngā pātuitanga whai hua e hāpai ai i a rātou ki te whakatutuki i ā rātou kaupapa rautaki e pā ana ki ngā ākonga, te kura, me te hapori whānui.

Te Whakarāpopototanga

E tū ana Te Kura Kaupapa Māori o Kaikohe ki te tāone tonu o Kaikohe, ki te Tai Tokerau. He ngākau titikaha ō ngā ākonga ki te tupu i ngā āhuatanga o ō rātou pūmanawa, kia kōkiri whakamua rātou ki te eke ki ngā tihi teitei o te taumata. E ako ana rātou ki tētahi taiao e poipoi ana i tō rātou tuakiri ā-iwi me ō rātou hononga o roto i a Ngāpuhi. Ka ako ngā ākonga i ō rātou tūnga me ā rātou whai kawenga i roto i te iwi. E noho mātua ana te reo Māori ki te whānau o te kura me te hapori.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Kaikohe i roto i ngā tau e toru, arā, ko Te Rākeitanga.

Gloria Takuira

Acting Toka ā-nuku

09 Hōngongoi, 2019

Ngā kōrero e pā ana ki te kura

Findings

Te Kura Kaupapa Māori o Kaikohe is located in the township of Kaikohe in Northland. Students confidently advance their talents toward attaining the highest levels of achievement. They learn in an environment where their iwi identity and connections within Ngāpuhi are fostered. Students learn about their roles and responsibilities within the iwi. Te reo Māori is a high priority for the kura whānau and community.

The next ERO review of Te Kura Kaupapa Māori o Kaikohe will be in three years – Te Rākeitanga – Expansive Evaluation.

1 Context

Te Kura Kaupapa Māori o Kaikohe is located in Kaikohe and provides Māori immersion education for students from Years 1 to 13. There has been significant roll growth since the previous ERO review in 2015. At the time of this review, there were 274 students from within Kaikohe and surrounding communities. The kura has been part of the establishment of the local Kāhui Ako, Te Arahura, and continues to support the collective efforts to strengthen education provision within their community.

2 Te Tino Uaratanga

How well do students advance their individual talents to the highest levels of achievement?

Students confidently advance their talents toward attaining the highest levels of achievement.

Te Ira Tangata

Students learn in a nurturing environment that reflect the important values and practices of their kura. The whānau and staff have established expectations across the kura that instil the principles of Te Aho Matua. The holistic development of students is well supported through the natural acts of concern and care by those who work alongside students in the kura. Daily practices within the kura foster the spiritual development of students. Students experience manaakitanga, aroha and respect. Kaiako and staff use their unique skills and talents to contribute to students’ learning and development. There are systems and resources in place to ensure appropriate support for students is available where needed. Learning is further enhanced by a strong focus on the maramataka Māori of Ngāpuhi. Students feel safe, secure and loved.

Te Reo

Students develop skills to communicate effectively in te reo Māori. Strengthening te reo Māori is a priority for the kura whānau. A comprehensive strategy Kura Mahere Whakarauora Reo was introduced this year for students, staff and whānau to raise the quality of te reo Māori within the kura and their community. The strategy is being implemented and a comprehensive review will be conducted to monitor progress. Kaumātua and members of the whānau contribute by speaking and sharing the local dialect which enhances students’ own understanding and affinity to their language. Kaiako gather and assess information about students’ language development. They use this information to adapt their practice and classroom programmes to consolidate and further extend student’s language skills. Targeted support is provided to increase oral language confidence and competence. The whānau have access to well established language expertise and learning opportunities. Kaiako are pursuing further training to improve the quality of te reo Māori modelled to students. Students are well placed to become speakers and writers of Ngāpuhi reo.

Ngā Iwi

Students have opportunities to experience and understand the different roles and responsibilities associated with their identity and place within Ngāpuhi. Students have positive role models including kuia, kaumātua, and whānau members who guide their learning about Ngāpuhi tikanga and practices. Cultural contexts for learning are linked to significant historical events. Hapū and iwi knowledge and traditional practices are integrated into the curriculum of the kura. Kaiako and whānau ensure students are provided with regular opportunities to make connections in the local and wider communities. They are an integral part of initiating positive developments in the community. Leadership opportunities are provided in academic, cultural and sporting contexts. Wharekura students are provided with opportunities to participate in national and international contexts to broaden their learning experiences. Students are building strong connections with others. It is an expectation that all students representing the kura will demonstrate the guiding principles of Te Aho Matua in all events that they participate in.

Te Ao

Students are actively learning about the complexities of the natural and physical worlds. The focus within the kura curriculum on the local maramataka influences the context and range of learning experiences provided for students in the kura. A prominent example of these types of learning is the riparian planting project that borders the kura alongside the Mangamutu stream which eventually makes its way out to the Hokianga. Learning activities relating to Te Ao provide opportunities for students to develop and practice important skills such as problem solving, decision making and communication. Wānanga for students and whānau are a regular part of learning. Local expertise is utilised to promote traditional practices in contemporary settings. This enables students to consider their personal and collective contribution to their community and the local environment. Students are developing as kaitiaki who use traditional and contemporary access to combine the maramataka and atuatanga levels of awareness and impact upon their learning.

Āhuatanga Ako

Most students are actively engaged in learning. Regular staff meetings are focused on student progress and learning, including strategies to raise student achievement. There is a kura-wide approach to planning that aligns with the learning focus on the maramataka. Professional expectations of kaiako are well defined and embedded within the kura. Planning and assessment systems are comprehensive. Assessment information is analysed to inform planning and teaching. Ongoing reflections by all staff of their own practice contributes to the review and refinement of the curriculum. Targeted professional learning has been identified to increase staff knowledge and skill to improve the quality of education the kura provides. Students are well supported in their learning.

Wharekura

Wharekura students experience success in a well-resourced environment. Comprehensive systems guide and support the provision of wharekura education. High expectations are held for all wharekura students. In 2018, all NCEA students attained the relevant qualification. A significant number of Level 3 students also gained the required credits for University Entrance. Kaiako encourage students and whānau to identify learning pathways to achieve their educational goals. They plan stimulating activities to enhance learning for wharekura students. Kaiako and student relationships are positive and mutually respectful. The skills and experiences of kaiako are well utilised to extend curriculum options in the wharekura. Te reo Māori is presently a strategic focus for them. It is the predominant language in the wharekura. Students with limited te reo Māori are supported to build their knowledge and confidence to use the language. Wharekura students are motivated learners who are encouraged and supported to drive their own learning to achieve their personal goals and aspirations.

Area for development

Evaluation of the learning programmes in some areas of the kura teina requires strengthening. Kaiako identify and discuss student learning needs to ensure a responsive learning programme is consistently implemented. Further analysis is required to identify how to sustain high levels of engagement for all students throughout the day.

3 Self Review and Leadership

Self-review practices are well established to improve operations throughout the kura. The whānau and staff work collaboratively to achieve their annual priorities and make progress towards their strategic goals. Information about ongoing progress and achievements guides decision making at governance and management levels. The whānau are informed about student achievement and identified needs. The whānau and staff are committed to ongoing review and refinement of all kura operations to maintain positive outcomes for students, whānau and the community. The kura is well placed to maintain its focus on student success and the sustained growth of the kura.

Leadership in the kura reflects a strong commitment to Māori student success as Māori. Decisions and actions by leaders are responsive and deliberate. Roles and responsibilities are clearly defined within the leadership and management structure in the kura. A key part of leadership development in the kura is building internal leadership capability for the future of the kura. The kura promotes collaboration and trust through regular and clear communication. Kaiako are encouraged to present innovative proposals to motivate and advance learning outcomes for their students. External experts and organisations in specialist areas of interest are invited to model and promote extended learning opportunities for all staff and students. The whānau model mutual respect for individual skills and experiences. Leaders in the kura and whānau contribute to positive outcomes for students in line with their vision and the principles of Te Aho Matua.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

5 Recommendations

ERO recommends:

• the whānau, board of trustees and staff continue to seek pathways and maintain productive partnerships that enable them to achieve their strategic priorities for their students, kura and wider community.

Conclusion

Te Kura Kaupapa Māori o Kaikohe is located in the township of Kaikohe in Northland. Students confidently advance their talents toward attaining the highest levels of achievement. They learn in an environment where their iwi identity and connections within Ngāpuhi are fostered. Students learn about their roles and responsibilities within the iwi. Te reo Māori is a high priority for the kura whānau and community.

When is ERO likely to review the kura again?

The next ERO review of Te Kura Kaupapa Māori o Kaikohe will be in three years – Te Rākeitanga – Expansive Evaluation.

Gloria Takuira

Acting Toka ā-nuku

9 July 2019

Information about the Kura

r